களவானிப் பெண்ணின் திருடல்கள்

Happy Diwali to all

2008-10-28T06:53:00.003+03:00

Happy Diwali to all friends .

lattu niraya irukku. ellaarum sandai illama share pannikkanga.
Wishing a happy life to all.

vidhya Kalaivani
From India

98. விடை பெறுகிறேன்...! இது கடைசிப் பதிவு!!.

2007-11-27T06:50:00.000+03:00

திரும்பிப்பார்த்த போது கொஞ்சம் பயமாகக் கூட இருந்தது. அதை விட கொஞ்சம் கோபமாகவும், வெட்கமாகவும் இருந்தது. ஏதோ ஒரு கனவு போல் இருந்தது. மறந்துவிட்ட வேகத்தில், சூழ்நிலையில் எழுதியவைகளாக இருக்கின்றன.

எல்லாரும் எழுதும் போது நாமும் எழுதுவோம் என்று ஆரம்பித்தது தான். முதலில் எங்கிருந்தாவது களவாடித் தான் போட ஆரம்பித்தேன். அதற்குப் பிறகு பின்னூட்டங்களுக்கு பதில் சொல்ல வேண்டி வந்தது. அதுவே பின்னர் பதிவாக மாற ஆரம்பித்தது. ஆனாலும் 98 பதிவுகளில் 50 பதிவுகளுக்கு மேல் திரும்பிப் படிக்கவே வெட்கமாக இருக்கிறது. அவைகளை அழித்து விடக்கூட எண்ணினேன். ஆனால் அடுத்தடுத்த பதிவுகளுக்கு வரிசை எண் இட்டுவிட்டதாலும், சரித்திரத்தில் இடம்பெற்ற (?) பதிவுகளாகி விட்டதாலும் அப்படியே விட்டு விட்டேன்.
சரி மீதி பதிவுகளில் ஏதாவது தேறுமா என்று பார்த்தால் அதில் கூட சந்தேகம் தான். ஆனாலும் தமிழ்மணத்தில் நுழைந்த 3 மாதமும் மகிழ்ச்சியாக கழிந்தது.

சரி, விஷயத்துக்கு வருகிறேன். இன்று திரும்பி சவுதியில் இருந்து இந்தியாவுக்கு செல்ல வேண்டிய நாள். எப்போதும் மகிழ்ச்சியாக இருக்கும் இந்த தருணம் கொஞ்சம் அடிமனதில் சோகததையும் தருகிறது. சில குடும்ப சூழல்களினால் திரும்பி வரும் வாய்ப்பு குறைவாக இருப்பதாலும், ஊரில் இணைய இணைப்பு குழப்பமான சூழலிலும் இருப்பதாலும் நண்பர்களைப் பிரியும் அந்த பள்ளி இறுதி நாள் அனுபவத்துடன் இதை எழுதுகிறேன்.

எனக்கு பின்னூட்டங்கள் இட்டவர்களுக்கும், என்னுடைய இணைய நண்பர்களுக்கும், என் பதிவை அவர்களுடைய கட்டுரைகளுக்கு இடையே சுட்டி கொடுத்தவர்களுக்கும், என்னிடம் ஆரோக்கியமாக சண்டையிட்டவர்களுக்கும் என்னுடைய நன்றியைத் தெரிவித்துக் கொள்கிறேன்.

முக்கியமாக எனக்கு பாசத்துடன் தங்களுக்கிடையே அரவணைத்து, ஆதரவளித்த எங்களுடைய பாசக்கார குடும்பத்தின் அனைவருக்கும் என்னுடைய நன்றிகளைக் காணிக்கையாக்குகிறேன். சில நேரங்களில் சர்ச்சையான சில விமர்சனப் பதிவுகளை இட்டதற்கும், அதனால் யாராவது மனம் புண்பட்டிருந்தால் அவர்களிடம் எனது மன்னிப்பை வேண்டுகிறேன்.

நான் எழுதியவற்றில் தொடுப்பு கொடுக்க ஏதும் பதிப்பு தகுதியாக இல்லாதது போல் எனக்கு தோன்றினாலும் இந்த ஒரு பதிவுக்கு மட்டும் தொடுப்பு தருகிறேன்.

விடைபெறுவது
சகோதரி வித்யா கலைவாணி.

97. தமிழகத்தில் இணைய இணைப்பு - யாராவது உதவுங்க!!!!

2007-11-23T06:30:00.000+03:00

இது தமிழகத்தில் இணையம் உபயோகிப்பவர்களுக்கானது. இன்னும் சில தினங்களில் நாங்கள் ஊருக்கு விடுமுறையில் செல்ல உள்ளோம். ஊரில் (பெரியகுளம்) தற்போது இணைய இணைப்பு இல்லை. என்வே ஊருக்கு போன பிறகு BSNL மூலம் தொலைபேசி இணைப்பும், அகலக்கற்றை ( Broadband) இணைப்பும் பெறலாம் என்று இருந்தோம். ஆனால் கடந்த வாரம் தினமலரில் வந்த செய்தி, அந்த ஐடியாவிற்கு மூடு விழா நடத்தி விட்டது.

அதாவது தொழில்நுட்பக் காரணங்களினால் எங்கள் ஊரில் அகலக்கற்றை இணைப்பு 6 மாதமாக வழங்கப்படாமல் உள்ளதாம். எனவே எங்களுக்கும் உடனடியாக கிடைக்க வாய்ப்பு இல்லை. தமிழகத்தில் இணைய இணைப்பு உள்ளவர்கள் BSNL தவிர்த்து மற்ற சேவைகள் இருந்தால் எனக்கு சொல்லுங்கள்.
நேரத்தை அடிப்படையாகக் கொள்ளாமல் பதிவிறக்கத்தை அடிப்படையாகக் கொண்டதாக இருந்தால் நலம். என்ன திட்டம், மாதம் எவ்வளவு வரும் என்று தெரிவியுங்கள் . டயல் அப் பரிந்துரைக்க வேண்டாம். நம்ம வேகத்துக்கு டயல்அப் சரிவருவதில்லை. நண்பர்களே, உறவுகளே கொஞ்சம் உதவுங்கள்.

++++++++++++++++++%$$$$$$$$$$$$$$$$$$$$$$$$$$%***********

ஒரு மொக்கை
மல்லுகளோடு மல்லுக்கு நிற்போம்.
இது மொக்கையா என்னன்னு தெரியலை. ஏஷியாநெட் தொலைக்காட்சியில் வந்த செய்தி. இரண்டு நாளுக்கு முன்னால் கேரள விமான நிலையத்தில் நம்ம சேட்டா சாஜி வந்திருக்கார். 34 வயதான அவர் தமாம் ( சவுதியில் ஒரு நகரம்) நகருக்கு டிரைவர் வேலைக்கு விசா கிடைத்து முதன் முறையாக வெளிநாடு செல்ல வந்துள்ளார். அதற்கு ஏஜண்ட்களுக்கு கிட்டதட்ட ஒன்றே கால் லட்சம் இந்திய ரூபாய் கொடுத்துள்ளார்.
விசா கிடைத்து டிக்கெட் கிடைத்த உடன் தனது குடும்பத்தினரிடல் விடை பெற்று வந்தா சாஜி மகிழ்ச்சியா ஏர்போர்ட்டில் நுழைந்துள்ளார். அவரது கடவுச்சீட்டைப் பார்த்த குடியேற்றத் துறை அதிகாரிகள் அவரது பயணத்தை ரத்து செய்து திருப்பி அனுப்பி விட்டனர். என்ன காரணம் இருக்கலாம் என்று நினைக்கிறீர்கள்.
அவரது பிறந்த நாள் தான் அவரை திருப்பி அனுப்பியது. அவரது பிறந்த தேதி கடவுசீட்டில் 30-02-1973 என்று இருந்தது. பிப்ரவரியில் 30 நாள் எப்படி வந்தது என்று தெரியவில்லை. அதைவிடக் கொடுமை சாஜி சொன்னது. அவரது பள்ளி, ஓட்டுநர் உரிமம் அனைத்திலும் இந்த தேதிதான் உள்ளதாம். பள்ளி, அரசு இலாகாக்கள், கடவுச்சீட்டு இலாகா, விசா அடித்த சவுதி தூதரகம் எதுவும் இதைக் கவனிக்கவில்லை. பாவம் சாஜி.

இன்னும் சிலவற்றுடன் செய்தி மூலம்

96. தமிழாசிரியையுடன் உரையாடல் - 2 மற்றும் ஒரு புதிய அறிமுகம்.

2007-11-21T21:36:00.000+03:00

உரையாடலின் முதல் பகுதி பார்க்க

ஒரு தமிழாசிரியருடன் நடைபெற்ற சாட்டினை அப்படியே போன பதிவில் தர முயற்சி செய்தேன். அதன் தொடர்ச்சியாக இது இரண்டாவது பகுதி.இனி உரையாடல் தொடர்கிறது..............

தமிழாசிரியை : 35 ஆண்டு காலப் பழக்கம் அவ்வளவு எளிதில் மாறாது. கவிதை நடைச் சாயல் என் உரை நடைக்கு உண்டு - அதை அவ்வளவு எளிதில் மாற்றிவிட முடியாது.

வித்யா :சரிம்மா இத்துடன் நாம் முடித்துக் கொள்வோம். உங்களுடைய தமிழுக்கு எனது வந்தனங்கள்

தமிழாசிரியை : ஏன் பயந்துகிட்டுஓடறே

வித்யா : ஓட வில்லை

தமிழாசிரியை : பின்னே

வித்யா : நீங்கள் பழக்கத்தை மாற்ற முடியாது என்று தான் கூறுகிறீர்களே தவிர.. அதற்கு சரியான காரணம் கூற வில்லையே

தமிழாசிரியை : மாற்றத்திற்கு தேவை இன்னும் வரவில்லை

வித்யா : இளைய தலைமுறையினர் கூறுவதுதான் அதற்கு சான்று

தமிழாசிரியை : எத்தனை பேர் ?? விழுக்காடு அதிகமில்லையே !!

வித்யா : அப்படியென்றால் என்னைப் போன்றவர்களை உருவாக்க முடியாது
என்கிறீர்களா?
தமிழாசிரியை : முடியும் என்ற நம்பிக்கை உண்டு

வித்யா : அப்படியானால் எங்களுக்கு புரிய வேண்டுமே? புரிந்தால் தானே நீங்கள் சொல்வது போல வளர இயலும்.

தமிழாசிரியை : அடிக்கடி வந்து படி - கேள் - பழகப் பழகத் தமிழ் புரியும். ஒரு நல்ல செயலுக்காக நடை மாறாமல் இருப்பது நல்லது தான்

வித்யா : காலத்தின் கட்டாயம் என்று ஒன்று உள்ளதே? செய்தித்தாள்களில் பார்த்தால் புரியும்.

தமிழாசிரியை : கட்டாயம் என்பது அவரவர் கருத்தைப் பொறுத்தது.

வித்யா : இல்லை. இது தமிழின் கட்டாயம். இதை நீங்கள் ஏற்றுக் கொள்ள மறுக்கிறீர்கள்.

தமிழாசிரியை : செய்திதாள்களின் தரம் என்று ஒன்று இருக்கிறதல்லவா - தினமணிக்கும் தினமலருக்கும் வேறுபாடு இல்லையா?

வித்யா : இருக்கு. அது தான் காலத்தின் கட்டாயம் என்கிறேன்

தமிழாசிரியை : தினமணி தினமலர் போல மாற வேண்டுமென்று விரும்புகிறாயா ?

வித்யா : நான் அப்படி சொல்ல வில்லை. தினமணி சுதேசமித்ரனாகக் கூடாது என்று தான் சொல்கிறேன்

தமிழாசிரியை : அது காலத்தைப் பின்னோக்கி இட்டுச் செல்லாது

வித்யா : இல்லை நீங்கள் உங்கள் இடத்தை விட்டு வர மாட்டேன் என்கிறீர்கள் 35 ஆண்டுகளாக

தமிழாசிரியை : வரவேண்டும் எனச் சொல்கிறாயா?

வித்யா :கண்டிப்பா! தமிழ் கொலை செய்ய சொல்ல வில்லை. நீங்கள் எப்படி பேசுகிறீர்களோ அப்படி எழுதுங்கள்

தமிழாசிரியை : மொழி மரபில்லாமல் வளர்ந்துகொண்டிருக்கின்ற – இல்லை இல்லை - வாடிக்கொண்டிருக்கின்ற மொழியைப் பார்க்கும்போது உண்மை மறைந்து போய் விடுமோ என்ற உள்ளுணர்வு உறுத்துகின்றது.

வித்யா :இது வாடுதல் அல்ல. வளார்ச்சி தமிழ் சாகா வரம் பெற்றது.

தமிழாசிரியை : பேசுவது போல் எழுதுவது என்பது கருத்துப் பரிமாற்றத்திற்கு சரியே. ஆனால் நான் கருத்துப் பரிமாற்றம் செய்யவில்லை. கருத்துப் பதிவு தான் செய்கிறேன். புதுக்கவிதை மரபை ஏற்றுக்கொண்டிருக்கிறோம் நாம். அதில் கருத்து இருக்கிறது என்பது தான் அதன் வடிவம்.

வித்யா :அது போல தான். பேச்சுத் தமிழின் உருமாற்றம். அதை ஏற்றுக் கொள்ளத் தான் வேண்டும்

தமிழாசிரியை : சங்க கால நடையில் யாரும் இப்போது எழுதுவதில்லை. என்னுடைய நடை மு.வ, வ.சுப.மா, பார்திதாசன், அறிஞர் அண்ணா, ஆகியோரின் மொழி நடையைப் படித்துப் படித்து சுவைத்ததால் வந்தது.

வித்யா : அதுவும் காலத்தின் கட்டாயத்தினால் ஏற்பட்ட உருமாற்றம் தானே. அதை ஏற்றுக் கொள்ளும் நீங்கள் இதை ஏற்றுக்கொள்ள மறுக்கிறீர்கள்.

தமிழாசிரியை : இந்தப் பேச்சுத்தமிழையே நான் படித்திருந்தால் பேசாமல் தமிழ் படிக்காமலேயே இருந்திருப்பேன்.

“இருந்தமிழே உன்னால் இருந்தேன்!!
இமையோ விருந்தமிழ்தம் வேண்டினும் வேண்டேன்”
என்ற நாவலர் தமிழைச் சுவைத்தும்
“தமிழே நீ ஒரு பூக்காடு அதில் நான் ஒரு தும்பி” என்ற அவர் பாவினைப் படித்தும் “சாதல் தமிழறிந்து சாதல் வேண்டும்
எந்தன் சாம்பலுமே தமிழ் மணந்து வேதல் வேண்டும்”
என்ற பாரதி தாசனைச் சுவைத்தும்
“தனிமைச் சுவையுடைய சொல்லை
எங்கள் தமிழினும் வேறெங்கும் கண்டதில்லை”
என்ற பாரதியை பாவால் பார்த்தும் வந்ததே என் தமிழ் நடை - அது எப்படி மாறும்?

வித்யா : சரி இறுதியாக என்னதான் சொல்கிறீர்கள்.

தமிழாசிரியை : ஒவ்வொரு கட்டத்திலும் மொழியானது தனது வளர்ச்சியை நோக்கி செல்லும். ஆனால் தற்காலத்தில் இருப்பது தான் சரியானது என்று நினைத்து விடக்கூடாது. பழையவர்கள் அதில் இருந்து சரியானவைகளைத் தேர்ந்தெடுத்து புதியவர்களுக்கு தருகின்றனர். எப்படி சிறு குழந்தைக்கு பெற்றோர் எது தேவையோ, அதைத் தேர்ந்தெடுத்து கொடுக்கின்றனர். அதே போல் தான் இதுவும். உங்களுக்கு சந்தேகங்கள் வரும் போது எங்களைப் பார்த்து தெரிந்து கொள்ளலாம். எடுத்துக்காட்டாக இப்போது எழுதுபவர்களில் பலருக்கு ல, ள, ழ போன்றவற்றிற்கு வித்தியாசம் தெரிவதில்லை. அதே போல் தாம் ன, ண, மற்றும் ர ற போன்றவை. இவைகளை எங்கள் எழுத்துகளைப் படிக்கும் போது கொஞ்சம் கொஞ்சமாக திருந்திவிடும். தொடர்ந்து படித்துக் கொண்டே இருந்தால் அனைத்தும் சுலபம் தானே.

வித்யா : அம்மா உங்கள் கருத்தை நான் ஏற்றுக் கொள்கிறேன். நாங்கள் செல்லும் வழியை நீங்கள் கண்காணித்துக் கொண்டே இருங்கள். நாங்கள் தவறு செய்யும் போது கண்டியுங்கள். அதை சிரமேற்கொண்டு ஏற்றுக் கொள்கிறோம்.

பின்குறிப்பு

அந்த தமிழாசிரியை என்னுடைய தாய்க்குச் சமமான செல்வி ஷங்கர் என்ற பெயரில் எழுதி வருபவர். தமிழ்மண மக்கள் அறிந்த சீனா அப்பாவின் மறுபாதியானவர். ( துணைவியாருக்கு மறுபாதி என்று புது பெயர் கொடுத்தது சீனா அப்பா தான்) அவரது தமிழமுதை சுவைக்க வாருங்கள்.
எண்ணச்சிறகு
பட்டறிவும் பாடமும்
கேட்டதில் பிடித்தவை

2. நாங்கள் இருக்கும் ரியாத்தில் இருந்து புதிதாக தமிழ்மணத்திற்கு அறிமுகமாகி இருக்கும் எனது புதிய சொந்தம் சகோதரி பாசமலரும் தனது தமிழ் அறிவை தனது பதிவுகளில் பறைசாட்டுகிறார். என்னுடைய முதல் பதிவில் நான் கூறிய கருத்துகளால் கோபமடைந்து ஒரு கவிதை கூட அவரது பதிவில் எழுதி விட்டார். பாருங்கள்.

“சிதையில் நீ போகாமல்
சீராய்க் காக்கும்
மெய்காப்பாளர்
திருப்பணி பெற்றுத்
துறை தோறும்
துலங்குவாய் தமிழே!”

3. இவர்கள் இருவரும் மதுரையைச் சேர்ந்தவர்கள் என்பது குறிப்பிடத்தக்கது.

95. தமிழ் மொழி நடை - தமிழாசிரியையுடன் ஒரு உரையாடல்

2007-11-21T06:13:00.000+03:00

தமிழாசிரியையுடன் ஒரு தமிழ் கலந்துரையாடல்

சமீபத்தில் ஒரு தமிழாசிரியையுடன் சாட்டில் சாதாரணமாகப் பேசியது ஒரு விவாததை நோக்கி இழுத்துச் சென்றது. அந்த தமிழாசிரியை தமிழை தனது உயிர் மூச்சாகக் கொண்டவர் . பல ஆண்டுகளாக தமிழாசிரியையாக பணி செய்து ஓய்வு பெற்றவர் . அந்த உரையாடலை முடிந்த அளவு சீர்செய்து இங்கு தருகிறேன் .

வித்யா : வணக்கம்மா

தமிழாசிரியை : வணக்கம்

வித்யா : அம்மா நல்லா இருக்கீங்களா?

தமிழாசிரியை : நன்றாக இருக்கிறேன். நீ எப்படி இருக்கிறாய்?

வித்யா : ம் உங்க ஆசியில் நல்லா இருக்கேன்

;;;;;;;;;;;;;;;;;;;;;;;

**************
&&&&&&&&&&&&

வித்யா : நல்ல அனுபவங்களைத் தருகிறீர்கள். வரவேற்கிறோம். ஆனா நாங்க புது தலைமுறை ஆளுங்க. அதனால எங்களுக்கு புரியும்படி எழுதலாமே?.

தமிழாசிரியர் : மொழி நடை எல்லாம் அவரவர் இயல்பு. புரிந்து கொள்ள முயற்சி செய்க.

வித்யா : இன்றைய மக்கள் புரிந்து கொள்ளும் நடைமுறைத் தமிழில் நீங்க ஏன் எழுதக்கூடாது?

தமிழாசிரியை : நடைமுறைத் தமிழில் எழுதினால் தமிழ் வளர்ச்சி என்பது தொலைக்காட்சித் தமிழ் போல் ஆகிவிடும்

வித்யா : படிக்க எங்களுக்கு கடினமா இருக்கே

தமிழாசிரியை : படிக்கப் படிக்க பழகி விடும் - இதை நான் நடைமுறையில் செய்முறையாக கண்டுள்ளேன்

வித்யா : நீங்கள் எழுதுவது கிட்டதட்ட 20 ஆண்டுகள் பின்னோக்கிய தமிழா இருக்கே? அது எப்படி மீண்டும் வரும்? காலத்துக்கு ஏற்றார் போல் தமிழும் மாறுகிறது. நாமும் மாற வேண்டும். இது தானே நியாயம்.

தமிழாசிரியை : தமிழ் அறிந்தவர்கள் இத்தகைய நடையைத்தான் பயன்படுத்துவார்கள். பேச்சுத் தமிழும் பொதுத் தமிழும் அறிந்தவர்களே நடைமுறைத் தமிழை பயன் படுத்துவார்கள்

வித்யா : தமிழ் அறிந்தவர்கள் எனபது யாரை என்று விளங்கவில்லை. அதை கொஞ்சம் விளக்க முடியமா? அதற்கு ஒரு எல்லை வேணுமே?

தமிழாசிரியை : தமிழ் இலக்கியங்களை அறிந்தவர்கள்

வித்யா : அப்படியானால் இலக்கியம் அறிந்தவர்கள் எதை, எந்த முறையில் எழுதுகிறார்களோ அது தான் தூய தமிழா?

தமிழாசிரியை : தூய தமிழ் என்பதில்லை - நடை உயர்ந்த தமிழ் என்பது அது. ஏன் ஆங்கிலத்தில் high language என்பதை ஏற்றுக்கொள்கிற நாம் இதை ஏன் ஏற்றுக் கொள்ளக் கூடாது

வித்யா : சரி. உங்களது கருத்தின் அடிப்படையில் ஏதாவது தமிழறிந்த அறிஞர் யாரையாவது கூறுங்கள்?

தமிழாசிரியை : வைரமுத்துவின் பாடல் அடிகளுக்கும், மற்ற கவிஞர்களின் பாடல் அடிகளுக்கும் வேறுபாடு தெரியவில்லையா?

வித்யா : அப்படியானால் வைரமுத்துவின் மொழி நடை சிறந்த நடைகளில் ஒன்று. சரி தானா?

தமிழாசிரியை : காலத்தோடு ஒட்டிய நடை மிகச் சரியே

வித்யா : அவரும் காலத்திற்கு ஏற்றார் போல் எளிய மொழி நடையில் சினிமாவிற்கு கவிதை எழுதுகிறாரே? டப்பங்குத்து பாடல் உட்பட

தமிழாசிரியை : அது - சினிமாவிற்கு எழுதுவது தொழில் -

வித்யா : அப்படியானல் வருமானத்திற்கு தமிழை மாற்றிக் கொள்வதை ஏற்றுக் கொள்ள முடியுமா?

தமிழாசிரியை : முடியாது - வருமானத்துக்கக தமிழை மாற்றுவதை ஏற்றுக் கொள்ள முடியாது. வாழ வேண்டும் என்றால் ஒரு வழியைத் தேடித்தானே ஆக வேண்டும்

வித்யா : சரி அதே போல் நீங்கள் விரும்பும் இலக்கியம் ஒன்றையும் கூறூங்கள்

தமிழாசிரியை : தமிழ் இலக்கியத்தில் ஒன்றல்ல - ஓராயிரம் இலக்கியங்கள் உண்டு. மு.வ வின் மொழி நடை, தொல்காப்பியத்தின் உரை விளக்கம், சிலம்பின் சீரிய நடை, இவற்றை எல்லாம் படிக்கும் போது நம்மை அறியாமலெயே நன்நடை வந்து விடும்

வித்யா : சரி அதை விடுங்கள். தொல்காப்பியம், சிலப்பதிகாரம் பற்றி கூறினீர்கள்

தமிழாசிரியை : ஆமாம்

வித்யா :

'நிலப் பெயர் குடிப்பெயர் குழுவின் பெயரே வினைப்பெயர்

உடைப்பெயர் பண்பு கொள் பெயரே' இது தெரிகிறதா?

தமிழாசிரியை : ஆம் இது தொல்காப்பியம்

தமிழாசிரியை : பெயர் வினை பண்புச் சொற்கள் இலக்கண அடிப்படையில் உள்ளன. என்பதற்கு உரிய விதி இது. தொல் காப்பியம் / நன்னூல் - இவற்றை விளக்கும்

வித்யா : சரி

வித்யா : அன்ன பிறவும் உயர்திணை மருங்கின்
பன்மையும் ஒருமையும் பால் அறி வந்த
என்ன பெயரும் அத் திணையவ்வே.

தமிழாசிரியை : தொல்காப்பியம் தான்

வித்யா : இதுவும் தொல்காப்பியம் தான், எனக்கு இது புரியவே இல்லை. அதாவது விளங்கவில்லை

தமிழாசிரியை : அது சரி - அதான் நானே கூறி விட்டேனே. இது செய்யுள் நடை. உனக்கு புரியாது.

வித்யா : நீங்க ஏன் இந்த தமிழ் மொழி நடையில் எழுதுவதில்லை.?

தமிழாசிரியை : காலம் சென்ற தமிழுக்கும் காலத்தின் தமிழுக்கும் வேறுபாடு இல்லையா ?? இப்படியே போனால் எதிர்காலத் தமிழ் மறைந்து விடும்

வித்யா : இதைத் தான் நானும் சொல்கிறேன்

தமிழாசிரியை : தற்போதைய தமிழ் நடை - பேச்சு நடை - எழுத்து நடை என்பது வேறுபாடில்லாமல் வளர்ந்து வருகிறது. வளரும் தலை முறையினருக்கு இது மறந்து போனால் தமிழ் மறந்து போகும்

வித்யா : நீங்கள் எழுதும் தமிழ் எங்களைப் போன்ற புதிய தலைமுறைக்கு புரிய கடினமாக இருக்கிறது. எனவே உங்கள் அனுபவங்களை எங்களுக்கு புரிந்த தமிழில் சொன்னால் சுலபமாக புரியுமல்லவா ?

தமிழாசிரியை : பல முறை படித்தால் நடை பழகி விடும். பேச்சுத் தமிழில் எழுதுவது என்பது என்னால் இயலாத ஒன்று.

:::::::::::::

:::::::::::::::::

வித்யா : வைரமுத்துவின் சாகித்ய அகாடமி விருது பெற்ற நாவல் தெரியுமா?

தமிழாசிரியை : கருவாச்சி காவியம் தானே?

வித்யா : ஆமாம். படித்துள்ளீர்களா? அதன் மொழி நடை தெரியுமா?

தமிழாசிரியை : வார இதழ்களில் குறுங்கதைகளைப் படிப்பது என் இயல்பல்ல. அது வட்டாரத் தமிழ். வைர முத்துவின் 'சிகரங்களை நோக்கி' என்ற கவிதை நூல் அவரது முதற் கவிதைப் படைப்பாகும். கருவாச்சி காவியம் வட்டாரத் தமிழை அடிப்படையாகக் கொண்டது. ஆஸ்திரேலியாவில் இருந்த தன் மகனுக்கு வைர முத்து எழுதிய முதல் மடல் அதே வார இதழில் வெளி வந்தது. அது அவரது உயர்ந்த தமிழ் நடையில் அமைந்தது

வித்யா : அதை எழுதிய வைரமுத்து அதை சரிகாணும் போது நீங்களும் அது போல தமிழ் உலக வட்டாரத்திற்கு தெரிந்த தமிழில் எழுதலாமே?

தமிழாசிரியை : என்னிடத்திலே ஆண்டுக்கு அறுனூறு பேர் பேச்சுத் தமிழும் தெரியாமல் எழுத்துத் தமிழும் தெரியாமல் சென்னைத் தமிழோடு வந்தனர். அவர்களை எல்லாம் திருத்தி தமிழை அறியச் செய்த என் நோக்கம் தான் இந்தத் தமிழ் நடையின் வளர்ச்சி

வித்யா : உங்களுடைய தமிழ் பற்றை நான் குறை சொல்லவில்லை. ஆனால் அடுத்தடுத்த தமிழ் நடைக்கு செல்வது தானே நியாயம்

தமிழாசிரியை : எனது நடை என் விருப்பத்திற்காக எழுதப்பட்ட நடை. நான் எதையும் எவருக்ககாவும் எளிதில் மாற்றிக் கொள்ள மாட்டேன். இது என் இயல்பு

வித்யா : அம்மா கோபமாகி விட்டீர்கள் என்று நினைக்கிறேன். மன்னிக்கவும். இது சாதாரணமான உரையாடல் தான்

தமிழாசிரியை : என்னுடைய மொழி நடையே இத்தகைய நடை தான். கோப நடையே வேறு

வித்யா : ஆகா கோப நடை வேறு இருக்கா பயமுறுத்துகிறீர்களா?

தமிழாசிரியை : இல்லை இல்லை –

வித்யா : என் தமிழ் நடையை எப்படி உணர்கிறீர்கள்?

தமிழாசிரியை : தமிழ் கொஞ்சம் அறிந்தவர் என்று தெரிகிறது?

வித்யா : நான் கேட்பதும் இது தான். நாங்கள் எழுதுவது போன்ற மொழி நடையில் எழுதுங்கள் என்று

தமிழாசிரியை : எனக்கு அத்தகைய நடை பிடிப்பதில்லை

வித்யா : தங்களை சென்னை மொழி வழக்கில் எழுதுங்கள் என்று சொல்ல வில்லை. நாங்கள் எழுதுவது போல் இன்று இருப்பது போல் எழுதலாமே?

தமிழாசிரியை : 35 ஆண்டு காலப் பழக்கம் அவ்வளவு எளிதில் மாறாது.

வித்யா : //எனக்கு அத்தகைய நடை பிடிப்பதில்லை// இதை உங்களைப் போன்ற திறமைசாலிகள் கூறக்கூடாது

தமிழாசிரியை : ஏன் என்றால் வளரும் தலை முறையினர் அது தான் தமிழ் என்று நினைத்து விடுகிறார்கள். வளர்ந்தவர்களைப் பற்றி கவலை இல்லை.

வித்யா : விறகு அடுப்பில் இருந்து எரிவாயு அடுப்புக்கு சுலபமாக மாறினோமே! அது போல காலத்தின் தேவைக்கு மாற ஏன் தயக்கம்?

தமிழாசிரியை : வாழ்க்கை பழக்க வழக்க முறை என்பது வேறு. மொழி என்பது வேறு, அறிவியலால் வாழ்க்கை முறை மாறும். மொழி நடை மாறாது. அறிவியல் கருத்துகள் மொழியில் இடம் பெறும்.

வித்யா : மொழி வழக்கம் மாறி உள்ளதே

தமிழாசிரியை : என்ன சொல்ல வருகிறாய்

வித்யா : 1950 களில் பேசிய எழுதிய தமிழுக்கும் இன்றைய தமிழுக்கும் எவ்வளவு வித்தியாசம் உள்ளது?

தமிழாசிரியை : அக்காலத் தமிழ் பாடல் வடிவிலேயே இடம் பெற்றது. இன்று உரை நடையிலேயே கருத்து உணர்த்தப் படிகிறது. புதுக் கவிதை மரபை ஏற்றுக் கொள்கிற நாம் உரைநடையிலும் ஒரு அழகிய வடிவை ஏன் ஏற்றுக் கொள்ளக் கூடாது.

வித்யா : பெரியார், அண்ணா பேசிய தமிழுக்கும் இன்றைய கலைஞர் பேசும் தமிழுக்கும் எவ்வளவு வித்தியாசம் உள்ளது? அக்காலத்தில் வாழ்ந்த கலைஞர் கூட தனது தமிழை மாற்றி விட்டாரே

தமிழாசிரியை : கலைஞர் மாற வில்லை. அவர் பேச்சில் பிறரைக் காட்டிலும் இலக்கிய நடை ஒளிரும். பிறர் வந்து சென்றேன் என்பதை அவர் வந்தேன் கண்டேன் சென்றேன் என்பார்.

வித்யா : அவரது இலக்கிய நடை மெருகேறுவதை நானும் ஏற்றுக் கொள்கிறேன். ஆனால்

தமிழாசிரியை : ஆனால் ....

வித்யா : 1960 களில் பேசியது போல போன்று இன்று பேசுவதில்லையே

தமிழாசிரியை : மெருகேறி இருக்கிறது - காலத்தின் கட்டாயம்.

வித்யா : அதே காலத்தின் கட்டாயம் தான் நான் சொல்வதும், கலைஞர் 60 களில் பேசியது போல் இன்று பேசினால் ஓட்டு விழாது. கவியரங்கங்களில் மட்டும் தான் உயர்ந்த நடையில் பேசுவார்

தமிழாசிரியை : இல்லை இல்லை. உன்னுடைய ஒரு பதிவைப் படித்து விட்டு நாளை அதைப் பற்றி பேசுகிறேன். இப்போது தொடர்க. அரசியல் தொழில் கலைஞருக்கு. தொழில் வேறு - மொழி வேறு.

வித்யா : ஆகா. அப்ப என் பதிவுல குறை கண்டுபிடிச்சு வந்து நாளைக்கு கும்மியா?

தமிழாசிரியை : ஆமா, பின்னே

வித்யா : அம்மா என்னுடைய தமிழ் சிறந்தது என்று நான் கூறவில்லை

தமிழாசிரியை : நானும் கூற வில்லை மகளே

தமிழாசிரியை : கருத்தினைப் பொறுத்து நடை மாறும். பாப்பாவைப் பார்த்து வா கண்ணா வா என்றுதான் கூற முடியும். வாருங்கள் வாருங்கள் என்றா சொல்ல முடியும்

வித்யா : மொழி இலக்கணத்தை மாற்ற நான் அனுமதியேன், மொழி நடையைத் தான் கூறுகிறேன்

தமிழாசிரியை : மொழி வரலாறே அனுமதித்திருக்கிறது. தவழுகின்ற குழந்தை எழுந்து நடப்பதற்கு கையைப் பிடித்து அழைத்துச் செல்வதைப் போல என்று மு.வ மொழி வளர்ச்சியைக் கூறுகிறார்.

வித்யா : //கண்ணா வா// என்பதை வாம்மா செல்லம் எனபது போல கூறலாமே எனபது தான் என் கருத்து

தமிழாசிரியை : 35 ஆண்டு காலப் பழக்கம் அவ்வளவு எளிதில் மாறாது. கவிதை நடைச் சாயல் என் உரை நடைக்கு உண்டு - அதை அவ்வளவு எளிதில் மாற்றிவிட முடியாது.

வித்யா : சரிம்மா இத்துடன் நாம் முடித்துக் கொள்வோம். உங்களுடைய தமிழுக்கு எனது வந்தனங்கள்

தமிழாசிரியை : ஏன் பயந்துகிட்டு ஓடறே ?

================== அடுத்த பாகத்துடன் முற்றுப் பெறும்.

பின்குறிப்பு:

எழுத்துப் பிழை இருந்தால் அது என் தவறே. இந்த உரையாடல் எந்த முன் தயாரிப்பும் இன்றி நடந்தது.

94. டாலரில் எண்ணைய் விற்பனையை நிறுத்த கோரிக்கை.

2007-11-20T06:04:00.000+03:00

19 நவம்பர் 2007 அன்று இங்கு ரியாத் மாநகரில் OPEC எனப்படும் (Organization of the Petroleum Exporting Countries ) எண்ணைய் எடுக்கும் நாடுகளின் கூட்டம் நடைபெற்றது. இதில் பங்கேற்ற ஈரானின் அதிபர் அஹமத்திந்நிஜாத் எண்ணைய் விற்பனை டாலரில் இருப்பதை மாற்றி வேறு கரன்ஸியில் செயல்படுத்த வேண்டுமென்று கோரிக்கை விடுத்தார். அவர் மேலும் கூறும் போது " நாம் தரும் எண்ணைய்க்கு மதிப்பில்லாத காகிதங்களைப் பெறுவதை நிறுத்த வேண்டுமென்றும், டாலரின் மதிப்பு வீழ்ச்சியை நோக்கி மேலும் சென்று கொண்டிருக்கிறது." என்றார்.

அந்நிஜாத்தின் வேண்டுகோளை வெனிசுலா அதிபரும், மற்றும் ஈக்குவடார் நாட்டின் பிரதிநிதகளும் ஆதரித்தனர். வளைகுடாவில் உள்ள பல நாடுகள் இதை ஆதரிக்கவில்லை. ஆனாலும் எண்ணையின் விலை பாரலுக்கு 100 டாலரை நெருங்குவதையும் அந்நாடுகள் கவலையுடன் குறிப்பிட்டன. இதற்கு டாலரின் வீழ்ச்சியே காரணம்.

இந்நிலையில் வரும் டிசம்பரில் அபுதாபியில் நடைபெறும் OPEC நாடுகளின் நிதியமைச்சர்களின் இது குறித்து விரிவாக விவாதிக்கப்பட உள்ளது. அவ்வாறு அந்த விவாதத்தில் டாலரிலிருந்து வேறு கரன்ஸிக்கு மாற முடிவெடுத்தால் அது ஆசியக் கண்டத்தில் ஒரு பொருளாதார மறுமலர்ச்சிக்கு வி்த்திடும் என நம்பலாம்.

மேலும் புவி வெப்பமடைதலில் இருந்து உலகைக் காக்க அனைவரும் இணைந்து பணியாற்றவும், அதற்கான நிதி ஒதுக்கியும் தீர்மானங்கள் நிறைவேற்றப் பட்டன.

இது தொடர்பான பழைய பதிவு ஒன்று பார்வைக்கு
http://kalavani.blogspot.com/2007/11/81_01.html
http://satrumun.com/?p=3575

செய்தி மூலம்
அல் ஜஸீரா

அரப் நியூஸ்

93. நான் ஒரு கோடீஸ்வரி!!!!!!!! - நம்புங்க எல்லாரும்

2007-11-18T06:45:00.000+03:00

தலைப்பை பார்த்து விட்டு கலைவாணியிடம் ஏதாவது (திருப்பித் தாராக் )கடன் வாங்கலாம் என்று வருபவர்கள் உடனடியாக பின்னூட்டத்தில் தங்களுக்கு தேவையான தொகையை எழுதவும். இப்பொழுது என்னிடம் பணம் இல்லை. ஆனால் விரைவில் என்னை எப்படியாவது கோடீஸ்வரியாக்க வேண்டுமென்று சிலர் கங்கனம் கட்டிக் கொண்டு அலைகின்றனர். கதை இதுதான். என்னோட யாஹூ மெயில் பெட்டியைத் திறந்தா தினமும் எப்படியாவது இரண்டு மூன்று மின்னஞ்சல் இருக்கும். அதில் சில மின்னஞ்சல்கள் என்னை கோடீஸ்வரியாக்கப் பார்க்கின்றன. சில சின்ன வியாபார பேரங்களுக்கு உட்பட்டால் பல மில்லியன், பில்லியன் டாலர் தருவதாக வாக்களிக்கின்றன். அதுவும் இந்திய ரூபாயில் இல்லாமல் டாலரில் இருப்பதால் என்னை போன்ற இளகிய மனதுடையவர்கள் அதை பார்த்து ஆனந்தம் அடைய வேண்டி இருக்கிறது. எனவே அந்த வியாபாரங்களை சீக்கிரம் முடித்து நான் கோடிஸ்வரியானதும் உங்களுக்கு தேவ்வையான தொகை உடனடியாக வழங்கப்படும். சில சாம்பிள் காட்டுகிறேன்.
நீங்களே இந்த டீலிங்கில் நேரடியாக இறங்கி அதள பாதாளத்தில் விழ..... மன்னிக்கவும்.... பணக்காரராக வேண்டுமென்றாலும் அதற்கான உதவிகள் செய்யப்படும்.

Sample : 1
However, we have decided to transfer this sum of money, Thirty Seven Million Us dollars ($37million usa Dollars) out of this Country for disbursement. Hence, we seek for a reliable,honest and not greedy foreign partner whom we shall use his or her account for transferring the fund. And we agreed that the account owner shall benefit 30% of the total amount of money, 65% is for us here, and 5% will be used for miscellaneous expenses during the transfer.

Sample : 2
Kingdom National Lottery Program held on the 12th of Nov 2007. Your
e-mail address attached to ticket number 20511465463-7644 with
serialnumber S/N-00168 drew lucky numbers 19,23,24,25,38,39,Bonus32,
which
consequently won in the 2ND category, you have therefore been approved

for
a lump sum pay of £1,000,000.00(British Pounds).
CONGRATULATIONS!!

Sample : 3
//WE DECIDED TO SEEK WAYS THROUGH WHICH WE CAN TRANSFER THIS MONEY OUT OF THE BANK AND OUT OF THE COUNTRY TOO. THE TOTAL AMOUNT IN THE ACCOUNT IS TEN MILLION FIVE HUNDRED THUSAND DOLLARS (USD 10,500,000.00).I AND MY PARTNERS HAVE DECIDED TO GIVE AWAY THIRTY % (30%) TO YOU FOR YOUR ASSISTANCE AND TEN (10%) FOR ANY EXPENSES THAT MIGHT ARISE DURING THE TRANSACTION OF THIS TRANSFER.//

Sample : 4
CONGRATULATIONS

You have the winning sum of GBP 950,000.00 from Microsoft Promotion
Board® because you are a Microsoft Windows and Internet user and Microsoft
software subcriber so you have automatically won yourself Nine
Hundred and Fifty Thousand Pounds !

இது போல் இன்னும் பல விதமான வியாபார பேரங்கள் தினமும் வந்து எப்படியாவது முகேஷ் அம்பானிக்கு விட என்னை பணக்காரியாக்க முயற்சி நடக்கிறது. எதை ஏற்றுக் கொள்வது எதை விடுவது எனத் தெரியாமல் திணறி வருகிறேன். எல்லாருக்கும் அக்கா பணக்காரியாவது சந்தோசம் தான?

மக்கா! என்னத்த சொல்லி என்னத்த செய்ய.

பின் குறிப்புகள்
1. என்னை மொக்கை பதிவர்கள் சங்கத்தில் இருந்து விலக்க நடவடிக்கை எடுக்கப்பட்டு, சீரியஸ் லிஸ்ட்டில் சேர்க்க முயற்சி நடப்பதாக வந்த தகவலால் இந்த மொக்கை.
2. அந்த தகவலை அடுத்து எனக்கு ஆதரவாக டீக்குடிப்பு போராட்டம்........ மன்னிக்கவும்.. தீக்குளிக்க முன் வந்த ஆயில்யன் உள்ளிட்ட ஸ்ரேயா கோஸல் ரசிகர் மன்றத் தற்கொலைப்படைக்கு நன்றிகள்.
2. இந்த பதிவு மொக்கை இல்லவே இல்லை. இதிலும் கருத்து அதாங்க மெசெஜ் இருக்குனு சொல்பவர்களுக்கு கண்டிப்பாக பணம் கடன் கிடையாது.

92. அமெரிக்காவின் வண்டவாளம் - அமரபாரதிக்கு பதில்கள்

2007-11-17T06:45:00.000+03:00

என்னுடைய 91. அமெரிக்காவின் வண்டவாளம் - ஒரு சிறு பார்வை வது பதிவில் அமெரிக்காவிற்கு ஆதரவாக நியூயார்க்கைச் சேர்ந்த அமரபாரதி என்ற சகோதரர் பின்னூட்டம் போட்டிருந்தார். அவரது கேள்விகளுக்கு பதில் சொல்ல வேண்டிய அவசியம் இல்லாவிட்டாலும், அவரைப் போல் அமெரிக்காவின் அனைத்து கொடுமைகளுக்கும் ஆதரவு அளிக்கும் சிலர் இருப்பதால் அவருடைய 12 கேள்விகளுக்கு இங்கு பதில் தருகிறேன். ஒரு மனிதனுக்குரிய மனநிலையுடன் இதை படியுங்கள். 91 வது பதிவு அமெரிக்காவை வைத்து மட்டுமே எழுதப்பட்டது.எனவே அதற்கு மட்டுமே பதில்.
அப்பாவி மக்களை கொல்லும் ரஷ்யா, இனவெறி ஹோவர்ட், பர்மா, இலங்கை, உள்நாட்டு சண்டைகள் உக்கிரத்தில் இருக்கும் ஆப்பிரிக்கா கண்டம், அவர்களின் சொகுசான அதிபர்கள், அமெரிக்கா பிடியில் தவிக்கும் தென் அமெரிக்கா நாடுகள், அமெரிக்காவின் வால் பிடிக்கும் மன்மோகன் சிங், பாகிஸ்தான் அரசியலின் கையாலாகாதத்தனம், இப்படி எவ்வளவோ விஷயங்களை இன்னும் கொண்டு வரலாம்.

இனி அவரது கேள்விகளும் எனது பதில்களும்

//1. அணுகுண்டு போடவில்லைடென்றால் ஜப்பானியர்களை அவர்கள் செய்த கொடூரங்களை அடக்கி இருக்க முடியாது. ஆசியா முழுவதும் அதகளம் செய்தும் அடங்காத ஜப்பான் பேர்ல் கார்பர் வரை தன் வாலை நீட்டிய பின்பே அணுகுண்டு போடப்பட்டது. ஆனால் இன்றளவும் அமெரிக்க இராணுவமே ஜப்பானைப்பாதுகாக்கிறது.//

ஜப்பானின் போர் தவறானது என்றே வைத்துக் கொள்வோம். அப்படியானால் அதற்கும் ஹிரோஷிமா, நாகசாகியில் அப்பாவி மக்களைக் கொன்றதற்கும் என்ன தொடர்பு? போரை நிறுத்த அதுதான் வழியா?. ஒரு அரசு போர் செய்தால் அந்த நாட்டின் அப்பாவி மக்கள் மீது அணுகுண்டு வீசலாமா? ஆப்கனில், ஈராக்கில் அமெரிக்கா போர் செய்கிறது என்பதற்காக நியூயார்க்கின் மீது அணுகுண்டு வீசலாமா?
வரலாறு தெரியாமல் சொல்கிறீர்கள். 1945ல் அணுகுண்டு வீசப்பட்டதற்குரிய காரணம் பியர்ல் கார்பரில் ஜப்பான் செய்த தாக்குதல் தான். அது நடந்த ஆண்டு 1941.பியர்ல் கார்பர் தாக்கப்பட்டதற்குப் பிறகு அமெரிக்கா அதிபர் ரூஸ்வெல்ட் செனட்டில் அதிகமான நிதியை அணுஆயுதம் செய்ய ஒதுக்கினார். ஜப்பானில் போடுவதற்காகவே அந்த அணுஆயுதங்கள் தயாரிக்கப்பட்டன். இரண்டாம் உலகப் போரில் ஜப்பானை விட ஹிட்லர் அதிகமாக அதகளம் செய்தார். அங்கு ஏன் அணுகுண்டு போடப்படவில்லை?.(போட்டிருக்க வேண்டுமென்று சொல்லவில்லை.) ஜப்பான் பிரிட்டீஸ் கலானிக்குள் நுழையும் போது அதைக் காரணமாகக் காட்டி தான் அமெரிக்கா தாக்கியது. ஜப்பானில் அணுகுண்டு போடப்பட்டது ஒரு பழிவாங்கும் வெறியின் உச்சகட்டமே ஒழிய மக்களைக் காக்க வேண்டுமென்று அல்ல. ஹிரோஷிமாவில் குண்டு போட்டு உலகமே மானுடத்தின் அழிவைப் பார்த்து செய்வதறியாது திகைத்த அந்த வேளையில், பொறுமையாக எல்லாவற்றையும் ரசித்துவிட்டு, மூன்று நாட்கள் கழித்து மீண்டும் நாகசாகியில் குண்டு வீசியதற்கும் ஆதரவளிக்கிறீர்களா?
ஜப்பானை இரண்டாம் உலகப் போருக்குப் பிறகு அமெரிக்கா அடிமை நாடாக வைத்திருப்பது தான் அனைவருக்கும் தெரியுமே? அது பாதுகாப்பு இல்லை. காலனி.

// 2. 1959 வியட்னாமைப்பற்றி பேசுகிறீர்கள். ஆனால் இன்று இலங்கையில் போடப்படும் குண்டுகளப்பற்றி என்ன சொல்கிறீர்கள்?//
// 7. இது தொழிலல்//

என்னுடைய பதிவை நீங்கள் சரியாக படிக்கவில்லை என்று தான் நினைக்கிறேன். உலகில் உண்மையில் அமைதியை நாடும் நாடாக இருந்தால் அமெரிக்கா இதற்கும் முயற்சி எடுக்க வேண்டும். தமிழ் மக்களைப் படுகொலை செய்ய இலங்கைக்கு ஆயுதங்களை தனது செல்லப்பிள்ளைகள் இஸ்ரேல், பாகிஸ்தான் வழியாக விற்று விட்டு பின் இலங்கையை போரை நிறுத்து என்று சொல்ல அமெரிக்காவிற்கு என்ன பைத்தியமா பிடித்துள்ளது?.

// 3. ரஷ்யாவின் வறுமையும் கம்யூனிச கிறுக்குத்தனமும் தான் அதை உடைத்தது. அமெரிக்காவின் பங்கு மிக சிறிதே.//

கம்யூனிஷத்தைப் பற்றி வேறு ஒரு சந்தர்பத்தில் பார்ப்போம். இரும்புத்திரை நாடான சோவியத் ரஷ்யாவில் சி.ஐ.ஏ வின் முகவர்கள் ஊடுறுவி இருந்தனர். அவர்கள் செய்த அரசியல் தகிடுதத்தங்களும் அதற்கு காரணம். ரஷ்யா ஆப்கனில் ஆக்கிரமிப்பு செய்து தனது பொம்மை அரசை வைத்திருந்தது. அப்போது ஆப்கனில் தங்கி ஆயுதப் போர் புரிந்த ஒசாமா பின் லேடன் போன்றவர்களுக்கு ஆயுதம் கொடுத்தது யார்? கிட்டதட்ட 1.4 பில்லியன் அமெரிக்கா டாலர் மதிப்பிற்கு ஆயுதங்களை இலவசமாக சப்ளை செய்தது யார்?
இதை இன்னும் விவரமாக சொல்கிறேன். 1975 க்குப் பிறகு அமெரிக்க சோவியத்தின் பனிப்போர் உச்சத்தை அடைந்தது. ரஷ்யாவின் நாலா புறங்களிலும் இருந்து அமெரிக்கா தனது சதி வலைகளை விரித்து வைத்தது. அதில் ஒரு வலை தான் ஆப்கன். அப்போது ரஷ்யா ஆப்கனில் ஆதிக்கம் செலுத்தியது. எனவே அப்போது அங்கு கொரில்லா போர் புரிந்த முஜாஹிதீன்களுக்கு தனது முழு ஆதரவையும் அமெரிக்கா வழங்கியது. 1979 களில் அப்போதைய அமெரிக்க அதிபர் ஜிம்மி கார்டர் பல உதவிகளை வழங்கினார். 1981 ல் அதிபரான ரொனால்ட் ரீகன் தனது புலனாய்வுப் படையான CIA மூலம் சுமார் 600 மில்லியன் டாலருக்கு உதவி வழங்கினார். இதற்கு அப்போதைய பாகிஸ்தான் அதிபர் ஜியா-உல்-ஹக் உபயோகப்படுத்தப்பட்டார். CIA தலைவர் Gust Avrakotos நேரடிக் கண்காணிப்பில் சீனாவில் இருந்து ஆயுதங்கள் வாங்கி முஹாஜிதீன்களுக்கு தரப்பட்டன. ஹோரின்கோ வகை 69RPG ராக்கெட் லாஞ்சர்கள் சீனாவில் இருந்தும், எகிப்தில் இருந்து ரைபிள்களும் வாங்கப்பட்டன. அமெரிக்கா தயாரிப்பான தரையில் இருந்து விமானங்களைத் தாக்கும் FIM-92 Stinger anti-aircraft missile கள் தருவிக்கப்பட்டு வழங்கப்பட்டன. பாகிஸ்தான் வழியாக முஜாஹிதீன்களுக்கு CIA பயிற்சியும் தரப்பட்டது. அந்த போரில் ஏற்பட்ட தோல்விக்குப் பிறகு ரஷ்யாவிற்கு இறங்கு முகமே இருந்தது. இன்னும் தகவல் தேவைப்பட்டால் கார்டரிடம் பாதுகாப்பு தலைவராக வேலை பார்த்த Zbigniew Brzezinski எழுதிய "From the Shadows" என்ற புத்தகத்தைப் படியுங்கள்.

// 4. 21ஆம் நூற்றான்டில் 2002ல் கஜராத்தில் மோடி நடத்திய வெறியாட்டத்தை விடவா? தெகல்காவைப் படித்தீர்களா?//

உண்மையான மனித உணர்வு கொண்ட எந்த மனிதனும் அதை ஆதரிக்க மாட்டான். என்னுடைய உச்சபட்ச கண்டனம் அந்த கொடூரத்திற்கு. இதே கண்டனம் தான் பிலிப்பைனில் அமெரிக்கா நடத்திய வெறி ஆட்டத்திற்கும்.

//5. வளர்த்த கடா மார்பில் பாய்ந்த போது நீலிக்கண்ணீர் மட்டும் வடிக்கவில்லை. அந்த கடாவின் பல்லைப்பிடுங்கி இருக்கிறது. இரட்டை கோபுர தகர்ப்பிற்கு முன்னால் ஒசாமா ஆப்கானிஸ்தானின் அரசன். இன்று எங்கே அவன்?//

முதலில் ஒன்றைப் புரிந்து கொள்ளுங்கள். ஒசாமாவை மதத்தின் பெயரால் 80 களில் மூளைச் சலவை செய்தது அமெரிக்கா தான். அந்த மூளைச்சலவை தான் தனக்கு எதிராக திரும்பியதை பின்னர் அமெரிக்கா உணர்ந்த போது, காலம் கடந்து விட்டிருந்தது. ஒசாமாவை அழித்து விட்டதாக சொல்லலாம். ஆனால் அவன் விதைத்த விதைகளை என்ன செய்வது? ஒசாமாவுக்கு முன் சுதந்திரமாக உலாவிய அமெரிக்கா மக்கள் இன்று வயிற்றில் நெருப்பைக் கட்டிக் கொண்டு அலைகின்றனர். அதுவும் செப்டம்பர் 11 என்றால் அதோ கதிதான். ஆனால் ஒசாமா அன்று போலவே இன்றும் காடு மேடு என்று ஜாலியாக இருக்கிறார். (பின் குறிப்பில் விபரம் பார்க்க) இப்ப தோல்வி யாருக்கு?

// 6. போலீஸ்காரனிடம் மட்டும் தான் துப்பாக்கி இருக்கவேண்டும்.//

இதற்கு என்ன சொல்வது என்று தெரியவில்லை. அமரபாரதி! நியூயார்க்கில் வரும் பத்திரிக்கைகளுக்கு சுதந்திரம் இல்லையென்று நினைக்கிறேன். போலிஸ்காரர் என்றால் நீதியாக இருக்க வேண்டும். இஸ்ரேலில் நடப்பதை கண்டும் காணாமல் இருப்பது தான் நல்ல போலிஸ்காரருக்கு அழகா?. மியன்மார் என்று ஒரு நாடு தெரியுமா? அங்கு என்ன நடக்கிறது என்று தெரியுமா? இலங்கையைப் பாதுகாக்க அமெரிக்காவை அழைப்போமா? உலக போலிஸ்காரருக்குள்ள தகுதி ஐ.நா விற்கு மட்டுமே இருக்க வேண்டும். ஆனால் அதே அமெரிக்காவின் கைப்பாவையாகி விட்டபோது வேறு என்ன சொல்வது?

//8. குவாண்டனாமோ பேவைப்பற்றி பேசுகிறீர்களே?. அது உலகத்தின் கொடூர குற்றவாளிகளின் சிறை. அது அப்படித்தான் இருக்கும். தேவாரம் என்ற மிருகம் வீரப்பவேட்டை நடத்திய போது செய்த கொடுமைகளைப்பற்றி 1991, 1992 மற்றும் 1993 களில் வந்த ஜூ.வி இதழ்களைப்படித்து இருக்கிறீர்களா?//

எப்படி வீரப்பன் செய்த கொலைகளை இதற்கு தேவாரம் நியாயமாக கற்பித்தாரோ, அதே போல் அவர்கள் செய்த கொலைகளை இதற்கு நியாயமாக அமெரிக்கா சொல்கிறது. மனிதனின் தவறுகளுக்கு பாலியல் சித்திரவதை தான் தண்டனையா? 1993 ல் நான் சிறுமி. எனவே அதைத் தெரிந்திருக்க நியாயம் இல்லை. ஆனால் தேவாரம் செய்த சித்திரவதைகள் தவறு என்றால் புஷ்ஷும் அது போன்ற ஒரு மிருகம் தானே?. குவாண்டனாமோ சிறையில் சில ஆண்டுகள் இருந்து விடுதலையான பல பிரிட்டீஸ், பாகிஸ்தான், ஆப்கானிஸ்தான் அப்பாவிகளுக்கு அவர்கள் அனுபவித்த கொடுமைகளுக்கு என்ன இழப்பீடு வழங்க இயலும்?.

//9. அமெரிக்கா என்ன ஈராக் மக்களை குறி வைத்தா கொன்று கொண்டு இருக்கிறது? தமாஷ் பண்ணாதீங்க.//

அமரபாரதி! தமாஷ் யார் செய்வது? வளைகுடா போர்களின் போது தொலைக்காட்சியை நீங்கள் பார்க்கவில்லையா? பாக்தாத் நகரமும், ஆபக்ன் போரில் காபூலும் தரைமட்டமாக்கப் பட்டதே? பாக்தாத்திலும். காபூலிலும் வசித்தவர்கள் என்ன அனைவரும் தீவிரவாதிகளா? பச்சிளங்குழந்தைளின் சடலங்களையும், மனிதர்களின் மரண ஓலத்தையும் நீங்கள்
பார்க்கவில்லையென்றால், அதை உணரவில்லையென்றால், அவைகள் உங்களுக்கு தமாஷாகத் கார்டூன் படங்களாகத் தெரிந்தால், நீங்கள் கற்றுக் கொள்ள வேண்டியது நிறைய உள்ளது. இருதயத்தில் கொஞ்சம் ஈரத்திற்கும் இடம் வையுங்கள். அமெரிக்காவில் வாழ்வதால் மட்டும் கண்மூடித்தனமாக படுகொலைகளை ஆதரிக்காதீர்கள்.

//10. சதாம் சித்திரவதை செய்து கொன்று குவித்த மக்களின் எண்ணிக்கை இரண்டரை லட்சம்.//

ஆம். சதாமும் பதவி வெறி பிடித்த ஒரு சர்வாதிகாரிதான். அதில் எந்த ஆட்சேபணையும் இல்லை எனக்கு. குர்தீஸ் இன மக்கள் மீது நடத்திய தாக்குதல் கொடூரம் தான். அவர் கொன்ற இரண்டரை லட்சம் பேருக்கும் அமெரிக்கா ஜப்பானில் அழித்த இரண்டரை லட்சம் பேருக்கும், ஈராக்கிலும், ஆப்கனிலும் கொன்று குவித்த ஐந்து லட்சம் பேருக்கும் வித்தியாசம் இல்லையே? அப்படியானால் சதாமும், அமெரிக்காவும் ஒன்று தானே? ஈரான், ஈராக் போர் நடந்த போது அமெரிக்காவிற்கு சதாம் உசைன் நல்லவராக தெரிந்தாரே? என்னுடைய கருத்து மனித உரிமையை வைத்து தானே ஒழிய அமெரிக்கா எதிர்ப்பு மட்டுமே அல்ல. மனித உரிமை எங்கு பால்படுத்தப் பட்டாலும் அதை எதிர்க்கலாம் தானே.

// 11. இன்னும் கொஞ்சம் விளக்குவீர்களா?//

இதில் விளக்க என்ன இருக்கிறது. நாட்டில் ஒரு பகுதி மட்டும் மத, இன வேறுபாட்டால் புறக்கணிக்கப்படும் போது, பாதிக்கப்பட்டவர்களுக்கு வலியவர்கள் உதவ வேண்டும். தனது ஆதாயத்திற்காக ஒவ்வொரு பகுதியிலும் ஒவ்வொரு நிலை எடுக்கும் அமெரிக்காவின் பச்சோந்தித்தனத்தைத் தான் அங்கு குறிப்பிட்டேன்.

//12. போலீஸ்காரனுக்கு வீட்டொ அதிகாரம் அவசியம் வேண்டும். இல்லையென்றால் இப்பொதைய தமிழக அரசைப்போல இந்த நல்ல திட்டத்தையும் செயல் படுத்த முடியாது.//

எது அதிபரின் வீட்டோ அதிகாரம்? தனது அரசியல் லாபத்திற்காக தனது படை வீரர்களை ஈராக்கிற்கு அனுப்பியதா? பாக்தாத்தில் கோடைகால வெப்பம் எவ்வளவு தெரியுமா? காபூலில் குளிர்காலக் குளிர் அளவு தெரியுமா? ஏன் அப்பாவி வீரர்களைக் கஷ்டபபடுத்த வேண்டும்?. காசா பகுதிகளில் இஸ்ரேலின் அத்துமீறிய அக்கிரமிப்புக்கு எதிராக ஐ.நாவில் தீர்மானம் கொண்டு வந்த போது அதை ரத்து செய்வது தான் வீட்டோவ்வா?. இது போல பல உதாரணங்களை அடுக்கலாம். போலிஸ்காரர் ஈராக்கில் அதி பயங்கர ரசாயன, உயிரி ஆயுதங்கள் இருப்பதாக சொன்னாரே, 2003 ல் இருந்து தேடியும் கிடைக்கவில்லையா? வீட்டோ அதிகாரத்தை பயன்படுத்தி இலங்கையைக் கண்டிக்கலாமே?. மியான்மரின் இராணுவ அரசை தூக்கலாமே? அதெல்லாம் இருக்கட்டும் இப்போது அமெரிக்கா ஈராக்கிலிருந்தும், ஆப்கனில் இருந்தும் வெளியேறுவது எப்போது?

//13. ஒசாமாவிற்கு நன்றியா? சூப்பர் காமடி.//
அது உண்மையில் காமெடி தான்.

இறுதியாக சில வரிகள்
உலகில் எங்கு மனித உரிமைகள் மீறப்பட்டாலும் அதை எதிர்க்க வேண்டும். அவன் கொலை செய்ததால் நானும் செய்தேன் என்பது எவ்வளவு அபத்தமான வாதம். இரத்ததிற்கு இரத்தம் என்றால் இந்த உலகில் ஒரு மனிதனும் உயிர்வாழ முடியாது. இரத்த வெறி கொண்டு அலையும் அரசியல் பதர்களை ஓட்டு என்ற ஒரு ஆயுதம் கொண்டு மட்டுமே நம்மால் எதிர்க்க இயலும். இது போன்ற கட்டுரைகளின் நோக்கம் இது போன்ற நாடுகள் எது செய்தாலும் சரி என்று ஏற்றுக் கொள்பவர்களை மாற்றி ஒரு அமைதியான உலகை உருவாக்க வேண்டும் என்பது தான். அப்படிபட்ட உலகம் உருவாகும் என நம்புவோம். வன்முறைக்கு வன்முறை தீர்வாகாது.
பின்குறிப்பு
ஒசாமா பின் லேடனுடைய சொந்த நாடு சவுதி அரேபியா. அங்குள்ள ஒரு வசதியான குடும்பத்தில் பிறந்த ஒசாமா அனைத்து சுகங்களையும் விட்டுவிட்டு ஆப்கனில் ரஷ்ய படைகளுக்கு எதிராகப் போராட கிளம்பியவர். வளைகுடா பிராந்தியத்தில் பின்லேடன் குழுமம் எவ்வளவு பெரியது என்பது அங்குள்ளவர்களுக்கு தெரியும். இராஜ வாழ்க்கை வாழும் போதே அதை விட்டு ஆப்கன் மலைகளில் துப்பாக்கி ஏந்தி போராடக் கிளம்பியவர். அங்கு அமெரிக்கா ஏஜண்ட்களின் சகவாசம் கிடைக்கப் பெற்ற பிறகு தான் வழிமாறி தீவிரவாதத்தில் இறங்கினார்.
அமெரிக்கர்க்களின் மூளைச் சலவை அவர்களுக்கு எதிராகவே திரும்பிவிட்டது. 1990 களுக்கு பிறகு ஒசாமா சுகமான வாழ்க்கை வாழவே இல்லை. எப்போதும் போல காடு, மேடு, குகை என்று தான் இப்போதும் வாழ்க்கை ஓடுகிறது. மூத்த மனிதர் என்பதால் தான் அவருக்கு மரியாதை. ஹிரோஷிமாவில் குண்டு போட்டு அமெரிக்கா செய்த மனித அழிவுக்கும், இரட்டைக்கோபுர தாக்குதலுக்கும் வித்தியாசம் ஏதுமில்லை.

91. அமெரிக்காவின் வண்டவாளம் - ஒரு சிறு பார்வை

2007-11-15T06:04:00.000+03:00

போன பதிவில் அமெரிக்கா எந்த அளவு உலக சுற்றுப்புறச் சூழலில் அக்கறை காட்டுகிறது என்று பார்த்தோம். ஆனால் அமெரிக்காவை குறை கூறினால் ஏற்றுக் கொள்ள முடியாத சிலரும் நம்மிடையே இருக்கிறோம். அவர்களுக்கு அமெரிக்காவின் மறுபக்கத்தை லேசாக காட்டுவதே இந்த பதிவு.
உலக வெப்பமயமாதலில் அமெரிக்கா போடும் இரட்டை வேடம் சகிக்க முடியாததாக இருக்கும் இந்த நேரத்தில் அமெரிக்காவின் இரட்டை வேடங்கள் சிலவற்றைப் பார்ப்போம்.

1. உலகின் மிகப்பெரிய அழிவு நிகழ்ச்சி, ஜப்பானில் ஹிரோஷிமாவில் முதலில் நிகழ்த்தப்பட்ட அணு குண்டு வீச்சு. ஒன்றரை லட்சம் பேர் கொல்லப்பட்டதை அணு அணுவாக ரசித்த அமெரிக்கா தன் ரத்த வெறி தீராமல் மூன்று நாட்கள் கழித்து மீண்டும் நாகசாகி மீது அணுகுண்டு வீச்சு நடத்தி 75 ஆயிரம் பேரை அழித்தொழித்தது. ( விளக்கம் - பதிவுகள்83 , பதிவுகள் 84 )

2. 1959 க்குப் பிறகு அமெரிக்காவின் வழக்கம் போல் பாணியில் உதவுகிறேன் என்ற ரீதியில் தெற்கு வியட்நாமுக்கு ஆதரவாக வடக்கு வியட்நாமில் நுழைந்தது. அதை அடுத்து 1975 வரை அமெரிக்கா படைகள் வியட்நாமின் அப்பாவி மக்களை கொன்று குவித்தது. பெண்கள், குழந்தைகள் என்று பாராமல் அழித்தொழித்தது. விமானங்கள் குடியிருப்புப் பகுதிகளில் குண்டு மழை பொழிந்தது. உலக வரலாற்றில் இரத்தத்தால் எழுதப் பெற்ற அந்த போரில் அமெரிக்கா உலக மற்றும் தமது மக்களின் அழுத்தத்தின் காரணமாக வெளியேறியது.

3. சோவியத் ரஷ்யா என்ற ஒரு நாடு இருந்த போது, அதை உடைக்க எந்த கீழ்த்தரமான காரியத்தையும் செய்ய தயாராக இருந்தது. கடைசியில் அதை உடைத்து தன் மேலாதிக்கத்தை உலகில் நிலை நாட்டியது.

4. இருபதாம் நூற்றாண்டின் முதல் ஆண்டுகளில் பிலிப்பைனில் அமெரிக்கா நடத்திய வெறியாட்டம் கொடுமையானது.

5.சோவியத் ரஷ்யாவை சிதைக்க ஒசாமா பின் லேடன் போன்றவர்களுக்கு ஆயுதம், பணம், பயிற்சி எல்லாம் கொடுத்து ஆப்கானில் உதவியது. வளர்த்த கடா மார்பில் பாய்ந்த போது நீலிக் கண்ணீர் வடிக்கிறது.(இரட்டை கோபுர தாக்குதல் கூட பாம்புக்கு பால் வார்த்து அது கொத்திய கதை தான்)

6.உலக் நாடுகள் அனைத்தையும் அணு ஆயதங்கள் வைக்கக் கூடாது என்று மிரட்டும் அமெரிக்கா தான் மட்டும் அனைத்து வித அணு ஆயதங்களையும் வைத்துள்ளது.

7. உலகில் ஆயுத பரவலை தடுக்க வேண்டும் என்று ஒரு புறம் கூறிக் கொண்டே மறுபுறம் உலக நாடுகளுக்கு தாராளமாக ஆயுத சப்ளை செய்கிறது.

8.மனித உரிமைகள் பற்றி ஜால்ஜாப்பு பேசும் இதே அமெரிக்கா குவண்டனாமோ சிறையில் நடப்பவைகளுக்கு நியாயம் பேசும். அல்லது சிலரை மட்டும் பலிகடா ஆக்கும்.
(அபு கரீப் சிறைக் கொடுமை, குவண்டனாமோ சிறைக் கொடுமை)

9.நாட்டில் அரசியல் தலைவர்கள் செய்யும் தவறுகளுக்கு அந்நாட்டு மக்களைக் கொன்று குவிக்கும். ( ஈராக். ஆப்கன்)

10. உலகிலேயே பேரழிவு ஆயுதங்களைத் தாராளமாக வைத்திருக்கும் அமெரிக்கா பேரழிவு ஆயுதம் என்றால் என்னவென்று ஸ்பெல்லிங் தெரியாத ஈராக்கை ஒழித்து அங்கு இன்னும் இல்லாத பேரழிவு ஆயுதத்தைத் தேடிக் கொண்டிருக்கிறது. ( 2007 ல் தான் ஈராக்கில் அதிகமான அப்பாவி அமெரிக்க படை வீரர்களை அமெரிக்கா பலி கொடுத்துள்ளது. பார்க்க )

11.கிழக்கு தைமூருக்கு ஒரு நியாயம் பேசும் அமெரிக்கா செசன்யாவிற்கும், போஸ்னியாவிற்கும். தமிழீழத்திற்கும் வேறு நியாயம் பேசுகிறது.

12.'வீடோ' என்ற அதிகாரத்தை வைத்துக் கொண்டு ஐ.நா. என்ற டம்மி சபையில் தான் நினைத்தை மட்டுமே செயல்படுத்தும் சபையாக மாற்றி வைத்துள்ளது.

13. அதிபருக்கு 'வீடோ' அதிகாரத்தை வழங்கி தனது அதிபரையே ஒரு சர்வாதிகாரியாக மாற்றி வைத்துள்ள சட்டதிட்டம் தான் அமெரிக்கா செனட் சபை சட்டம்

14.தேர்தலில் கூட தோல்வியை வெற்றியாக மாற்றும் இராஜ தந்திரம் அமெரிக்க ஜனாதிபதிக்கு மட்டுமே உண்டு. ( தேர்தலில் தனக்கு பிரச்சாரம் செய்த முன்னாள் நண்பன் ஒசாமாவிற்கு இதுவரை புஷ் நன்றி சொல்லாதது குறிப்பிடத்தக்கது.)

இதற்கு மேல் இங்கு எழுத மனசு வரவில்லை. ஆனாலும் அமெரிக்காவின் சர்வாதிகாரம் ஒழியும் நாள் வரும். கிரேக்கப் பேரரசும், ரோமானியப் பேராசும், சூரியனே மறையாத பிரிட்டீஸ் ஆதிக்கமும் ஒழிந்து விட்டது. இந்த 'அழிவு நாயகன்' அமெரிக்காவின் ஆதிக்கமும் ஒருநாள் ஒழியும். அதுவரை காத்திருப்போம்.

பின்குறிப்பு
1. இது அமெரிக்க சட்ட திட்டங்களையும், அரசியல்வாதிகளையும் வைத்தே எழுதப்பட்டது. சாதாரண அமெரிக்க குடிமக்களுக்கு இதில் விருப்பம் இல்லை என பல இடங்களில் நிரூபணமாகியுள்ளது.

2. ரொம்ப நாள் கொல வெறி ( அமெரிக்கா கத்துக் கொடுத்தது தான்) இன்னைக்கு தான் தீர்ந்தது.

90. உலகைக் காக்க உங்கள் பங்களிப்பைத் தாருங்கள் - GW -3

2007-11-14T18:12:00.000+03:00

கடந்த இரண்டு பதிவுகளாய் உலக வெப்பமயமாதலைப் பற்றி பார்ப்போம். இன்று அதன் இறுதியாக CFC உபயோகத்தினையும், நமது கடமையையும் பார்ப்போம்.
( முதல் பதிவு : உலக வெப்பமயமாதல் - ஆய்வு,
இரண்டாம் பதிவு : CFC உடைய பாதிக்கும் தன்மை)
பொதுவாக இன்றைய நிலையில் பசுமை வாயுக்களின் உபயோகத்தை நம்மால் நிறுத்த இயலாது. அதற்குப் பதிலாக ஏதாவது மாற்று ஏற்பாடுகளைச் செய்வதே இன்றைய சமூகத்தின் முன் உள்ள நிலை. இதை யார் மேற்கொள்ள வேண்டுமென்று பார்த்தால், யாரால் இந்த உலகம் வெப்பமயமாகிறதோ அவர்கள் தான் இதற்கு தீர்வு காண வேண்டுமென்பது தான் நியதி. அனைத்து கரங்களும் நம்ம அகில உலக அண்ணாச்சி ( நம்ம அண்ணாச்சி இல்லைங்க)யை நோக்கியே கரங்களை நீட்டுகின்றன.
உலகில் அதிகபட்சமாக சமூக சீர்கேடு மட்டுமல்ல, சுற்றுப்புற சீர்கேட்டிலுல் நம்ம அண்ணாச்சி அமெரிக்கா தான் முண்ணனியில் நிற்கிறார். உலகிற்கு குளிர்சாதனப் பெட்டிகளை முதலில் அறிமுகப் படுத்திய அவர்கள் தான் ஓசோனை சிதைப்பதிலும் கருத்தாக இருந்துள்ளனர்.
உலகில் புவி வெப்பமடைதலுக்கு காரணமான நாடுகளைப் பார்த்தால் அமெரிக்கா தான் 30.3 சதவீததுடன் முண்ணனியில் இருக்கிறது. உலகில் பாதி மக்கள் தொகையைத் தன்னகத்தே கொண்ட இந்தியா, சீனா, தெற்காசியாவில் வெறும் 12.2 சதம் மட்டுமே பங்களிப்பை செய்ய முடிகிறதாம். ஐரோப்பா முழுவதும் சேர்த்தே 27 சதம் தான் வருகிறது. (தஞ்சாவூராருக்கு நன்றி)
நாட்டாமை அண்ணாச்சி என்ன செய்ய வேண்டுமோ அதை செய்யாமல் ஊருக்கு உபதேசம் செய்கிறார். CFC யை தடை செய்ய வேண்டும் என்று கத்திக்கொண்டே உலகம் முழுவதும் CFC விற்பனை செய்கிறார். இது நம் அனைவருக்கும் தெரிந்த விஷயம் தான் என்றாலும் இது தனிப்பட்ட அரசையோ, நாட்டையோ பாதிக்கும் விஷயம் அல்லவே? உலகையே பாதிக்கக்கூடிய விஷயம். ஆனால் அமெரிக்கா அதில் இரட்டை வேஷத்தை தொடர்கிறது.
உலகில் உள்ள பெரிய குளிர் சாதனப் பெட்டிகளை தயாரிக்கும் நிறுவனங்களில் முக்கியமானவை Carrier, York, மற்றும் Trane. இவைகளின் ஜாகை அமெரிக்கா தான். உண்மையில் அமெரிக்காவிற்கு சுற்றுப்புற சூழலில் அக்கறை இருந்தால் இந்த நிறுவனங்கள் தயாரிக்கும் CFC வகை குளிர்சாதனப் பெட்டிகளுக்கு தடை விதிக்க வேண்டும். ஆனால் கணக்கு காட்ட அதை தடை செய்துள்ளோம், இதை தடை செய்துள்ளோம் என்று சொல்வதோடு சரி. இன்றுவரை இந்த நிறுவனங்கள் CFC22 வில் இயங்கும் இயந்திரங்களை தயாரிக்கின்றன. ஐ.நா சபை என்ற டம்மி சபை ரிப்போர்ட் தாக்கல் செய்வதோடு சரி. அமெரிக்காவைத் தட்டிக் கேட்க முடியவில்லை. (நம்மால் அமெரிக்காவை திட்ட மட்டுமே முடியும் என்பதால் இதை அடுத்த பதிவில் செய்து நமது கொலை வெறியைத் தீர்த்துக் கொள்வோம்)
இனி நம்மால் என்ன செய்ய முடியும் என்பதைப் பார்ப்போம்.
1. நம்முடைய வாகனத்தில் அதிக புகை வராமல் பார்த்துக் கொள்வோம். அப்படி வருமானால் உடனடியாக அதை சரி செய்து நமது பங்கை நேர் செய்வோம்.
2. நாம் குளிர் பதனப் பெட்டி வாங்கினால் அவை CFC FREE யா என்று பார்த்து வாங்குங்கள். இன்றைய சந்தையில் அப்படிப்பட்ட குளிர் பதனப் பெட்டிகள் கிடைக்கின்றன. CFC FREE என அட்டையிலேயே எழுதப்பட்டிருக்கும். கவனித்து வாங்குங்கள். நீங்கள் பார்க்கும் கடையில் கிடைக்கவில்லையென்றால் அவசரம் பார்க்காமல் அடுத்தடுத்த கடையில் பார்த்து வாங்குங்கள்
3. அடுத்து உங்கள் குளிர்சாதனப்பெட்டி. CFC இல்லாத வீட்டில் வைக்கும் A/C இதுவரை வரவில்லை. வீட்டிலோ அலுவலகத்திலோ A/C வைக்காதீர்கள் என்று சொல்லலாமென்றால் நிறையப் பேர் சகோதரியை அடிக்க வருவீர்கள். எனவே இங்கு உபாயங்கள் மட்டும் தருகிறேன்.
அ.ஏற்கனவே பதிவு 78, பதிவு 79 ல் கூறியது போல உங்கள் A/C யை சுத்தமாக வைப்பதன் மூலம் CFC வாயுக்கசிவை தடுக்க இயலும். இதனால் உங்கள் பணமும், ஓசோனும் பாதுகாக்கப்படும்.
ஆ. உங்களது A/C எந்த விதமான Vibration ம் இல்லாமல் பார்த்துக் கொள்ளுங்கள்.
( பெரும்பாலான வாயுக்கசிவுகள் இந்த இரண்டு காரணங்களால் மட்டுமே ஏற்படுகின்றன.)
இ.உங்களது A/C பழுதாகி வாயுவை வெளியேற்ற வேண்டுமெனில் அதை மறுசுழற்சி செய்து உபயோகப்படுத்த பரிந்துரை செய்யுங்கள். ( சில நேரங்களில் இது இயலாது. எனவே உங்கள் பங்க்குக்கு கொஞ்சம் ஓசோன் பழுதாக்குங்கள்)
இதற்கு மேல் சொல்ல ஒன்றுமில்லை. என்னாலெல்லாம் முடியாது என்று நாம் சொல்லாமல் நம்மால் முடிந்த அளவு சிரத்தை எடுத்து இந்த பூமியை காப்போம்.

89.பத்தாயிரத்தைத் தனியாளாகக் கொல்லும் ஒன்றைப் பாருங்கள் - GW - 2

2007-11-12T17:37:00.000+03:00

என்னடா இது ஏதோ அடுத்த ரஜினி படத்தோட டயலாக்குன்னு கேக்காதீங்க.இல்லை தீபாவளி படத்தோட சினிமா விமர்சனமான்னும் கேக்காதீங்க. இது போன பதிவோட தொடர்ச்சி தான். போன பதிவுல CFC பத்தி விளக்குவதாக சொல்லி இருந்தேன், இனி தொடருவோம்.
பொதுவாக பச்சையக வாயுக்கள் (Green House Gases - தமிழ்பதம் சரியானு யாராவது சொல்லுங்க)இயற்கையாகவோ அல்லது ஏதாவது செயலின் பின்விளைவாகவோ தான் இருக்கும். ஆனால் CFC மட்டும் மனிதனால் மனிதனின் செளகரியத்திற்காக உருவாக்கப்படுகிறது.CFC ல் மூன்று விதமான வாயுக்கள் சேர்ந்திருக்கின்றன. CL - குளோரின்,F - ப்ளோரின்,C - கார்பன். இதன் விகிதங்கள் மாறுவதை வைத்து அது சில வகைகளாகப் பிரிக்கப் படுகின்றன். R 11, R 22, R12. இவை அனைத்தும் CFC எனப்படும் குளோரோ ப்ளோரோ கார்பன்களைக் கொண்டவை. சாதாரணமாக இவைத் தனியாக இருக்கும் போது அவ்வளவாகப் பாதிப்பை ஏற்படுத்தாதவை. ஆனால் இவை மூன்றும் ஒன்றாகும் போது கிட்டத்தட்ட கும்மி அடிக்க ஒரு மொக்கையான பதிவும், பின்னூட்ட மட்டுறுத்தலும் இல்லாத இடத்தை போல் ஆகி விடும்.
காற்றில் விடப்படும் CFC காற்றில் பிரயாணித்து ஒசோன் படலத்தை அடைகிறது. அங்கு ஓசோன் படலம் சூரியனில் இருந்து வரும் புறஊதாக்கதிர்களை திருப்பி அனுப்பிக்கொண்டு இருக்கின்றன். இனி CFC தனது வேலையை ஆரம்பிக்கும்.
வேதி வினை
CFCl3 + UV Light ==> CFCl2 + Cl
Cl + O3 ==> ClO + O2
ClO + O ==> Cl + O2
இதில் முதலில் புறஊதாக்கதிர்களில் சேரும் CFC, தன்னில் இருந்து ஒரு Cl ஐப் பிரிக்கிறது.
அந்த குளோரின் அணு ஓசோனின் ஒரு அணுவை உடைக்கிறது. இதனால் உருவாகும் Clo பிரிந்த ஒரு ஓசோன் அணுவுடன் சேர்ந்து மீண்டும் Cl வாக மாறுகிறது. இந்த Cl மீண்டும் அடுத்த தாக்குதலுக்கு தயாராகிறது.
Cl + O3 ==> ClO + O2
ClO + O ==> Cl + O2
மீண்டும் தாக்குதல் தொடர்கிறது.......
Cl + O3 ==> ClO + O2
ClO + O ==> Cl + O2
மீண்டும்...ஆயிரக்காண தொடர்ச்சியான தாக்குதல்........ கிட்டத்தட்ட ஒரு CFC பத்தாயிரத்திற்கும் மேற்பட்ட ஓசோன் அணுக்களை சிதைக்கும் தன்மை கொண்டது.

ஒரு CFC அணு ஆயிரக்கணக்கான ஓசோன் அணுக்களைச் சிதைக்கிறது. CFC யின் ஆயுட்காலம் பச்சையக வாயுக்களில் அதிகமாக இருபதால் இதன் பாதிப்பு அதிகமாக இருக்கிறது.

CFC போலல்லாமல் மற்ற பச்சையக வாயுக்கள் குறைவான பாதிப்பையே ஏற்படுத்துகின்றன. ஓசோன் படலமும் தன்னைத் தானே சீர்படுத்திக் கொள்ளும் ஆற்றல் பெற்றது தான். ஆனால் பச்சையக வாயுக்களின் தாக்குதலின் விகிதமும், ஓசோனின் சீராகும் தன்மையின் விகிதமும் தேவையான அளவு இல்லாததால் பூமியின் பல இடங்களில் ஓசோன் படலம் ஓட்டையாக இருக்கிறது.கிட்டதட்ட கிழிஞ்சு போன ஆடையுடன் இருக்கும் பிச்சைக்காரன் போலத்தான் இந்த உலகம் இருக்கிறது.

சிவப்பு கோட்டுக்கு மேலே இருப்பவை உலகில் ஓசோன் படலம் அதிகம் பாதிக்கப்பட்ட பகுதிகள்

மற்ற வாயு Vs CFC - வித்தியாசம்

ஓசோன் படலம் சீராக எடுக்கப் பட வேண்டிய நடவடிக்கைகளைப் பற்றியும், நமது குறைந்தபட்ச கடமை பற்றியும் அடுத்த பதிவில் பார்ப்போம்.
அதில் அமெரிக்காவின் முகமுடி கிழிக்கப்படும். :))

88. புவி வெப்பமடைதல் - Global Warming - 1

2007-11-10T18:45:00.000+03:00

உலகில் உள்ள பல பொதுநல அமைப்புகள் புவியின் வெப்பமயமாதலை பற்றி பல வகைகளிலும் விளம்பரப்படுத்தி வருகின்றன. இந்தியாவில் இது சம்பந்தமான பிரச்சாரங்கள் குறைவு தான். ஆனாலும் இது வருங்காலங்களில் இந்தியாவிலுல் அதிகரிக்கும் என நம்பலாம். நாம் அது பற்றிய ஒரு சிறு முன்னுரையை இங்கு தெரிந்து கொள்வோம்.

நமது பூமிப் பந்தானது மிகச்சிறப்பான முறையில் படைக்கப்பட்டுள்ளது. பூமிப் பந்தைச் சுற்றிலும் பல வகையான வளி மண்டல அடுக்குகள் உள்ளன. இவை சூரியனில் இருந்து வரும் வெப்பத்தை தடுக்கும் கவசமாக செயல்படுகின்றன. சூரியனில் இருந்து வரும் அகசிவப்பு, மற்றும் புறஊதாக்கதிர்களை வடிகட்டி அனுப்புகின்றன. இந்த வடிகட்டும் அமைப்பை சில காரணிகள் பாதிக்கும் போது அதிகமான வெப்பக்கதிர்கள் பூமியை வந்தடைந்து பூமியின் வெப்பநிலை அதிகரிக்கும். இந்த நிகழ்வை புவி வெப்பமடைதல் ( Global Warming) என்கின்றனர். இந்த காரணிகள்பல விதமான வாயுக்களால் நிகழ்கின்றன. அவைகளை Green House Gases ( தமிழில் ?) என்கின்றனர். அதிலும் ஸ்ட்ரடோஸ்பியர் (stratosphere) என்ற படலம் இதில் முக்கிய பங்கு வகிக்கிறது.

இந்த பதிவில் இதைப் பற்றி மட்டும் சுருக்கமாக பார்ப்போம். இந்த stratosphere வளி மண்டல அடுக்கில் 90 சதவீதம் ஓசோன் படலத்தால் ஆனது. ஓசோனின் வேதிப்பெயர் O3. ஒவ்வொரு தனிமத்திற்கும் ஒரு பெயர் உள்ளது. (எ.கா) O - ஆக்ஸிஜன், N - நைட்ரஜன், C - கார்பன், Cl - குளோரின், H - ஹைட்ரஜன். இவற்றின் அளவுகள் கூடும் போதும், குறையும் போதும் அதன் பண்புகள் மாறும். ஹைட்ரஜனும், ஆக்ஸிஜனும் காற்றில் இருப்பவை தான். அதில் ஹைட்ரஜன் இரண்டு பங்கும், ஆக்ஸிஜன் ஒரு பங்கும் சேரும் போது அது தண்ணீராக மாறி விடுகிறது.
ஓசோன் படலம் சிதைக்கப்படும் போது சூரியக்கதிர்கள் பூமியை நேரடியாகத் தாக்குகின்றன.

இதை சிதைப்பதில் பங்கு வகிக்கும் சில வாயுக்கலவைகளில் முக்கியமானவை
1. Co2 - carbon dioxide
2. CH4 - Methane
3. CFC - Chlorofluorocarbons
4. இன்னும் சில வாயுக்கள்

1.Co2 - carbon dioxide (கார்பன்-டை-ஆக்ஸைடு)
நமக்கு நன்கு தெரிந்தது தான். மரங்கள் அழிக்கப் படுவதால் காற்றில் கார்பன்-டை-ஆக்ஸைடு அதிகமாகி வளி மண்டல அடுக்குகளைப் பாதிக்கிறது. பச்சையக வாயுக்களில்( Green House Gases) 50 சதம் இதுவே முக்கிய பங்கு வகிக்கிறது.அமேசான் காடுகள் 1987 ல் தீப்பற்றி எரிந்ததால் 500 மில்லியன் டன் கார்பன்-டை-ஆக்ஸைடு காற்றில் பரவியது.
2. CH4 - Methane ( மீத்தேன் ) இயற்கை எரிவாயு
சுரங்க வேலைகளிலும், பச்சை மரங்கள் எரிக்கப்படுவதாலும், நிலத்தில் இருந்து கச்சா எண்ணைய் எடுக்கப்படும் போதும், ஈரப்ப்பதமான விளை நிலங்களில் இருந்தும், மாடு போன்ற விலங்குகளின் கழிவுகளில் இருந்தும் மீத்தேன் வெளியேறுகிறது.மக்கள் தொகை பெருகுவதால் இதை நிறுத்துவது மிகவும் கடினமான ஒன்று
3. CFC - Chlorofluorocarbons
நாம் பயன்படுத்தக்கூடிய குளிர் சாதன/பதனப் பெட்டிகளில் பயன்படும் ஒரு விதமான வாயு தான் குளோரோ ப்ளோரோ கார்பனாகும். இது தான் ஓசோன் படலத்தை அழிப்பதில் முக்கிய பங்கு வகிக்கிறது. (இதைப் பற்றி விரிவாக அடுத்த பதிவு வருகிறது) சுருக்கமாக இதன் வீரியத்தைப் பற்றி சொல்வதானால் Co2 காற்றில் 10 வருடம் வரை அழியாமல் இருக்கும் தன்மையுடையது என்றால் CFC 110 வருடம் வரை தனது அழிவு வேலையை செய்யும் ஆற்றல் பெற்றது.

புவி வெப்பமடைதல் ( Global Warming) - விளைவுகள்
1. புவியின் தட்பவெப்பநிலை மாற்றம்
தொடர்ச்சியான புவி வெப்பமடைதலால் பூமியின் வெப்பநிலை உயர்ந்து நீர்நிலைகள் வற்றத் தொடங்கி விடும். அதே வேலையில் நிலத்தடி நீர்மட்டமும் கீழே சென்று கொண்டே இருக்கும். கட்டுப்பாடற்ற சீதோசன நிலை நிலவும். வெயில் காலங்களில் வெயிலின் தாக்கம் அதிகமாக இருக்கும். ஒரு கட்டத்தில் மனிதன் வாழும் சீதோசன நிலையைத் தாண்டி சென்று விடக்கூடும்.
2. கடல் நீர் மட்டம் உயர்தல்
பூமியின் தொடர்ச்சியான வெப்பநிலை அதிகரிப்பால் கடலில் உள்ள பனிப்பாறைகள் உருகி கடலின் நீர்மட்டம் படிப்படியாக உயரும். இதனால் கடற்கரை ஓரங்கள் அரிக்கப்பட்டு கடல் நீர் ஊருக்குள் வர வாய்ப்பு ஏற்படும். உலகில் உள்ள மக்கள் தொகையில் பாதிப்பேர் கடலில் இருந்து 100 கி.மீ தொலைவிற்குள் வசிப்பவர்கள் என்பது குறிப்பிடத்தக்கது.

இவை நிகழ பல நூறு ஆண்டுகள் ஆகும். ஆனாலும் நமது சந்ததிகளுக்கு தூய்மையான உலகைத்தர வேண்டியது நம் கடமை தானே!

புவியைக் காப்பதில் நம் பங்கு என்ன இருக்க வேண்டும் என்பதை மண். மரம், மழை,மனிதனில் தெரிந்து கொள்ளுங்கள்.
என் வேலையை சுலபமாக்கியதற்கு மண். மரம், மழை,மனிதனுக்கு நன்றி
*************####### நாளையும் மண்டை சூடாக அறுக்கப்படும் :))

87. மலையாள சேட்டாக்களே! இது நியாயமா?

2007-11-09T07:00:00.000+03:00

நமது தமிழ் மணத்தில் மலையாள மக்களைப் பற்றி பல பதிவுகள் வந்திருக்கின்றன. நமக்கு அவர்களையும், அவர்களுக்கு நம்மையும் கேலி செய்வது ஒரு சகஜமான ஒன்றாகவே கருதப்படுகின்றது. ஆனால் இது ஒரு சீரியஸான பதிவு. தமிழநாட்டில் இருக்கக் கூடிய நீர்த்தேக்க அணைகளில் முக்கியமானவை மேட்டூர் மற்றும் பெரியார் அணைகள். மேட்டூர் அணை சுமார் 93.4 டி.எம்.சி. (1 டி.எம்.சி = 100 கோடி கன அடி)தண்ணீர் தேக்கவல்லது. அதன் உயரம் 120 அடிகள். பெரியார் அணை அவ்வளவு பெரியதாக இல்லாதது என்றாலும் 6 மாவட்டங்களுக்கு நீராதாரமாக இருப்பது.இதிலிருந்து வைகை அணைக்கு உபரி நீர் வரும். அதன் உயரம் 152 அடிகள்.

பெரியார் அணை

மேட்டூர் அணையின் நீர் மட்டம் கர்நாடகாவில் இருந்து திறந்து விடப்படும் நீரின் அளவைப் பொறுத்து இருக்கிறது. ஆனால் பெரியார் அணையின் நீர் மட்டம் கேரளா அரசாங்கம் என்ன விரும்புகிறதோ அதுதான். என்ன புரியவில்லை?. பெரியார் அணை வலுவில்லை எனக்கூறி கேரளா அரசாங்கம் 136 அடிக்கு மேல் நீர்தேக்க அணுமதிப்பதில்லை. இது சம்பந்தமான வழக்கு உச்சநீதிமன்றத்தில் நடைபெற்றது. பல நிபுணர் குழுக்கள் ஆய்வு நடத்தி கடைசியாக 142 அடி வரை நீரைத் தேக்க அனுமதி வழங்கியது.ஆனாலும் இதை எல்லாம் கேரள அரசு கண்டுகொள்வதில்லை.
இந்த அணை கேரள, தமிழக எல்லையில் இருப்பதால் இரண்டு மாநிலங்களும் தண்ணீர் எடுக்க ஏதுமாக அமைப்புகள் உள்ளன. தமிழக வழி வழியாக குழாய் மூலம் 3 ஜெனரேட்டர்கள் வைத்து மின்சாரமும் தயாரிக்கப் பட்டு வருகிறது. இது தவிர இறைச்சல் பாலம் எனப்படும் ஒரு சாதாரணமான வழி மூலம் தமிழகத்திற்கு தண்ணீர் எடுக்கலாம்.
சில நாட்களுக்கு முன் அணையின் நீர் மட்டம் 136 அடியை விட அதிகரித்தது. அதற்கு முன்பே தமிழகம் குழாய் வழியாக நீர் எடுக்கப் பட்டு வருகிறது. ஆனால் ஜெனரேட்டர்கள் சரியாக பராமரிக்கப் படாததால் அவை அடிக்கடி பழுதாகி சரியாக பயன்படுத்த இயலாத நிலை ஏற்பட்டது.எனவே இறைச்சல் பாலம் வழியாக நீர் வெளியேற்றப்படுகிறது.
சமீபத்திய மழையில் மேற்குத் தொடர்ச்சி மலையில் உள்ள பல அணைகள் நிரம்பி விட்டன. பெரியார் அணைக்கும் அதிகமான அளவு நீர்வரத்து அதிகமாக இருந்தது. வினாடிக்கு இறைச்சல் பாலம் வழியாக சுமார் 1500 கனஅடி நீரும், குழாய் வழியாக சுமார் 600 கனஅடி நீரும் வெளியேற்றப்பட்டு வருகிறது. இதற்கு மேல் தண்ணீர் தமிழக வழியே எடுக்க இயலாது. அப்படி எடுத்தால் இறைச்சல் பாலபகுதி சாலைகள், கரைகள் பழுதாகி விடும். ஆனால் 136 அடிக்கு மேல் நீர் தேக்கப்படும் போது கம்பம் பள்ளத்தாக்குப் பகுதிகளின் நிலத்தடி நீர் மட்டம் வெகுவாக உயரும்.

இறைச்சல் பாலம் - பெரியார் அணை

கடந்த வாரம் நீர் மட்டம் 137 அடியைத் தாண்டியது. தமிழக பொதுப்பணித்துறை எவ்வளவு நீர் எடுக்க முடியுமோ அவ்வளவு எடுத்து வருகிறது. ஆனாலும் பலத்த மழை காரணமாக நீர்மட்டம் மேலும் உயர்ந்தது.கேரளா அரசு உடனடியாக தன்னுடைய பகுதியில் உள்ள 13 ஷட்டர்கள் வழியாக சுமார் 3000 கனஅடித் தண்ணீரை வெளியேற்ற ஆரம்பித்தது. ஏதாவது முக்கியமான விவசாய நிலங்கள் கருகுகிறதா என்றால் இல்லை, ஏதாவது குடியிருப்புப் பகுதிகள் குடிக்க தண்ணீர் இன்றி கஷ்டப்படுகிறதா என்றால் அதுவும் இல்லை. வேறு என்ன? வழக்கம் போலத்தான் அரபிக்கடலில் நடக்கும் விவசாயத்திற்கு தண்ணீர் தேவைப்படுகிறதாம். புரியவில்லை? 136 அடிக்கு மேல் நீரைத் தேக்க விடக்கூடாது என்று அதற்கு மேல் வரும் தண்ணீரைத் திறந்து விட்டு அரபிக்கடலில் வீணாகக் கொட்டுகின்றனர். என்ன கொடுமை சார் இது? தேனி மாவட்டமே நிலத்தடி நீர் மட்டம் வெகுவாகக் குறைந்து விவசாயிகள் கடுமையாக பாதிக்கப்பட்டனர். (எங்கள் பகுதியில் பல இடங்களில் மா, புளி, பலா போன்ற நீண்டகால விவசாயங்கள் இதனால் கடுமையாக பாதிக்கப்பட்டுள்ளன) கிட்டத்தட்ட பத்து ஆண்டுகளுக்குப் பிறகு இப்போது தான் நல்ல மழை பொழிந்துள்ளது.
கடவுள் வரம் தந்தாலும் பூசாரி வரம் தராத கதையாய் நீர் மட்டம் உயரும் போது அதை கடலில் கொட்டுவதால் என்ன பயன்?. இதில் கேரளாவில் நடப்பது கம்யூனிஸ்ட் ஆட்சி வேறு. என்ன கருமமோ தெரியவில்லை?. சரி உச்ச நீதிமன்றம் தான் 142 அடி தண்ணீர் தேக்க அணுமதி அளித்து விட்டதே? தமிழக ஆட்சியாளர்கள் 136 அடிக்கு மேலே போகும் போது அதற்கு நடவடிக்கை எடுக்க வேண்டுமே? மூச்! இப்போது ஆளும் கட்சியும், எதிர்க்கட்சியும் ஏதும் பேசாது. அடப்பாவிகளா? எதெதற்கோ முழு மூச்சாக உழைக்கிறீர்களே? தென் தமிழக விவசாயிகளின் ஜீவாதாரப் பிரச்சினை, இப்போது தண்ணீரை தேக்கி வைத்தால் பின்னர் பயன் படுமே? நடவடிக்கை எடுக்கக் கூடாதா?
எங்க சேட்டன்மார்களே! உங்களுக்கு அப்படி என்ன வீம்பு? நாங்க தான உங்களுக்கு அரிசி காய்கறி எல்லாம் அனுப்புகிறோம்? கொஞ்சம் கருணை காட்டக்கூடாதா? ஏது பறஞ்சங்கிலுல் மனசிலாகுத்தில்ல
இந்தியாவின் சமத்துவ சமுதாயம் வாழ்க!
என்னவோ போங்கப்பா உங்க அரசியல் எங்களுக்கு புரிய மாட்டுது.

உபயோகமான குறிப்பு
பெரியார் அணை - கூகுள் எர்த்
9°57'39"N 76°57'23"E
கடலில் கடக்கும் இடம் - கூகுள் எர்த்
10°10'45.54"N 76°10'1.34"E

86. குட்டீஸ்களின் தீபாவளி வாழ்த்து

2007-11-07T21:25:00.000+03:00

எங்க வீட்டு குட்டீஸ்களெல்லாம் சேர்ந்து புது சங்கம் ஆரம்பிச்சிருக்காங்களாம். இன்னும் தமிழ்மணத்தில அட்மிஷன் கிடைக்காததால் அவங்க உங்க எல்லாருக்கும் தீபாவளி வாழ்த்து சொல்றாங்க. அங்கயும் போய் பாத்துட்டு போயிடுங்க.
http://kuttiescorner.blogspot.com/
அவ்வளவு தான்.
எங்க குடும்ப சார்பா அனைவருக்கும் இனிய தீபாவளி நல்வாழ்த்துக்கள்.
பின்குறிப்பு:
இதை என்னோட பதிவுல போடலைனா எங்க வீட்டு மைனர் சாப்பிடமாட்டாராம். என்ன கொடுமைடா சாமி

85. தாய் மண்ணுக்கு மரியாதை - எங்க ஊருங்க

2007-11-06T20:23:00.000+03:00

எல்லா ஊரைப் பறறியும் பேசும் போது எங்க ஊரைப் பற்றியும் கொஞ்சம் சொல்வது தானே நியாயம். அதனால இன்னைக்கு எங்க ஊர் சிறப்பிதழ். மேற்குத் தொடர்ச்சி மலையின் அடிவாரத்தில் உள்ள அழகான ஊர் பெரியகுளம். மதுரை மாவட்டத்தில் இருந்த எங்க ஊர் இப்ப தேனி மாவட்டத்தில் இருக்கிறது. ஊருக்கு நடுவில ஒரு அழகான ஆறு ஓடுகிறது. பெயர் வராக நதி. இந்த நதி மேற்குத் தொடர்ச்சி மலைல உருவாகி வைகை ஆற்றில் கலக்கிறது.கவிஞர் வைரமுத்து எங்க ஊருக்கு 4 கி,மீ தொலைவில் இருக்கும் வடுகபட்டியைச் சேர்ந்தவர் என்பதால் அவருடைய பாடல்களில் வராக நதி இடம் பெற்றிருக்கிறது. ( வராக நதி வடுகபட்டி வழியாகத் தான் சென்று வைகையைச் சேருகிறது.) மேலும் ஊருக்கு வெளியே அழகான பெரிய குளம் ஒன்று உள்ளது. ( பெயர்க்காரணம்). மேலும் இது குழந்தை மாநகரம் என்றும் அழைக்கபடுகிறது. நூறாண்டு கால வரலாறு மிக்க நகராட்சி.

பெரியகுளத்திற்கு அருகில் பல சுற்றுலாத் தளங்கள் உள்ளன. மலைகளின் இளவரசி கொடைக்கானல் 70 கி.மீ தூரத்தில் உள்ளது. பெரியார் அணையும், தேக்கடி வன விலங்குகள் பூங்கா 80 கி,மீ தூரத்தில் உள்ளது.

தேக்கடி வனவிலங்கு சரணாலயம்
பெரியகுளத்திலிருந்து தெற்கே 15 கி.மீ தூரத்தில் வைகை அணை மற்றும் பூங்காவும், மேற்கே 8 கி.மீ தூரத்தில் சோத்துப்பாறை நீர்த் தேக்கமும், வடக்கே 8 கி.மீ தீரத்தில் கும்பக்கரை நீர் வீழ்ச்சியும், கிழக்கே 16 கி.மீ தூரத்தில் மஞ்சளாறு நீர்த் தேக்கமும் உள்ளது.

வைகை அணை
இங்குள்ள பாலசுப்ரமணிய சுவாமி பெரிய கோவில், அனுமார் கோவில், மாரியம்மன் கோவில், பெருமாள் கோவில் ஆகியவை புகழ்மிக்கவை. பெரிய கோவில் சித்தர்களால் பாடல் பெற்றது.( ஊர் சென்று வரும் போது கல்வெட்டை படம்பிடித்து கொண்டு வருகிறேன்.)

சோத்துப்பாறை அணை

பெரிய கோவில்
இயற்கையாகவே அழகான எங்கள் ஊரின் சிறப்பான ஒரு விஷயம் குடிதண்ணீர். எந்த காலத்திலும் தண்ணீர் பஞ்சமே வருவதில்லை. ( மின்சாரம் போன்ற காரணங்களைத் தவிர்த்து). தினமும் காலையில் 3 மணி நேரமும், மாலையில் 3 மணி நேரமும் நல்ல குடிதண்ணீர் வீட்டிற்கு வரும். பம்ப் போட்டு அடிக்க வேண்டியது இல்லை. தானாகவே 20 அடி உயரத்தில் உள்ள குடிநீர் தொட்டிக்கு கூட ஏறி விடும்.சென்னை, மதுரைக்காரர்கள் பொறாமைப் படாதீர்கள்.

பெரியகுளத்திற்கு நீர் தரும் பேரிஜம் ஏரி
மேற்குத் தொடர்ச்சி மலையை ஒட்டி இருப்பதால் சீதோஷணமும் அருமையாக இருக்கும்.ஊரின் அமைப்பு சாய்வாக இருப்பதால் மழை காலங்களில் மழை நீர் சுலபமாக வெளியேறி விடும்.
புகழ்பெற்றவர்களென்றால் தமிழக முன்னாள் முதல்வர் ஒ.பன்னீர் செல்வம், கவிஞர் மு.மேத்தா, சினிமா இயக்குனர் 'சேது' பாலா மற்றும் நான் (ஓவரா இருக்கோ) பெரியகுளத்தைச் சேர்ந்தவர்கள். இப்போதைக்கு இது போதும் தான! அப்பப்ப மேலும் சொல்றேன்,
பின் குறிப்பு:
பாத்துக்குங்க எல்லாரும். நான் தமிழ்மண்ணில் பெரியகுளத்தில் பிறந்தவள். இன்னும் பெரியகுளத்தை பத்தி ஏதாவது தெரியனும்னா கேளுங்க. ( மாயவரம்னு சொல்லனும்னா அபி அப்பாவுக்கு லஞ்சம் குடுக்கலாம். இதுக்கு என்ன செய்யனு தெரியலையே)

84. ஹிரோஷிமா, நாகசாகி தாக்குதலின் பின்னணியும், விடுகதை விடையும்

2007-11-06T12:03:00.000+03:00

இன்றைய பதிவு ஹிரோஷிமா, நாகசாகி தாக்குதலின் பின்னணி பற்றியது. 1945 ஆகஸ்ட் ல் நடத்தப்பட்ட அந்த தாக்குதலுக்கு முன்னர் நிலவிய நிலைமைகளை வரலாறு.காம் சென்று தெரிந்து கொள்ளலாம்.
பியர்ல் துறைமுகத் தாக்குதல்
அது 1941 வது வருடம். ஜப்பான் வளர்ச்சியை நோக்கி முன்னேறிக் கொண்டிருந்த நேரம். இந்த சூழலில் அமெரிக்கா தனது சந்தேகக் கண்களால் ஜப்பானை நோட்டம் விட்டுக் கொண்டிருந்தது. ஜப்பான் தனது எல்லைகளைக் கடந்து ஆசியாவிற்குள் ஊடுறுவத் துவங்கிய நேரம். அது பிலிப்பைன்ஸை நோக்கி தனது பார்வையைத் திருப்பி இருந்தது. அமெரிக்காவிற்கும், ஜப்பானிற்கும் இடையே எரி பொருள் எண்ணைய் ஏற்றுமதியில் ( அங்கேயும் தான் )சில பிணக்குகள் நிலவி வந்தது. மேலும் அமெரிக்கா ஜப்பானின் ஆதிக்கத்தை ஆசியப் பகுதிகளில் குறைக்க நினைத்தது. எனவே அப்போதைய அமெரிக்க அதிபர் ரூஸ்வேல்ர்ட் தனது படையை பிலிப்பைன்ஸ் நாட்டில் நிலை கொள்ள ஏற்பாடு செய்தார். (பிலிப்பைன்ஸில் நடந்தவை தனிக் கதை). அதற்காக தனது படைக்கலன்களை ஹவாய்க்கு அருகில் இருந்த பியர்ல் துறைமுகத்தை நோக்கித் திருப்பி இருந்தது.இது ஜப்பானை மேலும் ஆத்திரம் கொள்ளச் செய்தது. அமெரிக்கா தன்னைத் தாக்க ஆயத்தம் செய்வதாகவே இதை ஜப்பான் எண்ணியது.எனவே தான் முந்திக் கொள்வது என்று தீர்மானித்தது.
Captain Mitsuo Fuchida தலைமையிலான திறமை வாய்ந்த ஒரு வான் படை போர்க்குழு இந்த தாக்குதலை நடத்தியது. பியர்ல் துறைமுகத்தை முற்றிலும் சிதைக்க வேண்டும் என்பதே இதன் நோக்கம். இந்த தாக்குதல் மூன்று கட்டமாக ஏற்பாடு செய்யபப்ட்டது. இதன் தாக்குதல்கள் ஓஹு (OHAU) மாகாணத்தில் இருந்த போர் தளங்களைக் குறி வைத்து இருந்தன.
முதல் தாக்குதல்
இதில் மொத்தம் 189 விமானங்கள் பங்கு பெற்றன. இதன் குறிகள் துறைமுகத்தில் இருந்த போர்க்கப்பல்களையும், போர் விமானங்களையும் தகர்ப்பதுவே.மூன்று குழுவாக வந்த இந்த விமானங்கள் தங்களது இலக்குகளை சரமாரியாக அழித்து தாக்கின. இந்த நிலையில் அமெரிக்க படைகளால் எதிர் தாக்குதலைத் தொடுக்க இயலவில்லை.
இரண்டாம் தாக்குதல்
இதில் 174 விமானங்கள் பங்கு பெற்றன. இவற்றின் தாக்குதல் முழுவதும் பியர்ல் துறைமுகத்தைத் தகர்ப்பதும், விமானந்தாங்கிகளை அழிப்பதும், Ford Island, Hickham Field, Wheeler Field, Barber’s Point, Kaneohe போன்ற இடங்களைத் தகர்ப்பதுமாக இருந்த்து. இதில் அமெரிக்கப் படைகள் கொஞ்சம் சுதாரித்துக் கொண்டு பதில் தாக்குதல் நடத்தின. ஆனாலும் பியர்ல் துறைமுகம் முற்றிலும் அழிக்கப்பட்டது.
மூன்றாவது தாக்குதல்
மூன்றாவது தாக்குதல் அமெரிக்கா படைகளின் எண்ணைய் இருப்புகளைக் குறி வைத்து இருந்தது. ஆனால் இரண்டாவது தாக்குதலில் அமெரிக்கா உஷாராக இருந்து இரண்டாவது தாக்குதலில் ஈடுபட்ட சில விமானங்களை சுட்டு வீழ்த்தியது. மேலும் இரண்டாவது தாக்குதல் முடிந்து திரும்பிய போது இரவாகி விட்டிருந்தது. எனவே அடுத்த தாக்குதல் கைவிடப்பட்டது.
பாதிப்புகள்
இந்த சரமாரியான தாக்குதலில் 2 போர்க்கப்பல்கள்,188 விமானங்கள் உள்ளிட்ட பலத்த அழிவுக்குள்ளானது. 6 போர்க்கப்பல்கள், 155 போர் விமானங்கள் உள்ளிட்டவை சேதப்படுத்தப்பட்டது. மேலும் 2300 + போர் வீரர்கள் கொல்லப்பட்டனர். 1200 + போர் வீரர்கள் காயமடைந்தனர். பொது மக்கள் 55 பேர் கொல்லப்பட்டனர். ( அவை ஜப்பானிய தாக்குதல்களால் இல்லை. துறைமுகம் வெடித்துச் சிதறியதால் ஏற்ப்பட்ட உயிரிழப்பு).
இது நடந்த பிறகு அமெரிக்காவால் அடுத்த கட்ட நடவடிக்கை எதும் எடுக்க இயலவில்லை. ஒரு ரவுடியை அவனது வீட்டுக்குள் வந்து குமுறி விட்டுச் சென்ற நிலையில் தான் அமெரிக்கா இருந்தது.அதற்கு அடுத்த சில ஆண்டுகள் பழி வாங்க அமெரிக்கா காத்திருந்தது. அது 1945 ஆகஸ்டில் நிறைவேறியது. இந்த அணுகுண்டு தாக்குதலுக்கு பல காரணங்கள் கூறப்பட்டாலும் இந்த பியர்ல் துறைமுகத் தாக்குதலுக்கு பழிக்குக் பழி வாங்குவதே முக்கியமாக இருந்தது.
( முந்திய பதிவு பார்க்க)
ஈவு இரக்கம் ஏதுமின்றி நடத்தப்பட்ட அந்த தாக்குதல் தான் உலக மக்களுக்கு இழைக்கப்பட்ட அதிரடியான கொடூரத் தாக்குதல்.

இனி விடுகதைக்கு வருவோம். அமெரிக்கா என்பது உலகில் உள்ள அனைவருக்கும் தெரிந்தது தான். தலைப்பு வித்தியாசமாக இருக்க வேண்டும் என்பதால் அந்த தலைப்பு கொடுத்தேன்.(எனக்கும் இது வியாதியாகி விட்டது).
வரலாறு.காம்லிருந்து பின்னூட்டமிட்ட சகோதரர் கமலக்கண்ணனுக்கு நன்றிகள். ஆனந்த விகடனில் ஹாய் மதன் பகுதியில் தமிழர்களின் வரலாறு விவாதப் பொருளாக்கப்பட்ட போது வரலாறு.காம் படிக்க ஆசை ஏற்பட்டது. ஆனால் கணிணி அறிவு மற்றும் வாய்ப்பு இல்லாததால் அது நிறைவேறவில்லை. ஆனால் இந்த பின்னூட்டம் பார்த்த உடன் அதை சென்று பார்த்தேன். உங்களுடைய முயற்சி தொடர இந்த சகோதரியின் வாழ்த்துக்கள். எனது முந்தைய பதிவை எழுதுவதற்கு முன் அது தொடர்பான எந்த பதிவையும் பார்க்கவில்லை. ஆனால் தகவல்கள் மட்டும் சேகரித்தேன். ஆனால் இப்போது பார்த்த போது வரலாறு.காம் ல் ஹிரோஷிமா பற்றி எழுதப்பட்டிருக்கும் எழுத்து நடைக்கும், என்னுடைய எழுத்து நடைக்கும் சில ஒற்றுமை காணப்படுகிறது. ( காப்பி அடிக்கலைங்க) ஒரே நேர் கோட்டில் பயணிக்கக் கூடியவர்கள் என்பதால் இந்த ஒற்றுமை ஏற்பட்டிருக்கலாம். நன்றி.

83.வரலாற்று நிகழ்வுகளுடன் ஒரு விடுகதை - விடை நாளை

2007-11-05T05:55:00.000+03:00

அது ஒரு அழகான தீவுக்கூட்டங்களில் உள்ள ஒரு நகரம். மிகவும் அழகான அந்த நகரத்திற்க்கு மெருகூட்டுவது போல நகரின் நடுவே ஒரு நதி சல சலவென ஓடிக்கொண்டிருந்தது. நேரம் காலை 8 மணி. கதிரவன் தனது செம்மையான கரங்களைப் பரப்பிக் கொண்டு பூமியை எட்டிப் பார்க்கத் துவங்கிய நேரம்.அந்த தீவுக் கூட்டத்தின் மக்கள் இயற்கையாகவே மகிழ்ச்சியானவர்கள். உலக மக்களால் அவர்கள் கடுமையான உழைப்பாளிகள் என்று போற்றப்படுபவர்கள்.
காலை நேரமாதலால் பள்ளி செல்லும் குழந்தைகளும், வேலைக்கு செல்பவர்களும் துரித கதியில் இயங்கிக் கொண்டிருந்தனர். அந்த அழகான நதிக்கரையின் ஓரத்தில் காலைப் பொழுதை சிலர் மகிழ்ச்சியாகக் கழித்துக் கொண்டிருந்தனர். ஏனெனில் அவர்களுடைய நாடு அப்போது நடந்து கொண்டிருந்த ஒரு போரில் வெற்றிகளைக் குவித்து வேகமாக முன்னேறிக் கொண்டிருந்தது. ஒரு பெரிய ஏகாதிபத்தியத்திற்கு எதிரான போரில் தங்களது நாடு வெற்றி மேல் வெற்றி பெறுவதை மகிழ்வுடன் பேசிக் கழித்துக் கொண்டிருந்தனர். இன்னும் சிறிது நேரத்தில் நடக்கப் போகும் பயங்கரத்தை உணராமல்,.
இப்போது மணி 8:12. அந்த நகரை நோக்கி அழகான ஒரு பறவை வேகமாகப் பறந்து வந்து கொண்டிருக்கிறது. தரையிலிருந்து சுமார் 9357 மீட்டர் தூரத்தில் அந்த நகரத்தின் மையத்தில் வந்தவுடன் அந்த பறவையின் வயிற்றில் இருந்து ஒரு குட்டிப் பையனை பிரசவிக்கிறது. பிரசவித்த வேகத்தில் 155 பாகையில் திரும்பி வந்த வழியே செல்கிறது.9357 மீட்டர் உயரத்தில் அந்தரத்தில் விடப்பட்ட அந்த "குட்டிப்பையன்" மிக வேகமாக கீழே வருகிறான். தரையிலிருந்து 576 மீட்டர் தூரத்தில் 15 கிலோடன் விசையுடன் வெடித்து சிதறி விட்டான்.
அதி பயங்கரச் சத்தத்துடன் அந்த குட்டிப் பையன் வெடித்ததால் அந்த நகரமே அதிர்ந்தது. ஊரெங்கும் ஒரே புகை மூட்டம். காற்றின் வெப்பநிலை வேகமாக அதிகரிக்கிறது. எங்கு பார்த்தாலும் நெருப்பு. வீடுகளும் கடைகளும் எரிந்து சாம்பலாகின்றன்.வாகனங்கள் வெடித்துச் சிதறுகின்றன. அந்த அழகான நதிக்கரையில் இருந்தவர்கள் அதிர்ச்சி அடைகின்றனர். உடல் முழுவதும் எரிச்ச்சல். தாங்க முடியாத வெப்பம். வெப்பத்திலிருந்து தங்களைப் பாதுகாக்க அந்த நதியில் குதிக்கின்றனர். அந்தோ பரிதாபம்! அப்போது தான் அந்த நதிநீர் கொதி நிலையை அடைந்து கொண்டிருந்தது. குதித்தவர்கள் ஜலசமாதியாகின்றனர். ஊரே மரண ஓலம். எங்கும் பிணம். அந்த நதியே பிணங்களால் மிதக்கிறது. ஊர் முழுவதும் சில கிலோ மீட்டர் தூரத்திற்கு எரிந்து சாம்பலாகி விட்டது.
இது கதையல்ல நிஜம். அந்த தீவுக்கூட்டத்தின் பெயர் ஜப்பான். அந்த நகரம் ஹிரோஷிமா. அந்த அழகான நதியின் பெயர் ஒடா(Ota). (மேலே உள்ள படம் தற்போதையது). நடந்த ஆண்டு 1945 ஆகஸ்ட் 6. வந்த அலுமினியப் பறவையின் பெயர் Enloa Gay. வந்த குட்டிப்பையனின் பெயர் 'Little Boy'.

ஆகஸ்ட் 7 1945
அந்த நகரம் முற்றிலும் அழிந்து போய் விட்டது. பலியான மக்களின் எண்ணிக்கை 1,40,000. படுகாயமடைந்தவர்களின் எண்ணிக்கை 80,000. ஹிரோஷிமா நகராட்சி வெளியிட்ட தகவல் இது. அதிகாரப் பூர்வமாக இல்லாமல் பலியானவர்கள் எண்ணிக்கை இதை விடக் கூடும். உலகமே அதிர்ந்து போகின்றது. எரிந்து போய் கதிர்விச்சால் பாதிக்கப்பட்ட அந்த நகருக்குள் வந்து மீட்புப் பணியை செய்ய முடியாமல் அரசாங்கமே திணருகின்றது.

ஆகஸ்ட் 8 1945
உலகமே இதைக் கவலையுடன் பேசிக் கொள்கிறது. இரண்டாம் உலகப் போரின் போக்கு மாறுவதற்கான அறிகுறிகள் தெரிகின்றன.
ஆகஸ்ட் 9 1945
ஜப்பானிய மக்களுக்கு மிகுந்த கவலையுடன் இந்த நாள் விடிகின்றது. அதே சமயம் அணுகுண்டைப் போட்டு விட்டுச் சென்ற அந்த நாட்டின் உயரதிகாரிகள் அடுத்த கட்ட நடவடிக்கைக்கு தயாராகிறது. அவர்களுக்கு இரத்த வெறி மிகவும் அதிகமாகி விட்டதாம். இந்த வாய்ப்பை நழுவ விட்டால் வேறு வாய்ப்பு கிடைக்காதே.மேலும் எவ்வளவு அடிச்சாலும் தாங்குவாண்டா! இவன் ரொம்ப நல்லவண்டா என்ற ரீதியில் பேசிக் கொள்கின்றனர். இந்த தடவை ஹிரோஷிமா வேண்டாமாம். ஏனெனில் அங்கு அழிக்க எந்த ஜீவராசியும் மிச்சம் இல்லை. இந்த தடவை இலக்கு நகரம் நாகசாகி.அது வியாபாரத் துறைமுக நக்ரம்.இப்போது காலை நேரம் இல்லை. மதியம் 11.02. நாகசாகி நகரின் மீது அலுமினியப் பறவை B29 பறந்து வந்து குண்டு மனிதனைப்(Fat Man) போட்டு விட்டுச் செல்கிறது. இப்போது சேதம் குறைவு தான். சுமார் 74,000 பேர் மட்டுமே கொல்லப்பட்டனர்.அதே அளவு மக்கள் படுகாயம்.

ஆகஸ்ட் 10 1945
மீண்டும் உலக மக்கள் மீள இயலாத துக்கத்தில் ஆழ்கின்றனர். ஜப்பான் முழுவதும் மரண ஓலம். அதே நேரம் குண்டு வீசி விட்டு வெற்றிகரமாகத் திரும்பியதற்கு படைத்தலைவர் கார்ல் ஸ்பார்ட்ஸ்(Carl A Spaatz)தலைமையில் விருந்து.
ஆகஸ்ட் 11 1945
குண்டு வீசிய நாடு மிகுந்த மகிழ்ச்சியுடன் இருக்கிறது. ஏனெனில் அவர்கள் தயாரித்த அணு குண்டு சோதனை வெற்றிகரமாக சோதிக்கப்பட்டுவிட்டதல்லவா?. அதனால்.
ஆகஸ்ட் 12 1945
மீண்டும் அந்த நாட்டில் இருந்து விமானம் பறந்து வருகிறது. மக்கள் ஆவலுடன் வானத்தைப் பார்க்கின்றனர். ஏனெனில் எரிக்கும் செலவு இல்லாமல் மரணத்தைக் கொடுக்க அந்த விமானங்கள் வருமே என்று. ஆனால் அவர்கள் நம்பிக்கை வீணாகி விட்டது. அவைகள் அணு குண்டுகளை வீசாமல் வெறும் காகிதங்களை வீசிச் செல்கின்றன. அதில் உடனடியாக சரணடைய வில்லையெனில் மீதம் உள்ள நகரங்களும் நரகமாக்கப் படுமாம். அவர்களிடம் உள்ள இன்னும் சில ஆயுதங்களை சோதித்துப் பார்க்க வேண்டுமாம்.
ஆகஸ்ட் 13 1945
இன்றும் காகித எச்சரிக்கைகள் தொடர்கின்றன்.
ஆகஸ்ட் 14 1945
ஜப்பான் உடனடியாக எந்த நிபந்தனையும் இன்றி சரணடைகின்றது.

இனி விடுகதை தான்
இந்த அளவு மிகுந்த இரக்கத்துடன் மக்களை மதித்து, மனித உரிமைகளைக் காத்து, இரண்டு அணு குண்டுக்கு மேல் வீசாமல் கொஞ்சமாக இரண்டரை லட்சம் மக்களை மட்டும் சந்தோசமாக மறுஉலகிற்கு அனுப்பிய அந்த நாடு எது? இது தான் இன்றைய விடுகதை. விடை நாளை.

82. இந்திய பொருளாதார வளர்ச்சியும், வளைகுடா இந்தியர்களும்

2007-11-02T07:00:00.000+03:00

இந்தியாவின் பொருளாதாரம் உச்சகட்டத்தை எட்டி விட்டது. பங்குச்சந்தைக் குறியீட்டு எண் 20,000 தாண்டிச் சென்று கொண்டிருக்கிறது. உலகையே ஆட்டிப் படைத்த டாலர் வீழ்ச்சியடையத் தொடங்கிவிட்டது. இதனால் டாலருக்கு எதிரான இந்திய ரூபாயின் மதிப்பு 39 ஆக மாறி விட்டது.உலகின் மிகப் பெரும் பணக்காரராக முகேஷ் அம்பானி மாறி விட்டார். இந்தியர்கள் பெருமிதம் அடைந்து கொண்டிருக்கின்றனர்.

இந்த நிகழ்வுகள் அனைத்தும் வளர்ச்சியா, வீக்கமா என்று என்னுள் மாறுபட்ட கருத்துகள் எழுகின்றன. இது வளர்ச்சியாகவே இருக்க வேண்டும் என்று பிரார்த்திப்போம். நமது கட்டுரையின் நோக்கம் இதை ஆராய்வது அல்ல. வளைகுடாவில் இருக்கும் லடசக்கணக்கான இந்தியர்களுக்கும், இந்த பொருளாதார வளர்ச்சிக்கும் இடையே உள்ள தொடர்பை ஆராய்வதே ஆகும்.

பொதுவாக வளைகுடா பிரதேசங்களில் இருக்கும் இந்தியர்கள் குறைவான சம்பளத்தில் வேலை செய்பவர்களே. அதிலும் தமிழர்கள் 350,450 திர்ஹமிற்கு லட்சக்கணக்கான இந்தியர்கள் வேலை செய்கின்றனர். அபி அப்பா கூட ஸ்மார்ட் ராமசாமி என்ற பதிவில் இதை விளக்கியிருப்பார். சுருக்கமாகச் சொன்னால் 80 சதவீதம் பேர் 8000 ரூபாய்க்குள் வேலை செய்பவர்களே. காலை முதல் இரவு வரை கடுமையாக உழைத்து இந்த பணத்தைச் சம்பாதிக்கின்றனர்.

கடந்த ஓராண்டாக டாலரின் வீழ்ச்சிக்குப் பிறகு இவர்களின் நிலை திண்டாட்டத்தை நோக்கிச் சென்று கொண்டிருக்கிறது. 2002 ல் 750 திர்ஹம் இருந்தால் 10,000 ரூபாய் அனுப்பி விடலாம். (2002 மே 1000 ரூபாய் = 74.30)ஆனால் இப்போது 970 திர்ஹம் தேவைப்படுகிறது. 2007 மே கிட்டத்தட்ட 15 முதல் 20 சதம் வரை இழப்பு ஏற்படுகிறது.ஆனால் இந்தியாவில் பொருளாதார வளர்ச்சி என்னதான் உயர்ந்தாலும் விலைவாசி குறைவதாய் இல்லை. அதற்கு அரசும் ஏதும் நடவடிக்கை எடுப்பது இல்லை. பாலின் விலையும், அரிசி, பருப்பின் விலையும் ஏறிக் கொண்டே தான் இருக்கிறதே ஒழிய குறைவதே இல்லை.

5000 அனுப்பியவர்கள் இப்போது 4000 மட்டுமே அனுப்ப முடிகிறது. 5000 த்தில் துபாய் செல்ல வாங்கிய கடன், அதற்கு வட்டி, வட்டி போட்ட குட்டி என அனைத்தையும் அடைத்து குடும்பத்தையும் காப்பாற்றக் கஷ்டப்பட்டவர்கள் இப்போது 4.000 எனும் போது மேலும் முழி பிதுங்கி நிற்கின்றனர்.

வளைகுடாவில் சம்பள உயர்வு என்பது பெரும்பாலான நிறுவனங்களில் கானல் நீர்தான். அபி அப்பா குறிப்பிட்ட அந்த இரு பெரிய கிளினிங் கம்பெனிகளில் ஆண்டாண்டுகாலமாக 350, 450 திர்ஹம் தான் சம்பளம். சம்பள உயர்வே கிடையாது.ஆனால் இந்தியாவில் எவையெல்ல்லாம் அத்தியாவசியத் தேவையோ அவையெல்லாம் விலை உயர்கின்றன. ஆடம்பரத் தேவை உள்ளவைகளின் விலை குறைகின்றன்.

இதனுடைய வெளிப்பாடு தான் சமீபகாலங்களில் துபாயில் நடக்கும் போராட்டங்கள். ( அதன் ஒரு பகுதியைப் பாருங்கள்). போன வாரம் 4000 பேர் கைது செய்யப் பட்டு நாடுகடத்தப்பட இருந்தனர். ஆனாலும் அதில் 100 பேர் மட்டுமே நாடு கடத்தப்பட இருப்பதாக தகவல்கள் வருகின்றன். 2 ஆண்டுகளுக்கு முன்பு துபாய் - அபுதாபி சாலையில் மறியல் செய்யப்பட்ட போது தொழிலாளர்களுக்கு சாதகமாக இருந்த அரசும் இப்போது தொழிலாளர்களுக்கு எதிராகத் திரும்பி உள்ளது.

வளைகுடா நாடுகள் அனைத்தும் அமெரிக்க ஆதரவு நாடுகள். எது நடந்தாலும் நாட்டாமை புஷ் என்ன சொல்கிறாரோ அதை மட்டுமே கேட்பவர்கள். டாலர் வீழ்ச்சியடைந்து வரும் போது அவர்களுடைய நாணய மதிப்பை அதிகரிப்பதில்லை. உண்மையில் அவர்களுக்கு அதற்கு உரிமையில்லை.

1. டாலருக்கு நிகரான தமது நாணய மதிப்பை வளைகுடா நாடுகள் உலகச் சந்தை நிலவரத்துக்கு ஏற்றவாறு மாற்றப் போவதில்லை.
2. வளைகுடா நாட்டில் உள்ள கம்பெனி முதலாளிகள் ( இந்தியர்கள் வேலை செய்யும் பல நிறுவன நிர்வாகிகள் இந்திய பண முதலைகள் என்பது வேதனை) தங்களது ஊழியர்களுக்கு சம்பளத்தை உயர்த்தப் போவதும் இல்லை.
3. இந்தியர்கள் வளைகுடாவை விட்டு 'போதும்பா சாமி' என்று திரும்பப் போவதும் இல்லை.
4. வழக்கம் போல இந்தியாவில் விலைவாசி குறையப் போவதுமில்லை.
5. இந்திய வெளியுறவுத் துறையோ, தூதரங்களோ தொழிலாளர்கள் நன்மைக்காக எந்தத் துரும்பையும் கிள்ளிப் போடப் போவதில்லை.

அப்படியானால் இதற்கெல்லாம் தீர்வு?.எல்லாம் நம் தலையெழுத்து என்று கஷ்டப்பட்டு கண்ணீர் விட்டுக் கொண்டே வேலை பார்த்துக் காலத்தை ஓட்ட வேண்டியது தான்.

81.என் அம்மாவிற்கு நான் குழந்தை தானே!

2007-11-01T07:00:00.000+03:00

என் அன்பின் ஆருயிரே அம்மா!
நீ பெற்ற குழந்தை நான்,
பத்து மாதம் கருவறை வாசம்
பின் பாசம் ஊறும்
பால் மணம் வீசும்
அழுகை வந்தால்
முத்தமிட்டு சிரிப்பாட்டுவாய்
மார்போடு அணைப்பாய்
ஆனந்தம் பொங்கும்
நீ தாலாட்டு பாடினால்
தென்றலாய் உறக்கம் வரும்
உன் முக அழகு கண்டு
உன் மடியில் உறங்குவேன்
கதைகள் சொல்லி பேசப் பழக்குவாய்
நிலாச்சோறு ஊட்டி நடை பழக்குவாய்
நினைவு தெரியாத நாள் முதலே
என்னுயிர் நீதானே! என் அன்புத் தாயே!
எனக்கு வயதாகிப் போனாலும்
என் அம்மாவிற்கு நான் குழந்தை தானே!

80. உங்கள் A/C யின் மின் கட்டணம் - ஒரு ஷாக் ரிப்போர்ட்

2007-10-31T06:30:00.000+03:00

இது தமிழ்நாட்டில் A/C வைத்திருப்பவர்களுக்கான சிறப்பு கவன ஈர்ப்பு.நீங்கள் தமிழ்நாட்டில் 1.5 டன் அளவு ( நிறுத்தல் எடை அல்ல இது) A/C வைத்துள்ளீர்கள் என்று எடுத்துக் கொள்வோம். ஒரு 1.5 டன் கு.சா.பெட்டி சுமாராக 9 ஆம்பியர் கரண்ட் எடுக்கும்.(220 V இருக்கும் போது).அதாவது ஒரு மணி நேரம் A/C பயன்பாட்டில் இருந்தால்
Watts = current x Voltage
W = I x V
1980W = 9 x 220 = 1.98 யூனிட்
கிட்டத்தட்ட 2 யூனிட்கள் மின்சாரம் செலவாகும். ஒரு நாளில் உங்கள் கு.சா.பெட்டி சுமார் 10 மணி நேரம் பயன்பாட்டில் இருந்தால் அதில் கம்பரசர் பயன்பாட்டில் இருப்பது 5 மணி நேரம் என்று எடுத்துக் கொள்வோம். அப்படியானால் ஒரு நாளைக்கு 10 யூனிட் மின்சாரம். இரு மாதங்களுக்கு 600 யூனிட்கள் மின்சாரம். அதாவது 600 x 2.20 = 1320 ரூபாய்கள். உங்கள் அறையில் தேவையான வெப்பநிலை அளவு 22'C (71.6'F) எனவும், வெளியே 36'C ( 96.8'F) என்றும் வைப்போம். அறையில் கு.சா.பெட்டி செயல்படத்துவங்கிய பிறகு 36'C லிருந்து 22'C வர சுமார் 30 நிமிடங்கள் எடுக்கிறது எனக்கொள்வோம். கு.சா.பெட்டி தரக்கூடிய காற்றின் அளவு 600 CFM எனக்கொள்வோம்.
இனி நமது கணக்குக்கு வருவோம். உங்களுடைய கு.சா.பெட்டியின் வடிகட்டி சரியாக சுத்தம் செய்யாமல் இருந்தால் வெளியேற்றக்கூடிய காற்றின் அளவு 500 CFM ஆகக் குறைந்தால் 36'C லிருந்து 22'C வர, காற்றின் அளவு குறைந்ததால் 40 நிமிடம் ஆகிவிடும். ( இது ஒரு மாதிரி கணக்குக்கு) அப்படியானால் செயல்பாட்டில் உள்ள 10 மணி நேரத்தில் கம்பரசர் செயல்படும் நேரம் 5 மணி நேரத்தில் இருந்து சுமாராக 6.30 மணி நேரமாக மாறி விடுகிறது. அதாவது தினசரி 13 யூனிட்கள். அப்படியானால் இரு மாதத்திற்கு சுமார் 780 யூனிட்கள். 780 x 3.05 = 2379 ரூபாய்கள். இதற்கு மேல் இங்கு விளக்குவதற்கு ஏதும் இல்லையென்று நினைக்கின்றேன். மீதியை நீங்களே கவனித்துக் கொள்ளுங்கள்.
இங்கே பொருத்தமான படம் ஏதும் இல்லாததால் இது.

நாங்களும் சூடான இடுகைல வருவோம்ல

தமிழ்நாடு மின் வாரிய மின் கட்டணப்பட்டியல்

0 to 50 யூனிட் ----- 0.75
51-100 யூனிட் ----- 0.85
101-200 யூனிட் ---- 1.50
201-600 யூனிட் ----- 2.20
601 & மேல் யூனிட் --3.05
CFM
CFM என்பது ஒரு நிமிடத்தில் உங்களுடைய கு.சா.பெட்டியின் காற்றாடி இழுத்து குளிரூட்டி மீண்டும் அறைக்குள் அனுப்பும் காற்றின் கன அடி அளவு.( Cubic Feet per Minute)
பின்குறிப்பு :
அடுத்த பதிவாக A/C யில் பயன்படும் CFC எனப்படும் வாயுவால் இந்த புவிக்கு ஏற்படும் பாதிப்புகளைப் (Global Warming, Climate change) பற்றி அறிவியல் துணையுடன், வேதிவினைகளுடன் போடலாம் என்று நினைத்தேன். ஆனால் தொடர்ச்சியாக ஒரே மாதிரி வேண்டாமென்று விட்டு விட்டேன். நாளைக்கு ஒரு கவுஜ.

79. எச்சரிக்கை - குளிரூட்டப்பட்ட A/C அறையில் இருப்பவரா நீங்கள் ? - பாகம் 2

2007-10-30T06:51:00.000+03:00

கடந்த பதிவுக்கு சில இடங்களில் இருந்து பயமுறுத்துவதாக கடிதங்கள் வந்ததை எடுத்து சிறு விளக்கம். அங்கே இடப்பட்ட படங்கள் பயமுறுத்த அல்ல. அதன் தீவிரத்தை உணர்த்த மட்டும் தான்.

மேலும் சிகரெட் பிடிப்பவர், மது அருந்துபவர் அவர் விருப்பப்படியே தனது உடலைக் கெடுத்துக் கொள்கிறார். ஆனால் இந்த விஷயம் கிட்டத்தட்ட Passive Smoking மாதிரி.(Passive Smoking = புகை பிடிக்காத ஒருவர் புகையின் பாதிப்பை அடைவது). ஆகவே தான் இந்த பதிவுக்கு முக்கியத்துவம். அதே போல் Fபில்டர்( இனி வடிகட்டி என்று மட்டும் வரும்) பற்றியும் சிறு அறிமுகம் செய்வது நன்று என்று நினைக்கிறேன்.
வடிகட்டிகள் பொதுவாக சில வகைகளில் அடங்கி விடும். அவற்றையும் அதன் செயல் திறனையும் வரிசையாகப் பார்ப்போம்.
1. அலுமினிய வலையால் ஆனது - 40 முதம் 60 சதம்
2. தேங்காய் நார் போன்றது - 50 முதல் 60 சதம்
3. ஸ்பாஞ்ச் மாதிரியானது - 70 முதல் 85 சதம்
4. பேக் வடிகட்டி ( Back Filter) - 90 முதல் 95 சதம்
இவை அனைத்தும் பெரிய இயந்திரங்களில் பயன்படுத்தப்படுவை. இதில் கடைசியில் உள்ளது மட்டும் திரும்ப சுத்தம் செய்து பயன்படுத்த இயலாதது. மற்றவைகளை சுத்தப்படுத்த முடியும்.
இது தவிர Window, Split A/C களில் வரக்கூடிய ப்ளாஸ்டிக்கால் ஆன வடிகட்டிகள் 70 முதல் 80 சதம் மட்டுமே வடிகட்டும்.தொழில் நுட்ப ரீதியில் இதை மறுப்பவர்கள் மறுக்கலாம். ஆதாரங்களுக்கு வழி காட்டப்படும்.
இனி கட்டுரைக்குள் நுழைவோம்.இதில் பயமுறுத்தும் படங்கள் தரப்போவதில்லை. ஆனாலும் உபயோகமான சில படங்கள் தருகிறேன். Window, Split A/C நாம் கவனிக்க வேண்டியது அறைக்குள் இருக்கும் இண்டோர் எனப்படும் பகுதியே. இதில் வடிகட்டி, Evaporator எனப்படும் Cooling Coil, Blower, ஆகியவை இருக்கும். பொதுவாக வடிகட்டியை எல்லோரும் சுத்தம் செய்கின்றனர். ஆனால் மற்ற பகுதிகளைக் கவனிப்பது இல்லை. Cooling Coil என்பது எப்போதும் ஈரப்பதத்துடன் இருப்பது.எனவே வடிகட்டியைத் தாண்டிச் செல்லக்கூடிய சிறு சிறு தூசுகள் ஈரத்துடன் சேர்ந்து அழுக்காக Cooling Coil, Blower ஆகியவற்றில் தேங்கி விடுகின்றது.

அடுத்த தடவை உங்கள் குளிர் சாதனப் பெட்டி சுத்தப்படுத்தப்படும் போது Cooling Coil, Blower எப்படி இருக்கிறது என்று பாருங்கள்.அதே போல அழுக்கு தண்ணீர் தேங்குமிடம், செல்லும் வழி எப்படி இருக்கிறது என்று கவனியுங்கள். இந்த அழுக்குகள் சேரும் போது தான் A/C யில் இருந்து தண்ணீர் கொட்டும்.( வளைகுடாவில் இருப்பவர்களுக்கு இந்த அனுபவம் அதிகமாக இருக்கும்). அப்படி வந்தால் உங்கள் A/C கவனிக்கப் பட வேண்டியது.
Window A/C எனும் போது அதை அப்படியே இறக்கி சுத்தம் செய்ய முடியும். ஆனால் Split A/C எனில் யாரும் அதிகம் சுத்தம் செய்வதில்லை. கீழே அதை சுத்தம் செய்ய வேண்டிய முறை.

சுத்தம் செய்வதற்கு முன்னும், பின்னும்
இனி குறிப்புகள்
அ. சன்னல் வகை கு.சா.பெட்டிகள் ( Window A/C)மற்றும் பிரிக்கப்பட்டவகை கு.சா.பெட்டிகள் ( Split A/C)
1.வடிகட்டியை 15 நாட்கள் முதல் ஒரு மாதத்திற்கு ஒரு முறை சுத்தம் செய்யுங்கள். ( பயன்பாட்டைப் பொறுத்து)
2.வடிகட்டியை மீண்டும் பொருத்தும் போது இடைவெளி இல்லாமல் பார்த்துக் கொள்ளுங்கள்
3.Cooling Coil, Blower போன்றவற்றை வெயில் காலம் ஆரம்பமாவதற்கு முன் சுத்தம் செய்து வையுங்கள்
4.கு.சா.பெட்டி பயன்பாட்டில் இருக்கும் போது சன்னல்களைத் திறந்து வைக்காதீர்கள்.
5.A/C யின் கழிவு நீர் தேங்குமிடம், செல்லும் வழியை சுத்தமாக வையுங்கள்
6.கு.சா.பெட்டி பயன்பாட்டில் இருக்கும் போது அறையை சுத்தம் செய்யாதீர்கள்

இதுவரை சுகாதார, தொழில்நுட்பரீதியாக இதைப் பார்த்த நாம் நாளை வணிக ரீதியாகப் பார்ப்போம்.
பின் குறிப்புகள் :
1.இந்த இரு பதிவுகளும் உண்மையில் சுகாதாரத்தின் மீதும், சுற்றுப்புறத்தூய்மையின் மீதும் அக்கறை இருப்பவர்களுக்கு எழுதப்பட்டது. நீங்கள் இருக்கும் இடத்தில் இதை கண்காணிக்க உங்களுக்கு அதிகாரம் இல்லையென்றால் அதற்காக என்ன செய்வது?. விட்டுவிடுங்கள்.
2. இது முன் குறிப்பாக இருக்க வேண்டியது. முதலில் உள்ள படத்தில் இருப்பவர் பெயர் ஹெர்பி. இவரும் இவரது கூட்டாளிகளும் தான் Duct களில், அழுக்குகளில் குடி இருந்து நமக்கு தொல்லை கொடுப்பவர்கள். ஆனா ரொம்ப நல்லவங்க. (படம் பெரிதாக்கப்பட்டுள்ளது)
3.தொழில்நுட்ப ரீதியான தகவல்களை இந்த மரமண்டைக்கும் புரியும் வகையில் விளக்கிய தங்க மச்சானுக்கு நன்றிகள். ( ஆனால் பதிவை படித்து முடித்து விட்டு "ஆகா! எங்களுக்கு நாங்களே சூனியம் வச்சிருக்கமா?" என்று அவரை மாதிரி A/C தொழிலில் இருப்பவர்களுக்கு ஆதரவாக சொன்னதை யாரிடமும் சொல்ல மாட்டேன்)
78. எச்சரிக்கை - குளிரூட்டப்பட்ட அறையில் இருப்பவரா நீங்கள் ? - பாகம் 1

78. எச்சரிக்கை - குளிரூட்டப்பட்ட அறையில் இருப்பவரா நீங்கள் ? - பாகம் 1

2007-10-28T20:22:00.000+03:00

சமீபத்தில் பார்த்த சில புகைப்படங்கள் என்னை மிகவும் அதிர்ச்சியில் ஆழ்த்தியது.எதை நாம் சுத்தமானது என்று நினைக்கிறோமே அதுவே நம்மை பாதிக்கும் எனும் போது மிகவும் கவலையடையச் செய்தது.முதலில் இந்த படங்களைப் பாருங்கள்.

இந்த படங்கள் அனைத்தும் Duct உள்ளே எடுக்கப் பட்டவை. Duct என்பது Centralized Air Condition இயந்திரத்தின் காற்று வரும் வழி. மேலும் விளக்குவதாக இருந்தால் நாம் இருக்கக் கூடிய இடத்தை, அலுவலகத்தை குளிரூட்ட பல வகையான இயந்திரங்கள் உள்ளன். Centralized Air Condition என்பது Chiller என்ற இயந்திரத்தை ஒரு இடத்தில் வைத்து அதன் மூலம் நீரை 5'C க்குள் குளிரூட்டுகின்றனர்.அந்த குளிர்ந்த நீரை AHU எனப்படும் இயந்திரத்தில் செலுத்தி காற்றை 10'C வரை குளிரூட்டுகின்றனர். அந்த காற்றை Duct கள் மூலம் நமக்கு தேவையான இடங்களுக்கு எடுத்து வருகின்றனர்.
அவ்வாறு எடுத்து வரப்படும் காற்று வரும் வழி தான் மேலே உள்ள படங்கள். எல்லா இடங்களிலும் இது போன்று இருப்பதில்லை. ஆனால் சரியாக பரமாரிக்கப்படாத, பழைய குளிர்சாதனப் பெட்டிகளில் தான் இது போன்று இருக்க வாய்ப்பு அதிகம்.
நாம் சுவாசிக்கக் கூடிய காற்று இப்படிபட்ட அசுத்தங்கள் வழியாக வரும் போது ஆஸ்துமா, சைனஸ் போன்ற பிரச்சினைகள் இருப்பவர்கள் அதிகம் பாதிக்கப்படுவார்கள். சில மருத்துவமனைகளிலேயே இது போல் இருப்பது வேதனையான விஷயம்.
தீர்வுகள் :
1. நீங்கள் வசிக்கும் அல்லது வேலை செய்யும் இடத்தில் உள்ள A/C களின் fபில்டர்கள் குறைந்த பட்சம் மூன்று மாதங்களுக்கு ஒரு முறை சுத்தப்படுத்தப் படுகிறதா எனக் கண்காணியுங்கள்.
2. fபில்டர்கள் சரியான முறையில் சுத்தப்படுத்தப்படுகிறதா எனக் கண்காணியுங்கள்.
3. A/C பழையதாக இருந்தால் Duct உள்ளே எப்படி இருக்கிறது என்று கவனித்து அதை சுத்தம் செய்ய ஏற்பாடு செய்யுங்கள்.
4. Cooling Coil மற்றும் Blower எந்த நிலையில் உள்ளது எனப்பார்த்து நடவடிக்கை எடுங்கள்.
5. Condensate கழிவு செல்லக் கூடிய Drain Pan மற்றும் Drain Tray எப்பொழுதும் சுத்தமாக இருக்குமாறு பார்த்துக் கொள்ளுங்கள்.
டிஸ்கி : எங்களிடம் Duct இல்லாத Window, Split Type A/C தான் உள்ளது. அதனால் பயம் இல்லை என்பவர்களுக்கு நாளைய அதிர்ச்சி பதிவு.

77. ஒரு சட்டையின் விலை ரூ 16 கோடி மட்டுமே

2007-10-28T19:05:00.000+03:00

துபாயில் உள்ள ஒரு நட்சத்திர உணவகத்தில் நடைபெற்ற ஏலத்தில் ஒரு சட்டை இந்திய ரூபாயில் சுமார் 16 கோடி ரூபாய்க்கு ஏலம் போனது. அமீரக திர்ஹம் 16 மில்லியன்).இந்த சட்டை ஷேக் ராஷித் பின் முகமத் அல் மக்தூம் என்ற வீரருக்கு உரியது. ஒலிம்பிக்கில் தங்கப் பதக்கம் வென்ற ஷேக் அஹமத் பின் ஹஸார் அல் மக்தூம் என்ற துப்பாக்கி சுடும் வீரரும் இதில் கலந்து கொண்டார். (இவர் தங்கம் வென்ற போட்டியில் தான் இந்திய வீரர் R.V.S. ரத்தோர் வெள்ளிப் பதக்கம் பெற்றது நினைவிருக்கலாம்) இதில் பல விளையாட்டு வீரர்களின் ஆடைகள் ஏலம் விடப்பட்டன. இந்திய கிரிக்கெட் வீரர் டெண்டுல்கரும் இதில் தனது மனைவியுடம் கலந்து கொண்டார்.

சட்டையுடன் ஷேக் ராஷித்

டெண்டுல்கர் தனது மனைவியுடன்
நன்றி : கல்ப் நியூஸ்

டிஸ்கி : 16 கோடி இருந்தால் என்னவெல்லாம் செய்யலாம், எத்தனை நலிந்தவர்களுக்கு உதவும் முடியும் என்று யோசித்தேன். மயக்கம் :(((

76. இரயில் சிநேகம் நாடகம் - பாடல் வீடியோ

2007-10-28T13:52:00.000+03:00

இரயில் சிநேகம் பாடல் நிறைய பேரை கவர்ந்து விட்டது. என்வே அதன் இரு பாடல்களும் இங்கு வீடியோவுடன் வருகிறது.

(Wait Some Seconds to load)
முதல் பாடல் - இந்த வீணைக்கு தெரியாது

இரண்டாவது பாடல் - முதலும் இல்லாதது முடிவும் இல்லாதது

இந்த பாடலை யூடுயுபில் இட்டவருக்கு நன்றி.

75.தொழில் துறையில் சவுதி அரேபியப் பெண்கள்

2007-10-27T21:21:00.000+03:00

சவுதி அரேபியத் தீபகற்பத்தில் பொதுவாக முஸ்லிம் பெண்கள் தொழில் துறையில் ஈடுபடுவது இல்லை. ஆனாலும் தற்போது அவர்கள் கொஞ்சம் கொஞ்சமாக பல தொழில்களில் பங்கெடுத்து வருகின்றனர். சுமாராக 1500 க்கும் மேற்ப்பட்ட நிறுவனங்களை பெண்களே நடத்துவதாக தெரிவிக்கப்பட்டுள்ளது. மேலும் தொழில் முதலீடுகளில் பெண்கள் பங்கு 21 சதவீதமாகவும் உள்ளதாம். இந்நிலையில் பெண்களை மேலும் ஊக்கப்படுத்தும் வகையில் ஜித்தா மாநகரில் பெண்களுக்கான தொழில் முகமையை ஆதிலா பின்த் அப்துல்லாஹ் தொடங்கி வைத்தார். இவர் சவுதி நாட்டின் மன்னர் அப்துல்லாஹ்வின் மகள். இவர் பல தொழில்களை திறம்பட நடத்தி வருபவர் என்பது குறிப்பிடத்தக்கது.

மேலே படத்தில் இருப்பவர்கள் அனைவரும் தங்களது தந்தையின் பெயரை மேலும் புகழ் பெறச் செய்பவர்கள்.
1. ஆதிலா பின்த் அப்துல்லாஹ் சவுதி நாட்டின் மன்னர் அப்துல்லாஹ்வின் மகள்
2.மரினா மலேசியாவின் முன்னாள் பிரதமர் மகாதிரின் மகள்
3. நூரி மலேசியாவின் தற்போதைய பிரதமர் அப்துல்லா பதவியின் மகள்
இவர்களைப் போல துபாய் அரசில் பல துறைகளில் ஆதிக்கம் செலுத்தி வரும் லுப்னா அல் காஸிமியும் குறிப்பிடத்தக்கவர்.
பெண்கள் அனைத்து துறைகளிலும் மேம்பட வாழ்த்துவோம்...

74. இந்த வீணைக்கு தெரியாது - ஒரு கொசுவர்த்தி

2007-10-27T13:37:00.000+03:00

அக்கா மைபிரண்ட் புண்ணியத்தில் சமீபத்தில் ஒரு பாடல் கேட்க முடிந்தது. நல்ல அழகான பாடல். ஏதோ பூர்வ ஜென்மத்தில் கேட்டது போல் இருந்தது. இரயில் சிநேகம் என்ற தொலைக்காட்சி தொடரில் இடம் பெற்ற பாடலாம். இதைப் பற்றி கேட்டவுடன் அனைவரும் மலரும் நினைவுகளுக்கு சென்று விட்டனர். சரி நமது இணைய சகோதர சகோதரிகளுக்கும் கொஞ்சம் கொசுவர்த்தி சுத்த வைப்போம் என்று இங்கு கொண்டு வந்து விட்டேன்.

இந்த வீணைக்கு தெரியாது
இதை செய்தவன் யார் என்று
என் சொந்த பிள்ளையும் அறியாது
இதை தந்தவன் யார் என்று?
எனக்குள் அழுது ரசிக்கின்றேன்,
இரண்டையும் மடியில் சுமக்கின்றேன்

மலையில் வழுக்கி விழுந்த நதிக்கு
அடைக்கலம் தந்தது கடல் தானே!
தரையில் வழுக்கி விழுந்த கொடிக்கு
அடைக்கலம் தந்தது கிளை தானே!
எங்கோ அழுத கண்ணீர் துடைக்க
எங்கோ ஒரு விரல் இருக்கிறது!
காகம் குருவிகள் தாகம் தீர
கங்கை இன்னும் நடக்கிறது.

சொந்தம் பந்தம் என்பது எல்லாம்
சொல்லி தெரிந்த முறை தானே!
சொர்க்கம் நரகம் என்பது எல்லாம்
சூழ்நிலை கொடுத்த நிறம் தானே !
உள்ளம் என்பது சரியாக இருந்தால்
உலகம் முழுதும் இனிக்கிறது
உதிர போகும் பூவும் கூட
உயிர் வாழ்ந்திட தான் துடிக்கிறது !

( Wait Some Seconds to load)

MP3 ஆக இதை பதிவிறக்கி கேட்டுக் கொள்ளுங்கள்
இதோ லிங்க்
http://rapidshare.com/files/63587673/InthaVeenai-RayilSnehamSerial.mp3

73. ஷார்ஜா - அழகுப் பதுமை

2007-10-26T06:19:00.000+03:00

இது ஒரு அறிமுகப் படலம். அமீரகத்தில் உள்ள ஷார்ஜா நகரத்தின் படங்கள் சில.பாலைவனத்தினை சோலை வனமாகியவர்களுக்கு நன்றிகள். என்னை பொறுத்து வரை துபாயை விட ஷார்ஜா அழகு. ஊரின் அமைப்பும் அருமையாக இருக்கும்.

அழகான கடற்கரை. அந்த கல்பாலத்தின் வழியே நடப்பதே ஆனந்தம்

அழகான செயற்கைக் கால்வாயில் உருவாக்கப்பட்ட பூங்கா

குளம் போல உள்ள கடல் நீரைச் சுற்றி நடைபாதையுடன் கூடிய பசுமை.

அரேபிய கலாச்சாரத்துடன் கூடிய தங்க நகைக்கடைகள்(GoldSouq )

பிரசித்திபெற்ற ஷார்ஜா கிரிக்கெட் ஸ்டேடியம் ( இதில் எங்கள் கோபி இருக்கும் இடத்தைக் கண்டுபிடிப்பவர்களுக்கு ஒரு 30 திர்ஹம் தொ(ல்)லைபேசி அட்டை இலவசம்

உள் வீதிகள், பூங்காக்கள்,விளையாட்டு மைதானங்களுடன் உள்ள பசுமையான அரபுகள் வசிக்குமிடம். ( Tala, Daraari, Khezzamia, Al Qasimi Hospital Area)
நன்றி : கூகுள் எர்த் ( கொடுமைடா சாமி :)))))))

72. ஜனநாயகக் கடமையை நிறைவேற்ற தயாரா?

2007-10-25T19:35:00.000+03:00

இந்தியாவில் உள்ள வாக்காளர்கள் அனைவருக்கும் வாக்காளர் அடையாள அட்டை வழங்கியே தீருவது என்று தேர்தல் ஆணையம் ஒற்றைக் காலில் நிற்கிறது. அதுவும் தமிழக தேர்தல் ஆணையம் மிகவும் முனைப்புடன் செயல்பட்டு வருகிறது.
வருகின்ற நாடாளுமன்ற தேர்தலுக்கு முன்பு 100 சதவீத வாக்காளார்களுக்கு வாக்காளர் அடையாள அட்டை வழங்கி முடிக்க தீவிரமாக செயல்பட்டு வருகிறது. எனவே புகைப்படம் எடுக்க இயலாத வாக்காளர்கள் பாஸ்போர்ட் அளவு புகைப்படம் கொடுத்தால் கூட போதும் என்று அறிவித்துள்ளது.
ஆனாலும் 10 முதல் 15 சதம் வரை இப்பணி இன்னும் நிறைவடையாமல் இருக்கிறது. என்வே அந்த 10 முதல் 15 சதம் வாக்காளர்களை நீக்கி விட்டு 100 சதவீதம் பேருக்கு வழங்கியதாக காட்ட வேண்டிய நிலை வரும் என்று எதிர்பார்க்கப்படுகிறது.
நமது இந்திய ஜனநாயக நாட்டில் நமக்கு இருக்கும் ஒரு முக்கிய கடமை ஓட்டளிப்பது. அந்த உரிமையுடன் கூடிய கடமையை நிறைவேற்ற நமது பெயர் வாக்காளர் பட்டியலில் இருப்பது அவசியம். என்வே உடனடியாக உங்கள் பெயர் வாக்காளர் பட்டியலில் உள்ளதா என சரி பாருங்கள். இல்லையெனில் உடனடியாக பட்டியலில் இடம் பெற வேண்டிய ஏற்பாடுகளை செய்யுங்கள்.
உங்கள் பெயரை பட்டியலில் பார்க்க
http://er2005.tn.nic.in/acwise_pdf.asp
இதை விளக்கமாக அறிய இங்கே வரவும்.

71.அபி அப்பா ஒரு உண்மைத்தமிழரா? அதிரடி சர்வே முடிவு

2007-10-25T18:37:00.001+03:00

அபி அப்பா ஒரு உண்மைத் தமிழர் யார் என்றெல்லாம் கேட்டு ஒரு பதிவைப் போட்டிருந்தார். அதைத் தொடர்ந்து பல பதிவுகளை தமிழ்மணத்தில் பார்க்கமுடிந்தது. ஆனால் உண்மையில் தமிழ்நாட்டைச் சேர்ந்தவர்கள் யார்? ( கவனிக்கவும் தமிழ்நாடு மட்டும்) என்பதைக் கண்டுபிடிக்கும் சோதனை தான் இது. இது 7 கட்டமான சோதனை

சோதனை : 1
முதலில் இதைக் சொடுக்கவும் நான் தமிழனா?
சோதனை : 2
உங்கள் கணிணியில் எழுத்துரு சரியாக இல்லையென்றால் பதிவிறக்கவும் செய்யவும்.
சோதனை : 3
முதலில் உள்ள Drop Down List ல் உங்கள் மாவட்டத்தைத் தேர்ந்தெடுக்கவும்.
சோதனை : 4
அடுத்த உள்ள கட்டத்தில் உங்கள் தொகுதியை தேர்ந்தெடுக்கவும்
எடுத்துக்காட்டாக உங்கள் தொகுதி நாகை மாவட்டம் மயிலாடுதுறை எனில் இப்படி இருக்கும்.

சோதனை : 5

தேர்ந்தெடுத்தது சரி எனில் சமர்ப்பிக்கபொத்தானை அழுத்தவும்
சோதனை : 6
இப்போது வரும் முழு வார்டுகளுக்கான பகுதியில் உங்கள் வார்டை சொடுக்கவும். வார்டு தெரியாதவர்கள் தெருப் பெயர் மூலம் அதைக் காணலாம்
( வார்டு, தெரு தெரியாதவர்கள் இத்துடன் உங்கள் ஆட்டத்தை நிறுத்திக் கொள்ளலாம்)

சோதனை : 7
சிறிது நேரத்தில் உருவாகும் PDF பைலில் உங்கள் பெயர் இருந்தால் நீங்கள் தமிழ்நாட்டைத் சேர்ந்தவர்கள். இல்லையென்றால் உடனடியாக தமிழ்நாட்டவராக ஆக வேண்டிய முயற்சிகளை மேற்க்கொள்ளுங்கள். கீழே இருப்பது போல்.,

டிஸ்கி : இந்த பதிவுக்கும், தகவல்களுக்கும் அபி அப்பாவுக்கும் எந்த சம்பந்தமும் இல்லை. ஆனாலும் புலன் விசாரணை நடத்தியதில் அவர் உண்மையில் தமிழ்நாட்டவர் என நிரூபிக்கப்பட்டுள்ளது.

70. கிளைமாக்ஸ் - அசத்தலான பதிவர் உலக கிரிக்கெட் போட்டி - முடிவு

2007-10-25T12:14:00.002+03:00

///ஆசிரியையின் விளக்கம், அன்பு நேயர்களே! தமிழ் மண நேயர்கள் அனைவரும் ஆட்டத்தின் மீது கொண்ட ஆர்வம் மற்றும் பதட்டத்தில் மைதானத்தை சேதப்படுத்த தொடங்கி விட்டதால் நேரடியாக கதையின் கடைசி கட்டத்திற்கு செல்லுமாறு அறிவுறுத்தப்பட்டுள்ளது////

இப்போது நாம் ஆட்டத்தின் கடைசி தருணத்தில் இருக்கிறோம். இதுவரை சிவப்பு அணி 5 ஓவர்கள் முடிவில் 4 விக்கெட்களை இழந்து 62 ஓட்டங்கள் எடுத்துள்ளது. இது ஆட்டத்தின் கடைசி ஓவர்

சிவப்பு அணி வெற்றி பெற 8 ஓட்டங்கள் வேண்டும்

வெள்ளை அணி வெற்றி பெற ஒரே ஒரு விக்கெட்டைச் சாய்த்தால் போதும்.

பெண்கள் அணியில் கடும் குழப்பம் நிலவுகிறது. ஆட்டம் சுவாரஸ்யமாகவும், மக்கள் அனைவரும் ரசிக்கும் படியும் சென்று கொண்டிருக்கிறது. மழை வேறு வருவேன் மாட்டேன் என்று அடம் பிடிக்கிறது. நம்முடைய இலட்சியம் நிறைவேறாமல் போய் விடுமோ என்ற பதட்டத்தில் அனைவரும் இருக்கின்றனர். இதற்கிடையே கண்மணி டீச்சரிடம் வந்து கிச்சுவும், பிச்சுவும் சாக்லேட் கேக்க கைப் பையில் சாக்லேட் பூராவும் கானோம். பார்த்தால் G3 க்கு பக்கத்தில் சாக்லேட் கவர் மட்டும் கிடைக்கிறது.

சிவப்பு அணியில் செல்லா 18 ரன்களுடனும் சிவா 12 ரன்களுடனும் களத்தில் உள்ளனர். சிவப்பு அணியில் அதிகபட்சமாக ரவி 18 ரன்கள் எடுத்து ஆட்டம் இழந்தார். கடைசி மற்றும் ஆறாவது ஓவரை வீச மின்னுது மின்னல் வருகிறார். அதிவேகப் பந்துவீச்சாளரான மின்னல், ரவி போல எல்லைக் கோடு வரை செல்லாமல் கொஞ்ச தூரத்தில் இருந்தே ஓடி வந்து மணிக்கு 140 முதல் 160 கி.மீ வரை வேகத்தில் பந்து வீசக் கூடியவர்.

ஆறாவது ஓவர் முதல் பந்து மின்னல் டு சிவா

வெற்றி பெற 6 பந்தில் 8 ரன் தேவை

இப்போது மழை பெய்தால் டக்வொர்த் லூயிஸ் முறைப்படி வெள்ளை அணி வெற்றி பெறும். ஆப் ஸ்டம்ப்புக்கு சற்று வெளியே வீசப்பட்ட பந்து. அதை ரவி பாயிண்ட்டில் அடிக்க அங்கே டீப் பாயிண்டில் இருந்த அபி அப்பா எடுத்து கீப்பர் தேவிடம் எறிகிறார். ஒரு ரன் மட்டுமே

ஆறாவது ஓவர் இரண்டாவது பந்து மின்னல் டு செல்லா

வெற்றி பெற 5 பந்தில் 7 ரன் தேவை

இப்போது வானத்தில் கருமேகங்கள் நன்றாக திரண்டிருக்கின்றன. மழை வர வாய்ப்பு அதிகமாகி வருகிறது. இந்த பந்தை மின்னல் யார்க செய்ய முயற்சிக்கிறார். ஆனால் செல்லா விலகி நன்றாக அறை எடுத்து ( அதாங்க Makes his room) அடிக்க முற்ப்பட பந்து நான்காவது விலகல் வழியாக 4 ஓட்டங்களைப் பெற்றுத் தருகிறது.

மகளிர் அணியினரின் முகத்தில் ஒரு தெளிவு தெரிகிறது. கண்மணி டீச்சர் நேராக காயத்ரியிடம் வருகிறார்.

க.டீ : காயத்ரி இப்பயும் ஒன்னும் கெட்டுப் போகலை. நீ நினைத்தால் இந்த ஆட்டத்தை நிறுத்தலாம்

கா : நம்ம சங்கத்தோட கொள்கையே அதுதான என்ன செய்யனும்னு சொல்லுங்க

க.டீ : நீ ஒரே ஒரு கவுஜய எடுத்து விடு. மழைக் கொட்டோ கொட்டுனு கொட்டி ஆட்டமே இல்லாம செய்திடலாம்

வித்யா கலைவாணி : டீச்சர் நான் வேணா பாடவா

கா : ஏய்! முந்திரிக்கொட்டை சும்மா இரு ( கண்மணி டீச்சரிடம்) சரி டீச்சர்

ஆறாவது ஓவர் மூன்றாவது பந்து மின்னல் டு செல்லா

வெற்றி பெற 4 பந்தில் 3 ரன் தேவை

இப்போது மழை பெய்தால் டக்வொர்த் லூயிஸ் முறைப்படி சிவப்பு அணி வெற்றி பெறும். ஆட்டம் முக்கியமான கட்டத்தை எட்டி விட்டது.

மின்னல் அடுத்த பந்தை வீச தயாராகி ஓடி வருகிறார்.

காயத்ரி கவிதை பாடத் தயாராகிறார்.

"ஒரு கனவைப்போல்-
காலம் நம்
நினைவுகளிலிருந்து
தப்புகிறது
ஏறுவெயிலிடை
பனித்துளி போலவும்...
கடந்த எதிர்
இரண்டுக்குமிடையே
நுரைத்தெழும்புகிறது
வாழ்வின் மீதான பெருவிருப்பு”

மின்னல் இந்த பந்தை இன் ஸ்விங் செய்ய இம்முறையும் செல்லா பின் கால் (பேக் புட்) செய்து மீண்டும் ரூம் போட்டு அடிக்க முற்பட பந்து செல்லாவின் வலது கால் காப்பில் படுகிறது. வெள்ளை அணி வீரர்கள் அனைவரும் ஒரே குரலில் சத்தமிடுகின்றனர். கோபி மட்டும் கூவுகிறார். “How is that” நடுவர் 2 அவுட் என்று கையைத் தூக்கி விரலைக் காட்டுகிறார். வெள்ளை அணி வீரர்கள் அனைவரும் ஹே என்று கத்திக் கொண்டு குதிக்க மைதானமே அதிரும் வண்ணம் ஒரு குரல் கேட்கிறது.

“ யாரும் அவங்கவுங்க இடத்தை விட்டு நகரக்கூடாது “

காயத்ரி மட்டும் கவிதையை தொடர்ந்து பாடுகிறார்

வாழ்வைச் சுவாரசியமாக்கும்

உத்திகளிலொன்றாய்

சிப்பி சேர்க்கத் தொடங்கி

சிப்பிகள் சேகரித்தலே

வாழ்வாகியிருக்கிறது இப்போது....

சிந்தும் மழைத்துளி

ஒவ்வொன்றிலும்

சிக்கியிருக்கிறது வானம்

குரல் கொடுத்தது நம்ம செல்லா.

செல்லா : (சத்தமாக) யார ஏமாத்தலாம்னு பாக்குறீங்க. நான் யார் தெரியும்ல. இந்த மைதானத்தில இருக்கிற எல்லாரோட ஜாதகமும் என் கைல. எல்லாரோட ஐடி பாஸ்வேர்டும் என் கைல. அராஜகம் பண்ணலாம்னு பாக்கிறீங்களா?

நடுவர் 2 : இங்க பாருங்க செல்லா

செல்லா : எங்கயும் பாக்க முடியாது போப்பா

அண்ணாச்சி: என்னலே இப்படி தங்கு தங்கு குதிக்க. ஒனக்கு இப்ப என்ன செய்யனும்னு சொல்லும்வே

செல்லா : பந்து என் பேட்ல பட்டுட்டுதான் கால்ல பட்டுச்சு. அதனால நான் அவுட் இல்லை.

அண்ணாச்சி பரிதாபமாக நடுவர் 2 ஐப் பார்க்க அவர் விட்டால் அழுது விடுவது போல நிக்கிறார்.

அண்ணாச்சி commantary box ஐப் பார்த்து கையால் கட்டம் போடுகிறார்

மூன்றாவது நடுவர் நிலா தெளிவாக தன் பொக்கை வாய்ச் சிரிப்புடன் action replay பார்க்கிறார். நீண்ட யோசனைக்குப் பிறகு தன் அருகில் இருக்கும் பட்டனை அழுத்துகிறார்

காயத்ரி கவிதையை தொடர்கிறார்

உள்ளங்கைக் குழிவிற்குள்

அள்ளிய தண்ணீரில்

ஓடிக் கொண்டிருக்கிறது நதி

ஆழ்ந்தும் அகண்டும்

ஆகிருதி காட்டியும்

அலையடிக்கும் சமுத்திரச் சப்தம்

கேட்டபடியிருக்கிறது

சங்குகளுக்குள்ளும்.....

டிஜிட்டல் போர்டில் “Not out” என வருகிறது. அதே நேரம் மழை கொட்ட ஆரம்பிக்கிறது. மைதானம் தார்ப்பாயால் மூடப்படுகிறது.

காயத்ரி கவிதையை தொடர்கிறார்

எது எப்படியிருந்தென்ன?

நிகழ்ந்தபடியிருக்கும்

நிகழ்வுகளனைத்தின் முடிவிலும்

தக்க வைத்துக் கொள்ளவென

என்ன இருக்கிறது?

மக்கள் அனைவரும் செய்வதறியாது திகைக்கின்றனர். இந்த சந்தர்ப்பத்தில் வித்யா கலைவாணி எப்படியாவது இவ்வளவு பேர் இருக்கும் மைதானத்தில் பாடியே ஆக வேண்டும் என்று முடிவு செய்கிறார்.

நேராக வர்ணனையாளரின் அறைக்குச் சென்று மைக்கைப் பிடுங்கி அப்போது தான் தனது மனதில் உதித்த கவிதையைப் பாடுகிறார்

?????????????????????????????????????????????????????

???????????????????????????????????????????????????????

????????????????????????????

?????????????????????????????????????

????????????????????????????????????

????????????????????????????????????????????

???????????????????????????????

??????????????????????????????????????????

???????????????????????????????????

??????????????????????????????????????????

மைதானத்தில் இருந்த ப.பா.சங்கம் , மற்றும் வ.வா. சங்கம் உட்பட அனைவரும் இந்த கவிதையைக் கேட்டவுடன் உயிர் பிழைத்தால் போதும் என்று தலை தெறிக்க ஓடுகின்றனர். பாடல் முடியும் போது மழை மேகம் கூட ஓடி விடுகிறது.மைதானமே காலியாக இருக்கிறது

ஆனாலும் மைதானத்தின் நடுவில் ஒருவர் மட்டும் உட்கார்ந்து தேம்பி தேம்பி அழுகிறார். வித்யா அங்கே சென்று பார்த்தால் அது நம்ம G3

G3 : வித்யா! கோபியும், லக்கியும் இந்த ஆட்டத்தில ஜெயிச்சா KFC ல ட்ரீட் தர்றதா சொன்னாங்க . சரி யார் ஜெயிச்சாலும் KFC இருக்குன்னு நினைச்சேன். அய்யோ எல்லாம் போச்சே

வித்யா : கவலைப் படாதீங்கக்கா,. யாம் இருக்க பயமேன். நான் KFC ல எடுத்துத் தர்றேன். என்று அழைத்து மைதானத்தை விட்டு வெளியே வருகிறார்.

இப்போது கேமரா பின்னோக்கி.. பின்னோக்கி.. பின்னோக்கி.. பின்னோக்கிப் போக அவர்கள் இருவரும் சிறு புள்ளியாகத் தெரிகிறார்கள்.

டிஸ்கி : இவ்வளவு பெரிய பதிவை போட்ருக்கேன், இதுக்கும் டிஸ்கி போட வேண்டி இருக்கே! என்னோட கவிதை ஏன் கேள்விக் குறியா இருக்குன்னா அதைக் கேட்டவுடன் எல்லோரும் மைதானத்தை விட்டு ஓடுன மாதிரி நீங்களும் படிச்சுட்டு பின்னூட்டம் போடாம ஓடக்கூடாதுல்ல. அதனால பின்னூட்டம் போட்டுட்டு போங்க, இல்லை இக்கவிதை உங்க வீடு தேடி இ மெயில் கொசு மெயில் சென்னை மெயில் எல்லாத்திலயும் வரக்கூடும்.

69."மோதி பார்த்துடலாம் வாங்க- எங்க அண்ணாச்சிங்ககிட்டயேவா???"" பாகம் 5

2007-10-24T18:25:00.000+03:00

69.அசத்தலான பதிவர் உலக கிரிக்கெட் போட்டி பாகம் 5

வணக்கம் நேயர்களே! வித்யா கலைவாணி விளையாட்டுக் குழுமம் மீண்டும் உங்களை அன்புடன் வரவேற்கிறது. முதல் ஓவர் முடிந்த நிலையில் வெள்ளை அணி விக்கெட் இழப்பின்றி 10 ஓட்டங்கள் எடுத்துள்ளது. அபி அப்பா 9 ஓட்டங்கள் எடுத்துள்ளார்கள். இதற்கு மேல் ஒவ்வொரு பந்துக்கும் வர்ணணை மறுக்கப் படுவதால் ஒவ்வொரு ஒவரிலும் நடைபெற்ற சுவாரஸ்யமான தகவல்கள்.
==== இது இரண்டாவது ஓவர்
* இதை லக்கி வீசினார்
* நடுவரிடம் வந்த லக்கி " பந்து கிழியும், ஆனால் கிழியாது" என்று சொல்ல அதை நடுவர் 2 வும் அவசரப்பட்டு வழிமொழிய ஒரே குழப்பம். மூன்றாவது நடுவர் நிலா வந்து நிலைமையை சமாளித்தார். பின்னர் லக்கிலுக் "விக்கெட்டுக்கு வலது புறமிருந்து வலது கை பந்து வீச்சு" எனக்கூறினார்.
* முதல் பந்தில் அபி அப்பா ஒரு ரன் எடுத்தார்
* அடுத்த மூன்று பந்துகளிலும் கோபி அபாரமாக ஆடி தொடர்ந்து 3 பவுண்டரிகள் அடித்தார்.
*ஓவரின் ஐந்தாவது பந்தை தூக்கி அடிக்க அதை லாங் ஆனில் இருந்த செல்லா பிடிக்க கோபி அவுட். புதிய வீரர் நாமக்கல் சிபி
*கடைசி பந்தை எதிர்கொண்ட அபி அப்பா ஜல்லியில் மன்னிக்கவும் கல்லியில் தட்டி விட்டு 3 ஓட்டங்கள் எடுத்தார்
26/1 - 2 Overs அபி அப்பா 13(8) சிபி 0(0)
கடைசி ஆட்டமிழப்பு கோபி (பி) செல்லா (வீ) லக்கி லுக் 12(4)
==== இது மூன்றாவது ஓவர்
*இதை மீண்டும் ரவியே வீசினார்
* அபி அப்பா முதல் பந்தில் 4 ஓட்டமும் இரண்டாவது பந்தில் 2 ஓட்டமும் எடுத்தார்
*மூன்றாவது பந்தை பற்றிய வர்ணனையை இங்கு பார்ப்போம்
மூன்றாவது பந்து ரவி டு அ.அ
லெக் சைடில் தோளுக்கு மேல் பவுன்ஸான பந்தை அ.அ ஹூக் செய்ய கிட்டத்தட்ட மிஸ்பாக் டு ஸ்ரீசாந்த் மாதிரி. இப்ப கைப்புள்ளயின் தலைக்கு மேலாக வருகிறது. இருந்த இடத்தில் இருந்தால் பிடித்து விடலாம். பந்து கீழே வருகிறது

கீழே
கீழே
கீழே
கீழே

ஆ அதென்ன ஏதோ சத்தம் ஏன் கைப்புள்ள தலைமீது இரு கைகளையும் வைத்து குனிந்து கொள்கிறார். Miss field there . அபி அப்பாவுக்கு மேலும் 4 ஓட்டங்கள். என்ன சத்தம் என்பதை அந்த காட்சியை மறு ஒளிபரப்பு செய்து பார்ப்போம். பந்து கீழே வருகிறது

கீழே

அபி பாப்பா: "கட்டத்துரை வந்துட்டான்"
ஆகா அபி பாப்பா கூட இராஜ தந்திரங்களைக் கரைத்துக் குடித்திருக்கிறது. ( என்னங்கப்பா எல்லாரும் கரைச்சுக் குடிக்க அதென்ன ரஸ்னாவா, டேங்கா) கைப்புள்ள கோவமாக சுற்றும் முற்றும் பார்க்கிறார். அபி பாப்பாவையும் பார்க்கிறார். டைகர் ஏதோ உறுமுகிறது. இது கைப்புள்ளைக்கும் டைகருக்கும் மட்டும் தெரியுமாதலால் இதோடு விடுவோம்.
*நான்காவது பந்து ரவி டு அ.அ
அதே மூன்றாவது பந்து போல. இதையும் அ.அ ஹூக் செய்ய அதே நிலை. ஆனால் கைப்புள்ளைக்கு இரண்டு அடி தள்ளி விழுகிறது. மீண்டும் 4 ஓட்டங்கள். ஆனால் பந்து டைகரை லேசாக உரசிக் கொண்டு செல்கிறது. இதனால் அ.பா & டைகர் Co கோபத்துடன் ரவியைப் பார்க்கிறது. இப்போது ரவிக்கு அதன் அர்த்தம் புரிந்து விட்டது.
*ஐந்தாவது பந்து ரவி டு அ.அ
ரவி மிகவும் உற்சாகமாக ஓடி வந்து வீசுகிறார். கிளீன் போல்ட். மிடில் ஸ்டிக் உடைந்து விட்டது. வெள்ளை அணி தனது நம்பிக்கை நட்சத்திரத்தை இழந்து விட்டது . Excellent Bowling from Ravi. Nearly 148 km/hr. புதிய வீரர் மின்னுது மின்னல்.
*ஆறாவது பந்து ரவி டு மின்னல் அவுட் கிளீன் போல்ட்.மின்னலுக்கு எஜமானிகிட்ட இருந்து போன் வரனும் போல இருக்கு . அதனால மின்னல் மாதிரி வந்தாரு மின்னல் மாதிரி போய்ட்டாரு
38/3 - 3 Overs
=======================
அடுத்த 3 ஓவர்களில் வெள்ளை அணி 30 ஓட்டங்கள் அடிக்க சிவப்பு அணிக்கு வெற்றி இலக்கு 69 ஓட்டங்கள் 6 ஓவரில்
=======================

வணக்கம் அன்பு நேயர்களே! இந்த சிறப்பான ஆட்டத்தின் இரண்டாம் பகுதியில் இருக்கிறோம். வெள்ளை அணியினர் அபாரமாக ஆடி 4 விக்கெட்களை இழந்து 69 ஓட்டங்களை எடுத்துள்ளனர். இதை எப்படி சிவப்பு அணியினர் எதிர் கொள்வார்கள் என்று பார்ப்போம். வெள்ளை அணியில் அபி அப்பா 27 ஓட்டங்களும், சிபி அவர்கள் 14 ஓட்டங்களும், தேவ் 13 ஓட்டங்களும், கோபி 12 ஓட்டங்களும் எடுக்க மின்னல் ரன் ஏதும் எடுக்க வில்லை. உதிரியாக 3 ஓட்டங்களும் கிடைத்துள்ளன. Now Over to Red Team's Dressing Room.இது சிவப்பு அணியின் டிரஸ்ஸிங் ரூம்.
மீண்டும் "இது இரகசிய கேமரா மூலம் பதிவு செய்யப் படுகிறது" என்ற ஸ்லைடுடன் படக்காட்சி வருகிறது.
சிவப்பு அணியின் அறுவரும் சோகமாக உட்காந்து இருக்கிறார்கள். இளா : நான் கடப்பாறை, மண்வெட்டியோட போயிருந்தா இவ்வளவு ஓட்டம் வந்திரிக்காது. சிவா தனது மடிக்கணிணியை பார்த்துக் கொண்டே சொல்கிறார்

சிவா : அவுங்க இப்ப 69 ரன் எடுத்திருக்காங்க

ரவி : அட தேவகவுடா, இது தான் எங்களுக்கும் தெரியுமே

சிவா : அவங்களுக்கு 4 விக்கெட் போயிருக்கு

கைப்புள்ள : இதுவும் தெரியுமில்ல நீ மேல சொல்றது.

ரவி : நமக்கு இப்ப ஒரு ஓவருக்கு 11.7 ரன் தேவை

கைப்புள்ள : என்னப்பு சொல்ற ஒரு தகர டப்பா வைச்சுக்கிட்டு! புள்ளி 7 ஓட்டம்லாம் கிரிக்கெட்ல கிடையாது. யார ஏமாத்தப் பாக்குதாப்ல

ரவி: இதுக்குத் தான் மழைக்காவது பள்ளிக்கூடத்துப் பக்கம் ஒதுங்கனும்கிறது. இவரெல்லாம் தல வேற

செல்லா : சரி விடுங்கப்பா, இப்ப என்ன செய்யனும் சொல்லு

ரவி : சராசரியா ஒரு ஓவருக்கு இரண்டு நாலு அடிச்சாப் போதும் நாம ஈஸியா ஜெயிச்சிடலாம்.

இளா : நானும் லக்கியும் பொறோம். நான் போயி கிண்டி கிழங்கு எடுத்துடுறேன்

செல்லா : நான் வேணா போகவா? நான் தைரியமான ஆளு, யாருக்கும் பயப்பட மாட்டேன்

லக்கி : என்னன்னே இருக்குற ஒரே துருப்புச் சீட்டு நீங்க தான். நீங்க நாலாவதா இறங்குங்க.

கைப்புள்ள : சரி சரி இளாவும் லக்கியும் இறங்குங்க. அபி பாப்பா சொன்னது உண்மையா இருக்குமோனு எனக்கு தோணுது. எதுக்கும் வழில வெளியே போயி பாத்துட்டு வர்றேன்.

லக்கி: தல தனியா போகாதீங்க சிவாவையும் கூட்டிட்டுப் போங்க.

கைப்புள்ள : எதுக்கு அடி வாங்கித்தராவா. எங்க சங்கத்து ஆளுங்க இருக்கு

ரவி : இராஜதந்திரங்களைக் கரைத்துக் குடித்திருக்கிறீர்கள் தல

சிவா : ( மனசுக்குள்) போடி போ! அவங்களும் அடி தான் வாங்கிதரப் போறாங்க.

( ///சங்கத்துச் சாணக்கியன் said

ஏம்மா கலைவாணி உன் கதையில் எத்தனை பேருமா இராஜதந்திரங்களைக் கரைத்துக் குடிச்சிருக்காங்க. போதுமா போதும்.//

வித்யா கலைவாணி said

சரிங்க சார். இனி யாரும் இல்லை.கி.மு 290 ஆகஸ்ட 15 ல கோரக்பூர்ல நடத்தின மேட்சுக்கு வந்ததுக்கு நன்றி. அங்க சந்திரகுப்தரை கேட்டதாச் சொல்லுங்க)

Now Over to White Team's Dressing Room.

இது வெள்ளை அணியின் டிரஸ்ஸிங் ரூம்.
மீண்டும் "இது இரகசிய கேமரா மூலம் பதிவு செய்யப் படுகிறது" என்ற ஸ்லைடுடன் படக்காட்சி வருகிறது.
அபி அப்பா : ம்ம்ம் அபி பாப்பாவுக்கு பரதநாட்டியம்லாம் கத்துக் குடுக்க ஏற்பாடு செஞ்சனே? இப்படி செஞ்சுருச்சே?

சிபி : பரதநாட்டியம் அபி பாப்பா கத்துக்கிச்சா? கத்துக்குடுத்துச்சா?

ஜொள்ளு பாண்டி : ஆமா இப்ப இதுவா முக்கியம். ஆளே இல்லாத இந்த ரூம்ல என்ன பேச்சு

தேவ் : என்ன ஜொள்ளு? என்ன சொல்ற? நாங்கள்லாம் யாரு

ஜொள்ளு பாண்டி : அது வேற இது வேற வாங்க மைதானத்துக்கு போலாம்

மின்னுது மின்னல் : சரி சரி எனக்கு நேரமாகுது. சீக்கிரமா சொல்லுங்க

அபி அப்பா : 70 ஓட்டம் தான் டார்கெட். நம்ம சுலபமா ஜெயிச்சுடலாம்.

தேவ் : அபி பாப்பா வேற சொதப்பிடுச்சே

அபி அப்பா : அது பிரச்சினையில்லை. கண்மணி டீச்சர் கிட்டப் பேசி நான் ச்சுப்புரமணிய பயன்படுத்தலாமானு பாக்குறேன்.

சிபி : வேணாம்ப்பா. பாவம் ச்சுப்பு! அந்த லட்டையே இன்னும் கக்க முடியாம கஷ்டப்படுதாம்

தேவ் : சரி போனதெல்லாம் போகட்டும். நாம நல்லா பெளலிங் போட்டு ஜெயிச்சுக் காட்டுவோம். சரி வாங்க எல்லோரும் மைதானத்துக்குள் போவோம்.

டிஸ்கி 1 : மோகன்தாஸ் சார், விக்கிபீடியாவில் சாண்யக்கியனப் பத்தி ஏதாவது எழுதுங்க.
டிஸ்கி 2 : பழைய பாகங்கள் உங்கள் பார்வைக்கு
பாகம் 1
பாகம் 2
பாகம் 3
பாகம் 4
அடுத்த பாகத்தில் முடியும்

68.பார்வையற்றோர் பயன்படுத்த வசதியாக கம்ப்யூட்டர் மென்பொருள்

2007-10-24T05:46:00.000+03:00

பார்வையற்றோர் பயன்படுத்த வசதியாக கம்ப்யூட்டர் மென்பொருள் கண்டுபிடிப்பு
சென்னை: பார்வையற்றோர் கம்ப்யூட்டர் நிபுணராக வளர பயன்படும் மென்பொருளை மும்பையைச் சேர்ந்த் கம்ப்யூட்டர் நிபுணர் தயாரித்துள்ளார். இதுகுறித்த விளக்க கூட்டம் சென்னையில் நேற்று நடந்தது. பார்வையற்றோரும் கம்ப்யூட்டரை பயன்படுத்துவதற்கான புதிய மென்பொருளை கண்டுபிடித்த மும்பை கிருஷ்ணகாந்த் மானே சென்னையில் உள்ள பார்வையற்றோர் மத்தியில் மென்பொருளை பயன்படுத்துவது குறித்து நேற்று விளக்கினார். இந்த நிகழ்ச்சிக்கு எல்காட் ஏற்பாடு செய்திருந்தது. சென்னை நந்தனம் எல்காட் வளாகத்தில் நடந்த இந்த நிகழ்ச்சியில் எல்காட் மேலாண் இயக்குனர் உமாசங்கர் பேசுகையில் கூறியதாவது: மும்பை டாடா அடிப்படை ஆய்வு மைய ஆலோசகர் கிருஷ்ணகாந்த் மானே பார்வையற்றவர். இவர் தனது முயற்சியால் தற்போது பார்வையற்றவர்கள் எளிதில் கம்ப்யூட்டரை பயன்படுத்துதல் புரோகிராமிங் செய்தல், இ- மெயில் அனுப்புதல் உள்ளிட்ட பணிகளை செய்வதற்கான பிரத்யேக மென்பொருளை கண்டுபிடித்துள்ளார். தற்போது பூந்தமல்லி அரசு உயர் நிலைப்பள்ளி பார்வையற்ற மாணவர்கள் மற்றும் லிட்டில் பிளவர் பார்வையற்றோர் பள்ளி மாணவர்கள் என 70 மாணவ, மாணவியருக்கு இங்கு புதிய மென்பொருளை பயன்படுத்துவது பற்றி பயிற்சியளிக்கிறார். கம்ப்யூட்டர் பயன்படுத்துவது மட்டுமல்லாமல் இந்த மென்பொருளை மேம்படுத்துவதற்கான பணிகளில் இவர்களும் ஈடுபட வேண்டும் என்பதே எங்கள் நோக்கம்' என்றார்.
நன்றி : தினமலர்

67."மோதி பார்த்துடலாம் வாங்க- எங்க அண்ணாச்சிங்ககிட்டயேவா???"" பாகம் 4

2007-10-23T20:13:00.000+03:00

67.அசத்தலான பதிவர் உலக கிரிக்கெட் போட்டி பாகம் 4

இப்ப டாப் ஆங்கில்ல மைதானத்த காட்டப்படுக்கிறது. சிவப்பு அணியின் வீரர்கள் மைதானத்துக்குள்ள நுழைகிறார்கள் . பெளலிங்க போடுற End ல மைதானத்து பவுண்ட்ரி எல்லைய ஒட்டி அபி பாப்பாவும் டைகரும் நிற்கிறார்கள் . ஜொள்ளு பாண்டி டிரஸ்ஸிங் ரூம்ல இருந்து கிளம்பி ஆண்கள் பெண்கள் என்று பிரிச்சு இருக்குற இடத்தில போய் நின்னு வழக்கம் போல பெண்கள் பகுதிய பாத்துக்கிட்டு நிக்கிறாரு. இதை எல்லாம் அபி அப்பா ஒரு மர்ம புன்னகையோட பாத்து சிரிக்கிறார்.
சிவப்பு அணியின் வீரர்கள் கைய கால ஆட்டி பிராக்டீஸ் பண்ண செல்லா மட்டும் கராத்தே எல்லாம் காட்டுகிறார்.
சிவப்பு அணியின் வீரர்கள் எல்லாம் ஒண்ணா வட்டமா தோள் மேல கையப் போட்டு குனிஞ்சு பேசுகிறார்கள் . கேமரா வட்டத்துக்கு நடுவில கீழே இருக்கு.
கைப்புள்ள : கட்டதுரை இந்த மேட்ச் பாக்க வரலை. அதனால எனக்கு எந்த பயமும் இல்லை. நாம இன்னைக்கு ஜெயிச்சுக் காட்டனும்.
லக்கி : அதெல்லாம் டவுசர கிழிச்சிடலாம்
செல்லா : என் கம்ப்யூட்டர்ல எல்லாம் ரெடி பண்ணியாச்சு. அவங்களை ஈஸியா மடக்கிடலாம்.
மங்களூர் சிவா: நானும் எல்லாக் கணக்கும் பாத்து வச்சுட்டேன். எப்ப யார் பால் போடனும், யார் எங்க நிக்கனும், எவ்வளவு ரன் ரேட் வேனும் எல்லாம் ரெடி
ரவி : அபி பாப்பா நாயோட நிக்கிது. எனக்கு பயமா இருக்கு. ஏதாவது ஆஸ்பத்திரி பக்கத்துல இருக்கா?
கைப்புள்ள : பயப்படாதீங்க ரவி. நாங்கள் எல்லாம் இருக்கம்ல
ரவி : அதுதான் பயத்தை அதிகமாக்குது.
செல்லா : யாரும் பயப்பட வேண்டாம். என்னை மீறி ஒன்னும் நடக்காது. டன்
எல்லோரும் கோரசா : டன்
இப்ப கேமரா மீண்டும் டாப் ஆங்கில்ல வருது. அபி அப்பாவும் கோபியும் டிரஸ்ஸிங் ரூம்ல இருந்து வருகிறார்கள். இதை பாத்த உடனே மங்களூர் சிவா வேக வேகமா பெண்கள் பக்கம் போயி யாரையோ தேடுகிறார். வித்யா கலைவாணியப் பாத்ததும் அவர் முகம் பெளர்ணமி நிலவு மாறி ஆகுது வித்யாவைக் கூப்பிட்டு
மங்களூர் சிவா : கலைவாணிக்கா, உங்களத்தான் நாங்க நம்பி இருக்கோம். எப்படியாவது எங்களை ஜெயிக்க வைக்கனும்
வித்யா : என்னங்க சிவா! இப்படி சொல்லிட்டிங்க! உங்களுக்கு என்ன செய்யனும்னு சொல்லுங்க, நான் காத்துக்கிட்ருக்கேன்.
மங்களூர் சிவா : ஒன்னுமில்லைக்கா..........
வித்யா : அப்ப போங்க
மங்களூர் சிவா : அக்கா ஒங்க கடி தாங்க முடியலக்கா
வித்யா : நான் எப்பங்க உங்களக் கடிச்சேன்
மங்களூர் சிவா : அக்கா என்னை சோதிக்காதீங்க கோபிகிட்ட ஏதாவது பீலிங்கா பேசி அவரை அழுக வைச்சுடுங்க. உங்களோட அடுத்த பதிவுக்கு சங்கம் சார்பா 1000 பின்னூட்டம் போடறோம்.
வித்யா : (கம்மிய குரலில்) உங்ககிட்ட இருந்து இப்படி ஒரு விசயத்தை நான் எதிர்பாக்கலை. நீங்க எனக்கு அண்ணன் மாதிரினா, கோபி எனக்கு தம்பி மாதிரி நான் யாருக்கும் துரோகம் செய்ய முடியாது.
மங்களூர் சிவா சோகமான முகத்துடன் மைதானத்துக்குள் செல்கிறார். இதற்கிடையே அபி அப்பா மைதானத்துக்குள் செல்லாமல் நேராக Bowler end boundary line அருகில் நிற்கும் அபி பாப்பா & டைகர் பக்கம் போகிறார். டைகரைத் தடவிக் கொடுத்துக் கொண்டே அபி பாப்பாவிடம் ரவியைப் பார்த்து கையைக் காட்டி ஏதோ சொல்கிறார். ஏற்கனவே கிலியில் இருக்கும் ரவி இதைப் பார்த்ததும் மெர்ஸலாகி விடுகிறார். அபி அப்பா இப்போது முக மலர்ச்சியுடன் மைதானத்திற்குள் வலது காலை எடுத்து வைத்து உள்ளே நுழைகிறார்.
பார்வையாளர்கள் அனைவரும் எழுந்து நின்று சத்தமாக உச்ச ஸ்தாயியில் கோரசாக ஒரே மாதிரி சொல்கிறார்கள்.
எங்கே நீங்களும் சொல்லுங்க

அபி அப்பா
அபி அப்பா
அபி அப்பா
அபி அப்பா
அபி அப்பா

அபி அப்பாவும் கோபியும் பிட்சை நோக்கி நடக்க இப்ப நாம மீண்டும் கமெண்ட்ரி பாக்ஸுக்கு போகிறோம்.
வர்ணனையாளர் : அன்பான நேயர்களே! அகில உலகமும் ஆவலுடன் எதிர்பார்த்த ஒரு அருமையான ஆட்டத்தை நீங்கள் இப்போது காணப் போகிறீர்கள். சற்றுமுன் நீங்க கேட்ட அபி அப்பா, அபி அப்பா குரலே உங்களுக்கு இதை புரிய வைத்திருக்கும் என நம்புகிறேன். வீரர்கள் அனைவரும் தத்தமது இடத்தில் இருக்கின்றனர். உலக் கிரிக்கெட் வரலாற்றில் முதல் முறையாக வீரர்கள் பேசிக் கொள்வது வரை உங்களுக்கு இங்கு ஒலிபரப்பப்பட இருக்கிறது. இப்ப பீல்டிங்க பாக்கப் போறோம்.
கீப்பர் அவரோட இடத்திலும், செல்லா சில்லி பாயிண்டிலும், கைப்புள்ள பைன் லெக்கிலும், லக்கி லுக் டீப் பாயிண்டிலும், மங்களூர் சிவா லாங் ஆனிலும் உள்ளனர். செல்லா சில்லி பாயிண்டில் நிற்பது ஆறுக்கு ஆறு உலகிற்கே ஓர் ஆச்சர்யம். அபி அப்பாவை இது பயமுறுத்த உதவும். என்ன கைப்புள்ளயோட இராஜ தந்திரம். முதல் ஓவரைப் போட ரவி ஆயத்தமாகிறார். ரவி நடுவரிடம் வந்து சொல்கிறார். "விக்கெட்டுக்கு வலது புறமிருந்து வலது கை பந்து வீச்சு" அதை அண்ணாச்சி உரத்த குரலில் வழி மொழிகிறார்.
ஆ இது என்ன ஆச்சர்யம். எப்போதும் சொயிப் அக்தர் போல எல்லைக் கோட்டில் இருந்து ஓடி வந்து பவுலிங் செய்யக் கூடிய ரவி எல்லைக் கோட்டில் இருந்து 40 அடி தூரத்தில் நிற்கின்றார். ஏதாவது பெட்டி வாங்கிட்டாரா என்று தெரியவில்லை.
ரவி அப்படிப்பட்டவர் இல்லையே. இதில் ஏதோ சூழ்ச்சி இருக்கிறது. ரவி வேற அபி பாப்பாவையும் டைகரையும் அடிக்கடி திரும்பி பார்க்கிறாரே?
அபி பாப்பா ரவியை கையை காட்டி அழைக்கிறதே. கேமராவை அங்கு குளோசப்பில் கொண்டு செல்வோம். ரவி பதுங்கி பதுங்கி வருகிறாரே. அபி பாப்பாவுக்கு 4 அடி தூரத்தில் இப்போது ரவி நிற்கிறார். அபி பாப்பா ரவியை விடுவதாக இல்லை. டைகரை கொஞ்சம் தள்ளி நிற்கச் சொல்கிறது. டைகர் ரவியை முறைத்துப் பார்த்துக் கொண்டு தள்ளி நிற்கிறது.
ரவி : அபி பாப்பா நல்ல பிள்ளையில்ல நீ. டைகரைக் கூப்பிட்டுட்டு போயிடுமா
அ.பா: போறதா, எங்கப்பா விளையாடுறத நான் பாக்கனும் மாமா
ரவி : அப்ப நீ இரு, டைகரை அனுப்பிடுமா
அ.பா : உங்களுக்கு டைகரைப் பிடிக்குமேனு தான் கூப்பிட்டு வந்தேன். நீங்க கூட சொன்னீங்களே! எங்க வீட்டுக்கு வந்தப்ப.
ரவி : நானா சொன்னேன். ஆகா துட்டு குடுத்து எனக்கு நானே சூனியம் வச்சிருக்கேனே! அபி பாப்பா இப்ப நான் என்ன செய்யனும்.
அ.பா : ஒன்னும் இல்லை. எங்க அப்பாவுக்கு ஸ்டெம்புக்கு நேரா பந்தப் போடக் கூடாது. போட்டா அவ்வளவுதான்
ரவி : நான் ஏம்மா போடறேன். அந்த மாதிரி தப்ப நான் செய்ய மாட்டேன்மா செல்லம்.
அ.பா : அது
இப்ப அபி பாப்பா அந்த இடத்தை விட்டு கிளம்பி லெக் ஸைட் பவுண்டரி வழியாவே பைன் லெக்குக்கு வருது.
ரவி இப்போது எல்லைக் கோட்டிற்கு அருகிலேயே நிற்கிறார். அங்கிருந்து ஓடி வருவார். வலது கை ஆட்டக்காரர் அபி அப்பா முதல் பந்தை எதிர் கொள்ள தயாராக இருக்கிறார். 'பார்' போற்றும் ஆறுக்கு 6 ன் முதல் பந்தை போட ரவி ஓடி வருகிறார். அவர் ஸ்டெம்புக்கு வருவதற்க்குள் நாம் ஒரு குட்டி தூக்கம் கூட போடலாம். பரவாயில்லை.
ஆட்டத்தின் முதல் பந்து அபி அப்பாவிற்கு ஆப் சைடில் விலகிச் செல்ல அபி அப்பா மட்டையால் ஓங்கி அடிக்கிறார். செல்லா 0.08 வினாடியில் குனிந்து கொள்ள பந்து லாங் ஆப் திசையில் செல்கிறது. 4 ஓட்டங்கள். முதல் பந்தில் 4 ஓட்டங்கள்., வெள்ளை அணிக்கு நல்ல துவக்கம். அபி பாப்பாவும் டைகரும் சந்தோசத்தில் குதிக்கின்றனர். செல்லா கடும் கோபத்துடன் கைப்புள்ளையைப் பார்க்க அவர் அமைதி அமைதி என்பது போல கையைக் காட்டுகிறார்.
4/0 0.1 over
இரண்டாவது பந்து ரவி டு அபி அப்பா . இது மிகவும் ஆப் சைடில் வீசப்பட்டதால் சில்லி பாயிண்டில் அபி அப்பாவைப் பார்த்துக் கொண்டு நின்ற செல்லாவின் மீது பட்டு அங்கேயே விழுகிறது. அண்ணாச்சி வைட் எனச் சொல்லி கையை விரிக்கிறார். செல்லா அதே இடத்தில் உட்காருகிறார். கைப்பிள்ளை அங்கு ஓடி வந்து சமாதானப் படுத்திகிறார். இந்த நேரத்தில் அபி அப்பா பேட்டால் பிட்சை சரி செய்வது போல அவர்கள் பக்கத்தில் சென்று சொல்கிறார்
நீங்க யாரு எப்படிப்பட்ட ஆளு! உங்க தகுதி என்ன? உங்க அந்தஸ்து.......
கைப்புள்ள அபி அப்பாவை கொல வெறியோடு பாக்கிறார். கிட்டத்தட்ட சிமன்ஸூம், ஸ்ரீசாந்தும் மோதுவது போல இருக்கிறது. ஆனாலும் கைப்புள்ள அமைதியாகி செல்லாவை லாங்க ஆப் போகச் சொல்கிறார். ஆரம்பமே அமர்க்களமாக உள்ளது.
5/0 0.1 over
இது மீண்டும் இரண்டாவது பந்து ரவி டு அ.அ
வேகமாக அடிக்க முற்ப்பட்ட அ.அப்பாவின் பேட் விளிம்பில் பட்ட பந்து இரண்டாம் விலகல் ( அதாங்க செகண்ட் சிலிப்) வழியே செல்ல இளா ஓடி வந்து எடுக்கிறார். மானாவாரி நிலத்தில் டிராக்டரைப் போட்டு உழுதது போல அந்த ஏரியாவே புழுதி கிளம்புது. கோபி அங்கிருந்து 'வாணாம்ணா' என்று உரத்த குரலில் கத்துகிறார். அ.அப்பாவும் கிரீஸூக்கு திரும்புகிறார். புழுதி அடங்கியதும் பார்த்தால் இளா இப்போது தான் புழுதிக்குள் பந்தைத் தேடி எடுக்கிறார்.
5/0 0.2 over
மூணாவது பந்து ரவி டு அ.அ
ஆப் சைடில் பவுன்ஸாகி வந்த பந்தை அ.அ விட்டு விடுகிறார்.
5/0 0.3 over
நான்காவது பந்து ரவி டு அ.அ
கிட்டத்தட்ட ஆப் ஸ்டிக்குக்கு வந்த பந்து அ.அ அதை Straight drive செய்ய முற்ப்பட கால் காப்பில் படுகிறது. இளா 'How is that' என்று கத்த . 'வேணா' என்று குரலும் வருகிறது. இந்தக் குரல் ரவி. ரவி அபி பாப்பாவை பரிதாபமாகப் பார்க்க அ.பா பெருந்தன்மையாக பரவாயில்லை எனத் தலையை ஆட்டுகிறது.
5/0 0.4 over
ரவியின் பந்து வீச்சு நன்றாக உள்ளது. Great Come Back. Now Pressure builds on Abi Appa.
ஐந்தாவது பந்து ரவி டு அ.அ
லெக் சைடில் வந்த பந்தை அ.அ ஸ்வீப் செய்ய 4 ஓட்டங்கள்
9/0 0.5 over
ஆறாவது பந்து ரவி டு அ.அ
இதுவும் சிறிது ஆப் சைடில் வந்த பந்து அ.அ அதை செல்லாவிற்கு நேராக அடிக்க ஒரு ரன் கிடைக்கிறது.
10/0 - 1 over

66. எது உண்மை? பாகம் 5

2007-10-19T20:36:00.000+03:00

56. எது உண்மை? பாகம் 5

14. இப்படிப்பட்ட வாடிக்கையாளரை பார்த்திருக்கிறீர்களா?

15.உங்கள் தங்குமிடம் இதை விட பரவாயில்லை தானே !
16.இந்த சமுதாயத்தில் யார் வஞ்சிக்கப்பட்டவர்கள்?

65.முறிந்த கனவுகள் - கவிதை? உண்மை ?

2007-10-18T18:41:00.000+03:00

உயரே உயரே செல்லக் கூடிய எதுவும்

கீழே வந்தே தீரும்

இது நியூட்டனின் விதி

உயரே உயரே பறக்கும் கழுகும், வானூர்தியும் கூட

இரை தேடி கீழே வரும்

உயரே உயரே பறந்தாலும் வீட்டுக்குருவி ப

ருந்தாகாது என்பார்கள் பெரியவர்கள்

இராக்கெட் கூட விடுபடு திசைவேகம் அதிகமானால் தான்

பூமியின் எல்லையை விட்டு வெளியே செல்லுமாம்.

ஏனிந்த வறட்டுத்தனமான பீடிகை!
::::::::::::::::::::::::::*********** :::::::::::::::::::::::::
வானத்தை நோக்கி குறுக்காக பிரயாணித்த

இந்த ஜடப்பொருள் நேராகக்

கீழே விழுந்து விட்டது.

இந்த சிட்டுக்குருவியின் சிறகுகளும் உடைந்து விட்டன

உடைக்கப்படவில்லை என்பது உண்மையான ஆறுதல்

ஃபீனிக்ஸ் பறவைக்கு வானமே எல்லை

எத்தனை முறை சிறகுகள் எரிந்தாலும் அது முயற்ச்சிக்குமாம்

நான் ஃபீனிக்ஸ் பறவை அல்ல

சிறகுகள் எரிய ஆனால் எரிந்தது எனது சிறகுகல்ல ஆன்மா.

ஆன்மா இன்றேல் மனிதனில்லை

சிறகுகள் எரிந்தால் மீண்டும் முளைக்கும் ஆன்மா எரிந்தால்?

ஆனால் இந்த ஆன்மா எரிக்கப்படவில்லை,

எரித்துக் கொண்டேன் என்பது தான் நிதர்சனமான உண்மை
:::::::::::::::::: ************ :::::::::::::::::::::::::::::::::::

கடவுளே! ஈசலைப் போல் ஏன் என்னைப் படைத்தாய்?

படபடத்து சீக்கிரம் மரிக்கச் செய்யவா?

ஒரு சோலையில் குயில் போல கூவ வேண்டிய

இநத கட்டில்லாத காட்டுக்குயில்

பாலையில் வதங்கி விட்டது.

:::::::::: ************ ::::::::::::::::::::::
பேசுவதற்கு வாயில்லை எழுதுவதற்கு வார்த்தை இல்லை.

ஆகவே பிரிந்து செல்கிறேன்

இது போய் வருகிறேன் என்பதற்கு அல்ல

போகிறேன் என்பதற்கு

அணையப் போகும் விளக்கு பிரகாசமாக எரியுமாம்

இந்த விளக்கு எரியும் முன்பே அணைகிறது

64."மோதி பார்த்துடலாம் வாங்க- எங்க அண்ணாச்சிங்ககிட்டயேவா???"" பாகம் 3

2007-10-16T12:39:00.000+03:00

64.அசத்தலான பதிவர் உலக கிரிக்கெட் போட்டி பாகம் 3

கீழே வந்த காயினை வானத்திலேயே பிடிச்சது வேற யாரு நம்ம அண்ணாச்சி தான். அவரோட நிக்கிற நடுவர் யார்னு தெரியலையா? இப்பத் தெரிஞ்சிடும்

அண்ணாச்சி : ஏலே ???????? நடுவங்கனு எதுக்கு இருக்கமா? உங்க இஷ்டத்துக்கு செய்தீகளோ!

நடுவர்2 : இவங்க எப்பவுமே இப்படிதான் அண்ணாச்சி . ஆளே இல்லாத கடையில தான் டீ ஆத்துவாங்க.

கைப்புள்ளையை நோக்கி “கைப்புள்ள! நாங்க தான் இதுக்கெல்லாம் வரனும்”. அபிஅப்பாவைப் பாத்து “அபி அப்பா! உங்க இஷ்டத்துக்கு எல்லாம் எதுவும் செய்யக்கூடாது”

திரும்ப அண்ணாச்சியைப் பார்த்து “ இந்த விஷயத்தை இப்படியே விடக் கூடாது....”

அண்ணாச்சி : ஏம்ல இப்ப நீ நிப்பாட்ட போறியா இல்லயா?

கைப்புள்ளையைபாத்து அண்ணாச்சி : நீங்க டாஸ் போடுறீங்களா? அபி அப்பா போடட்டுமா?

அபி அப்பா : என்ன இப்படி சொல்லிட்டீங்க! அவர் யாரு எப்படிப்பட்ட ஆளு! அவர்...

கைப்புள்ள : அபி அப்ப்ப்ப்ப்ப்பா போதும்! போதும்! நானே போடுறேன் காயினை மேலே போடுகிறார்

அபி அப்பா : ஹெட் இல்ல இல்ல டெய்ல் இல்ல இல்ல ஹெட் இல்ல டெய்ல் (காயின் ஹெட்டில் கிடக்கிறது)

அபி அப்பா : இல்ல ஹெட் ஐ நான் செயிச்சுட்டேன்

கைப்புள்ள : என்னது இது சின்னப்புள்ளத்தனமா இருக்கு . இது அழுகுணி ஆட்டம். நான் வரமாட்டேன்

அபி அப்பா : என்ன இப்படி சொல்லிட்டீங்க! நீங்க யாரு எப்படிப்பட்ட ஆளு! உங்க...

கைப்புள்ள : இல்ல…. இல்ல……… நீங்கதான் வின் பண்ணீங்க

அபி அப்பா டீவியைப் பாத்து அபி அப்பா : எங்க டீம் பேட்டிங்ல ஸ்ட்ராங் . அதனால நாங்க பேட் பண்ணப் போறம்.

கைப்புள்ள டீவியைப் பாத்து கைப்புள்ள: எங்க டீம்ல பெளலிங் தான் ஸ்ட்ராங். எங்க டீம்ல ரவி, லக்கி எல்லாம் இருக்காங்க. நாங்க தான ஜெயிப்போம்.

செய்தியாளர்X : Abi Appa Won the Toss. and decided to bat first. Now over to commentary box.

வர்ணனையாளர் : இப்ப இரண்டு டீமும் வழக்கப்படி பதிவர் மீட்டிங் போற மாதிரி லேட்டா தான் வருவாங்க. அதனால இப்ப நாம கிரெளண்டல என்ன நட்க்குதுனு பாப்போம். "இது இரகசிய கேமரா மூலம் பதிவு செய்யப் படுகிறது" என்ற ஸ்லைடுடன் படக்காட்சி வருகிறது. அங்கே G3 அழுது கொண்டே கண்மணி டீச்சரிடம் வருகிறார்.

G3 : "டீச்சர்..அங்க கூல்டிரிங்ஸ், ஸ்நாக்ஸ் எல்லாம் இருக்கு. ஆனா அதோட இன்சார்ஜ் கோபி ஒன்னும் தரமாட்டேங்குறாரு..ங்ங்ங்"

வித்: "இதுக்கு ஏங்க்கா அழுகிறீங்க! என்கிட்ட சொல்ல வேண்டியது தான . எங்க இருந்தாலும் அதை எடுக்குறதுல நான் PHD, MHD, OHD எல்லாம் வாங்கிருக்கேன்ல. இப்ப இருங்க வர்றேன்". அங்க போய் கோபி கிட்ட ஏதோ சொல்றா. உடனே கோபி முகமெல்லாம் ஒரு மாதிரி ஆகி தேம்பி தேம்பி புலம்புறாரு. அந்த கேப்ல கூல்டிரிங்ஸ், ஸ்நாக்ஸ் எடுத்துட்டு வித்யா கலைவாணி திரும்புறா. அதை ஓடிப் போய் G3 வாங்குறாங்க. காயத்ரிக்கு சந்தோசம் தாங்க முடியலை.

வித்யா வந்ததும் காயத்ரி அவருக்கு நெட்டி(?) முறிக்கிறார். கண்மணி டீச்சர்: (வித்யாவைப் பாத்து) "என்னடி சொன்ன" வித்யா : என்ன கோபி! பதிவே போடலனு எல்லோரும் உங்கள கலாய்க்குறாங்களே! ஏன் இப்படினு கேட்டேன். உடனே புலம்ப ஆரம்புச்சுட்டாரு. அந்த கேப்பில எல்லாத்தையும் களவாண்டுட்டு வந்திட்டேன். இது எங்க குலத்தொழிலாக்கும்”அப்டினு சொல்லி முடிய "குலக்கல்விக்கு ஆதரவளிக்கும் கயவர்கள் ஒழிக! அவர்களை ஒழிக்காமல் விட மாட்டோம்" என்று ஒரு குரல் வருகிறது. கேமரா மீண்டும் commentary box க்கு போகுது. அங்கே

வர்ணனையாளர் : மக்கள் அனைவரும் சந்தோசமா இருக்காங்க. இப்ப நாம வெள்ளை அணியின் டிரஸ்ஸிங் ரூம் போறோம். Over to White Team's Dressing Room. மீண்டும் "இது இரகசிய கேமரா மூலம் பதிவு செய்யப் படுகிறது" என்ற ஸ்லைடுடன் படக்காட்சி வருகிறது. அங்கே அபி அப்பா கோபமாக இருக்கிறார்.

அபி அப்பா : (சத்தமாக) எவன் இதுக்கு சிக்ஸ்6 னு பேர் வச்சது. எனக்கு 8 தான் ராசியான நம்பரு. நாம 8 பேரோட ஆடுனாதான் ஜெயிப்போம்.

கோபி : நாம வேணா இரண்டு பேர் அவுட் ஆகிட்டு வந்து திரும்பப் போயி விளையாடுவோமே? அப்ப 8 கணக்கு சரியாகிடும்.

நாமக்கல் சிபி : அங்க தான் மங்களூர் சிவா இருக்காரே? இன்னைக்கு சென்செக்ஸ் 17349.324687 ல முடிஞ்சுச்சு இன்னைக்கு டாலர் மதிப்பு 40.3546855. இது நேத்த விட 0.000024577665 அதிகம்னு பதிவு போடுரவரு. 6 விக்கெட்ட கணக்கு பண்ண மாட்டாரா? (அபி அப்பாகிட்ட போயி) கவலைபடாதீங்க நாம எல்லாரும் ஆளுக்கு 8 ரன் எடுப்போம். 48 ரன் வரும் எக்ஸ்ட்ரா ஒரு 8 வரும். ஆக 56 ரன் நமக்கு போதும் தானே?

அபி அப்பா : நீங்க சொல்றதும் சரிதான். அபி பாப்பாவும் டைகரும் அவங்க ஸ்பாட்டுக்கு போயிட்டாங்க . சரி ஓபனிங் நான் தான் போவேன். ஏன்னா நாந்தான் நிறைய பதிவு போடுறேன். சாட் பண்ணுறேன். அதனால என்க்குத் தான் சான்ஸ்.

தேவ் : நானும் தான் புதுசா பதிவு போட்டிருக்கேன் .. அதுக்கு டெம்ப்ளேட் ரெடி பண்ணினேன்.. சுமார் 720 லைன் கோடு எழுதினேன... எழுதண கோடு தவிர கண்ட இடத்துல்ல களவாண்டு சுமார் 400 லைன் காப்பி பேஸ்ட் பண்ணினேன.. 300 விட்ஜிட் வைத்தேன்... 200 லிங்க் கொடுத்தேன்... 100 இடத்துல்ல டேக் பண்ணினேன்.. 10 திரட்டியிலே சேர்த்தேன்... 5 சங்கத்துல்ல சேர்த்தேன்.. கும்மி அடித்தேன்.. கும்மி பதிவர்தெய்வங்கள், மொக்க பதிவர் உபதெய்வங்கள், ஜல்லி பதிவர் குட்டி தெய்வங்கள்ன்னு பின்னூட்டம் வாங்கினேன்...

நாமக்கல் சிபி : ஆமா இப்படி பண்ணீங்கண்ணா 6 ஓவர்ல 6 ரன் கூட எடுக்க முடியாது. நீங்க நாலாவதா போங்க

கோபி : அப்ப அபி அப்பாவோட யாரு இறங்குறது.

அபி அப்பா : ஜொள்ளு பாண்டிய இறக்குவமா?

நாமக்கல் சிபி : ஜொள்ளு பாண்டி வேணாம். இப்ப தான் மகளிர் பக்கம் பாத்து கொஞ்சமா ஜொள்ளு விட ஆரம்பிச்சு இருக்காரு. கடைசியா அனுப்பினாதான் ஜொள்ளு பூரா பிட்ச்ல வடிஞ்சு அவுங்க பேட் பண்ணும் போது நல்லா வழுக்கி விழுவாங்க

கோபி : இராஜ தந்திரங்களை கரைத்துக் குடித்திருக்கிறீர்கள் சிபி! சரி நானே போறேன். அடுத்து காட்சி மாறுகிறது. Over to Red Team's Dressing Room.இது சிவப்பு அணியின் டிரஸ்ஸிங் ரூம். மீண்டும் "இது இரகசிய கேமரா மூலம் பதிவு செய்யப் படுகிறது" என்ற ஸ்லைடுடன் படக்காட்சி வருகிறது. இளா கோபமா சுவத்தைப் பாத்துக்கிட்டு நிக்கிறாரு. கைப்புள்ள கையை பிசைஞ்சுக்கிட்டு நிக்கிறாரு அப்பதான் செல்லா உள்ள வர்ராரு.

செல்லா : (கோபமாக) என்ன ? என்ன நடக்குது இங்க?

லக்கி : ஒன்னும் இல்லைன்னே! நம்ம இளா விக்கெட் கீப்பிங் பண்றப்ப மண் வெட்டி, கடப்பாறை எல்லாம் எடுத்துட்டு போனுமாமாம். நான் இல்லை, அப்படி போனா டவுசர் கிழிஞ்சுடும்னு சொன்னேன். அதுக்கு கோவிச்சுக்கிட்டாரு

செல்லா : ( இளாவிடம் அமைதியாக) என்னங்க இளா இது, நானே பனியன், சட்டை எல்லாம் போட்டுட்டு வந்திருக்கேன். நீங்க இப்படி அடம் புடிக்கலாமா? செல்லா அமைதியா பேசறத பாக்கிற இளா அமைதியாகி கீப்பிங் பேடக் கட்றாரு.

டிஸ்கி : இதைப் படித்து சிரித்தவர்கள், சிரிக்காதவர்கள், காமெடி, மொக்கை, என்றவர்கள், எரிச்சல் அடைந்தவர்கள் அனைவரும் தயவு செய்து கீழே உள்ள இடுகையை படித்து விட்டுச் செல்லவும்.

எது உண்மையின் ஒரு விளக்கம்

63.எது உண்மையின் ஒரு விளக்கம்

2007-10-16T07:26:00.000+03:00

இந்த மாதத்தின் ஆரம்பத்தில் எது உண்மை என்ற தலைப்பில் சில இடுகைகளை இட்டிருந்தேன். அதன் தொடர்ச்சியான விளக்கம் தான் இது. அந்த இடுகைகளை வாசிக்காதவர்கள் முதலில் அதை சிறிது ஆழமாக கவனித்து விட்டு வரவும். இதில் தரப்பட்ட கேள்விகளை உங்களுக்கு நீங்களே கேட்டுக் கொள்ளுங்கள். பதிலையும் யோசியுங்கள்
அதோ இவைதாம்
எது உண்மை பாகம் 2
எது உண்மை பாகம் 3
எது உண்மை பாகம் 4

ஆயிரம் வார்த்தைகளால் சொல்ல முடியாத விஷயங்களை ஒரே ஒரு புகைப் படத்தின் மூலம் விளக்கி விட முடியும்.

இது இல்லாமல் புகைப்படத்தால் விளக்க இயலாத சில கேள்விகளும் என்னிடம் உள்ளன.
1. நீங்கள் நல்ல பசியோடு இருக்கும் போது நெய்ச் சோறும், கோழி குருமாவும் கிடைக்கிறது. ( சைவப்பிரியர்கள் ஒரு நல்ல சாப்பாடு என்று வையுங்கள்). அதில் முதல் கவளம் வைக்கும் போது யாராவது கையைத் தட்டி விட்டு சாப்பாடு கிடையாது என்று சொன்னால் உங்களது நிலை எப்படி இருக்கும்?
2. நல்ல பாலைவனத்தில் கடும் வெயிலில் நீங்கள் தாகத்தில் இருக்கும் போது ஒருவர் குளிர்ந்த சுவையான நீர் கொடுக்க மற்றொருவர் அதை தடுத்தால் உங்களது நிலை எப்படி இருக்கும்?
3.நல்ல சம்பளத்தில் மனதுக்குப் பிடித்த வேலையில் இருக்கிறீர்கள். திடீரென்று உங்களை வேலையை விட்டு தூக்கினால் உங்களுக்கு எப்படி இருக்கும்.

இப்படி இழப்புகளை அடுக்கிக் கொண்டே போகலாம். ஆனால் நல்ல சாப்பாடு கிடைத்த உடனோ, தண்ணீர் கிடைத்த உடனோ, அதை விட நல்ல வேலை கிடைத்த உடனோ நாம் அதை மறந்து விடலாம். ஆனால் நன்றாகப் படிக்கக் கூடிய ஒரு மாண்வனுக்கோ, மாண்விக்கோ கல்வி மறுக்கப் படுமானால் அதன் நிலை என்ன தெரியுமா? பல இரவுகள் தூக்கமின்றி கண்ணீருடன் இருந்தவர்களை என்க்குத் தெரியும். கல்வி என்பது 95 விகிதம் பேருக்கு வித்தியாசமானது. ஒருவனின் கல்வி தொடராமல் இடை வெளி விழுந்தால் மீண்டும் அவனால் அடுத்தடுத்த வருடங்களில் அதே பழைய வேகத்துடன் செல்ல இயலாது. ஆனால் கசப்பான உண்மை என்னவென்றால் வறுமையின் காரணமாக இடைநிறுத்தப்படும் கல்வி 99 சதவீதம் மீண்டும் தொடர வாய்ப்பே இல்லை என்பது தான்.
சரி இந்த பதிவின் நோக்கத்திற்கு வருவோம். இவ்வாறு கல்வி இடை நிறுத்தம் இந்தியா போன்ற நாடுகளில் மிகவும் அதிகமாக இருக்கிறது. அரசாங்கங்களும் ஆரம்ப கல்வி வரையாவது கட்டாயம் படிக்க வைக்க வேண்டும் என பல திட்டங்களைத் தீட்டி செயல் படுத்தி வருகிறது. வருங்கால சமுதாயம் முன்னேற்றப் பாதையில் செல்ல கல்வி மிக மிக அவசியம். கல்வி இடை நிறுத்தத்தை குறைக்க என்ன செய்ய வேண்டும் என்பதே இந்த பதிவின் குறிக்கோள்.
நான் யாரையும் இந்த உலகைத் திருத்த வாருங்கள் என்றோ, இந்தியாவைத் திருத்த வாருங்கள் என்றோ அழைக்கவில்லை. இதைப் படிக்கக் கூடியவர்கள் நிச்சயமாக நல்ல வேலையிலோ, வசதியானவர்களாகவே இருக்கக் கூடும். உங்களுக்குத் தான் இந்த அறைகூவல். நீங்கள் இந்தியாவில் உங்களுக்கு நன்கு தெரிந்த ஒரு பகுதியைத் தேர்ந்தெடுத்துக் கொள்ளுங்கள். அது உங்களது சொந்த ஊரிலோ, நீங்கள் தற்போது இருக்கும் இடத்திலோ இருக்கட்டும். அதில் எவ்வளவு மாணவ மாணவிகள் தங்களது கல்வியை இடை நிறுத்தப் போகிறார்கள் என்று பாருங்கள். குறிப்பாக அரசுப் பள்ளிகளில் நன்றாகப் படித்துவிட்டு அடுத்த வகுப்பிற்கு நோட்டுப் புத்தகங்கள் வாங்க வழியின்றி படிப்பை நிறுத்துபவர்கள் யார் என்று கவனியுங்கள். உங்களால் அது இயலாதென்றால் உங்களது நண்பர்களிடமோ, உறவினர்களிடமோ விசாரியுங்கள். 500 ரூபாய் இருந்தால் பத்தாம் வகுப்பிற்க்கு புத்தகங்களை வாங்கி விடலாம். 1000 ரூபாய் இருந்தால் பதினொன்றாம் வகுப்பிற்க்கோ, பனிரெண்டாம் வகுப்பிற்க்கோ புத்தகங்களை வாங்கி விடலாம்.
அப்படிபட்டவர்களுக்கு நீங்கள் உங்களுடைய பணத்தில் இருந்து உதவுங்கள்.
5000 ரூபாய் இருந்தால் ஒரு I.T.I லோ 10000 ரூபாய் இருந்தால் ஒரு பாலிடெக்னிக்க்கிலோ சேரலாம். அவர்களுக்கும் உதவுங்கள். காய்ச்சல் என்று மருத்துவரிடம் சென்றால் 1000, 2000 செலவழிக்கத் தயாராக இருக்கிறோம். 5000 ரூபாயில் செல்பேசி வாங்குகிறோம். 10000 ரூபாயில் சுற்றுலா செல்கிறோம். ஏன் மற்றவர்களின் வாழ்க்கையின் ஈடேற்றத்திற்காக கொஞ்சம் செலவு செய்யக் கூடாது?. அதிகம் தேவை இல்லை. உங்களது மாத வருவாயில் 2 அல்லது 3 சதமோ நல்ல மனதிருந்தால் 5 சதமோ ஒதுக்குங்கள். ஒவ்வோரு வருடமும் பள்ளி திற்க்கும் காலங்களில் அதை திட்டமிட்டு தகுதியான மாணவ மாணவிகளுக்கு உதவிங்கள். அதில் தான் உண்மையான இன்பம் கிடைக்கும். அதை ருசித்துப் பாருங்கள். நாங்கள் எங்களது வருவாயில் 10 சதவீதம் இது போன்ற நல்ல காரியங்களுக்கு ஒதுக்குகிறோம்.

கேடில் விழுச்செல்வம் கல்வி யொருவற்கு
மாடல்ல மற்றை யவை
என்ணென்ப ஏனை எழுத்தென்ப இவ்விரண் டும்
கண்ணென்ப வாழும் உயிர்க்கு.

62."மோதி பார்த்துடலாம் வாங்க- எங்க அண்ணாச்சிங்ககிட்டயேவா???"" பாகம் 2

2007-10-15T06:22:00.000+03:00

62.அசத்தலான பதிவர் உலக கிரிக்கெட் போட்டி பாகம் 2

வர்ணனையாளர் : வணக்கம். நேயர்கள் அனைவருக்கும் வித்யா கலைவாணியின் விளையாட்டுக் குழுமம் இந்த நேர்முக மறைமுக வர்ணனைக்கு அன்புடன் வரவேற்கிறது. தமிழகத்தின் தலை சிறந்த கிரிக்கெட் வர்ணணையாளர் மதிப்பிற்குரிய ஜனாப் சாத்தான் குளம் அப்துல் ஜப்பார் அவர்கள் போல் அளிக்க இயலாவிட்டாலும் கூட எங்களால் முடிந்த அளவு உங்களுக்கு தொகுத்து அளிக்கிறோம். இந்தியாவிற்கே வழிகாட்ட வேண்டும் என்ற நோக்கில் தமிழ் மண பதிவாளர்கள் சார்பாக இப்போட்டி ஏற்பாடு செய்யப் பட்டுள்ளது. இரு அணி வீரர்களும் பல தேசங்களில் இருந்தும் வந்துள்ளனர்.

குறிப்பாக ரவி அவர்கள் கொரியாவில் இருந்து வரும் போது ப்ளைட் உள்ளேயே ப்ராக்டீஸ் ஆரம்பித்ததாக கொரியன் ஏர்லைன்ஸ் செய்திக் குறிப்பு ஒன்று DNA வை மேற்கோள் காட்டி செய்தி வெளியிட்டுள்ளது. மேலும் அமீரகத்தைச் சேர்ந்த பதிவர்கள் பிராக்டீசுக்கு சார்ஜா கிரிக்கெட் ஸ்டேடியத்தை தேர்ந்தெடுத்து, ஆனாலும் அது வசதி குறைவாக இருக்கும் என்பதால் Sheik Zayed ரோட்டிலேயே ப்ராக்டீஸ்செய்ததாக Gulf News, Khaleej Times ல் செய்திகள் வந்துள்ளன.

சரி நேயர்களே. முதலில் மைதானத்தைப் பார்வையிடுவோம். மைதானம் வரும் வழி எங்கும் வ.வா.சங்கத்தின் சார்பில் வரவேற்பு சுவரொட்டிகள் ஒட்டப்பட்டுள்ளன. பல இடங்களில் வளைவுகளும் வைக்கப்பட்டுள்ளன். மைதானம் முழுவதும் கட்டுக்கடங்காத கூட்டமாக உள்ளது. மக்களின் மீது உள்ள நம்பிக்கையின் காரணமாக மைதானத்திற்கும் பார்வையாளர் அரங்குக்கும் இடையே வேலி ஏதும் போடப்படவில்லை. எல்லைக் கோட்டுக்கு அருகில் தமிழ் ப்ளாக்குகளில் எழுதுபவர்கள் தங்களது விளம்பரப்பலகைகளை வைத்துள்ளனர். சில பலகைகளில் ஒளிப்படங்களும் ஓடுகின்றன.

நமது சிறப்பு செய்தியாளர்X மைதானத்தில் உள்ளார். அவரை இப்போது காண்போம்.

வர்ணனையாளர் : ஹலோ! இப்ப எங்க இருக்கீங்க

செய்தியாளர்X: இங்க பாருங்க. கொஞ்சம் பொறுக்கனும். மைக், கேமராலாம் இன்னும் ரெடி ஆகலை. எப்பவுமே உங்களுக்கு அவசரம் தானா? பெண் புத்தி பின் புத்தி தான?

வர் : இதெல்லாம் முதலயே ரெடி பண்ணி வைக்காம உங்களுக்கு வேற என்ன வேலை. காலைலயே வாங்கிக் கட்டனுமாக்கும். சரி நேயர்களே மைக் சரியாகும் வரை நாம் சிறிது விளம்பரங்களைப் பார்ப்போம்.

டிங் டிங் டிங்
சன் வொர்த் எமர்ஜென்ஸி லைட்டுகள் நீடித்த உழைப்பிற்கும் , பாதுகாப்பிற்கும் சன் வொர்த் எமர்ஜென்ஸி லைட்டுகள். கொரிய த்யாரிப்பில் யார் மண்டையையும் உடைக்கும் திறன் கொண்டது சன் வொர்த் எமர்ஜென்ஸி லைட்டுகள்
டிங் டிங் டிங்

வர்ணனையாளர் : இப்ப நம்ம செய்தியாளரின் மைக் சரியாகி விட்டது.அவரிடம் செல்வோம்.

செய்தியாளர்X : இங்க பாருங்க இங்கே கட்டுக்கடங்காத கூட்டமாக உள்ளது

வர்: அதெல்லாம் நாங்க சொல்லியாச்சு வேற ஏதாவது சொல்லு

செ X: இங்க பாருங்க இதுக்கு தான் பெண்களெல்லாம் வர்ணணைக்கு வரக் கூடாதுன்னு சொன்னேன். என்ன எப்ப சொல்லனும்னு எங்களுக்கு தெரியும். இரு அணி வீரர்களும் இப்ப களத்தில நிக்கிறாங்க. நேத்து இரவு முழுவதும் நெட் ப்ராக்டீஸ் அதாவது கும்மி அடிச்சனால எல்லாம் தூக்கக் கலக்கத்துல இருக்காங்க. வெயிலும் கொஞ்சமா 49'C தான் இருக்கு. வறண்ட வானிலை தான். ஆனாலும் சென்னை வானிலை ஆய்வு மையம் மழை வந்தாலும் வரலாம். லேசாகவோ, கனமாகவோ, இடியுடனோ, இடி இல்லாமலொ, மழையோ மழை இல்லாமலோ இருக்கும் எனவும், மீனவர்கள் மீன் பிடிக்க போகலாம், போகக்கூடாது என்வும் கூறி உள்ளது. ஆனால் இப்போதைக்கு பெண்கள் பகுதியில இருந்து மட்டும் கொஞ்சம் ஜில்லுன்னு காத்து வருது.

பெண்களுக்கு என்று பிரத்யேகமாக இடமும் ஒதுக்கப்பட்டுள்ளது. இதைக் கண்டித்து ஜெஸிலா அவர்கள் எங்களுக்கு எங்கு வேண்டுமானாலும் உட்காரும் உரிமை வேண்டும் எனக் கூறி வெளி நடப்பு செய்ததாக மைதானத்தில் இருந்து வரும் செய்திகள் தெரிவிக்கின்றன.

வர்: ஆமா இதுல கூட பெண்களுக்கு உரிமை இல்லையா? அவங்க செஞ்சது சரி தான். சரி பார்வையாளர்கள் எப்படி பீல் பண்றாங்க

செX: இங்க பாருங்க! பார்வையாளர்கள் கிடக்காங்க. பாவையர்களப் பத்தி பேசுற நேரத்தில நீங்க வேற விவஸ்தை இல்லாம.
நேத்து இரவு முழுவதும் ப.பா.சங்கம் சார்பாக இரகசிய ஆலோசனை நடந்தது. எப்படியாவது இதை தடுத்து நிறுத்தனும்னு. ஆனா இறுதியா அதே நேரம் உறுதியாக கண்மணி டீச்சர் எப்படியும் இது உருப்படப் போறதில்லை, அதனால நம்ம சங்கத்து காச வீணாக்க வேணாமுனு சொல்லிட்டாங்க.. ஆனாலும் எல்லாரும் வேடிக்கை பாக்க வந்திருக்காங்க. கண்மணி டீச்சர் தலைமையில் கவிதாயினி காயத்ரி, அனு, .;;மை பிரண்ட்::.., இம்சை அரசி மற்றும் காயத்ரியின் புதிய சிஷ்யை வித்யா கலைவாணி (?) எல்லோரும் வந்திருக்காங்க. ஆனா G3 மட்டும் அப்ப இருந்தே கூல்டிரிங்ஸ் இருக்குற இடத்தையே நோட்டம் விடுறாங்க. இந்த பிட்சுல டாஸ் வின் பண்ணுறவங்க முதல பேட் செய்வாங்கனு எதிர்பாக்கலாம். ஓவர் டூ கமெண்ட்ரி பாக்ஸ்

வர்: நன்றி ! நேயர்களே ! பெண்களுக்கு அவர்களுக்கான உரிமைகள் வழங்கப்பட்டே தீர வேண்டும். இது போல பெண்களுக்கு ஒரு கிரிக்கெட் ஆட்டம் நடத்த யோசிக்கப்பட்டது. ஆனால் இந்திய பெண்கள் அணி ஆண்கள் அணி போல் இல்லாமல் சிறப்பாக செயல்படுவதால் அது கைவிடப்பட்டுள்ளது. இப்ப இரண்டு அணியின் கேப்டன்கள் அபி அப்பாவும் கைப்புள்ளயும் டாஸ் போடப் போறாங்க. Now Over to the Ground

( பலத்த கரவொலி). ஹலோ படிச்சா போதுமா நீங்களும் கை தட்டுங்க

கைப்புள்ள : அபி அப்பா நீங்க டாஸ் போடுறீங்களா? நான் போடவா?

அபி அப்பா : என்ன கைப்புள்ள ! இப்படி சொல்லிட்டீங்க! நீங்க யாரு எப்படிப்பட்ட ஆளு! உங்க தகுதி என்ன? உங்க அந்தஸ்து என்ன? இந்த கூட்டமே உங்களுக்காகத்தான் வந்திருக்கு! அதுமில்லாம……………..

கைப்புள்ள : அபி அப்பா இதோட நிப்பாட்டுங்க. இப்படி சொல்லி சொல்லி தான் என் உடம்ப புண்ணா….க்கி வச்சிருக்கீங்க. குடுங்க காயினை. நானே போடுறேன்.
கைப்புள்ள காயினை மேலே தூக்கிப் போடுறாரு

காயின் மேல போகுது
மேலே
மேலே
மேலே
மேலே
மேலே போயி
கீழே
கீழே
கீழே
கீழே வருது

கீழே பாத்தா காயினைக் கானோம்.
அப்ப கருப்பு கோட் போட்ட இரண்டு அம்பயர்கள் நிக்கிறாங்க. அதில ஒருத்தர் கையில காயின் இருக்கு

டிஸ்கி : இண்டர்போலின் தகவலின் படி இந்த கதையின் "திருட்டு பதிவு" வலையுலகத்தில் உலாவுவதாக செய்திகள் வந்த வண்ணம் உள்ளன. அவைகள் அனைத்தும் மேம்படுத்தப் படாதவைகள். எனவே அசல் பிரதிக்கு இங்கு மட்டும் வரவும். வித்யா கலைவாணி

61."மோதி பார்த்துடலாம் வாங்க- எங்க அண்ணாச்சிங்ககிட்டயேவா???""

2007-10-14T11:20:00.000+03:00

61.அசத்தலான பதிவர் உலக கிரிக்கெட் போட்டி பாகம் 1
"மோதி பார்த்துடலாம் வாங்க- எங்க அண்ணாச்சிங்ககிட்டயேவா???""
Twenty20 உலகக் கோப்பைக்கு பிறகு இந்தியா அணி ஆஸ்திரேலியாவிடம் அடிமேல் அடி வாங்குகிறது. இதை அடுத்து அனைத்து வலையுலக தமிழ் மண நண்பர்கள் சார்பாக இதை எப்படியாவது தடுத்து நிறுத்த வேண்டும் என ஆலோசனை நடந்தது. பலசுற்று பேச்சு வார்த்தைக்கும், பல ப்ளேட் பஜ்ஜி, சொஜ்ஜி, அமீரக நண்பர்களின் பிரியாணி ஏப்பங்களுக்கும் பிறகு இறுதியாக இந்த முடிவு எடுக்கப்பட்டது.
அதாவது நாமே ICL, IPL, BPL... போல இரு அணி அமைத்து ஒரு ஆறுக்கு ஆறு ஆட்டம் ஆடுவது என்றும், இதற்கு சகோதரி வித்யா கலைவாணியின் கீழ்கண்ட LOGO வை பயன்படுத்துவது எனவும் முடிவு செய்யப்பட்டது.

இதை அடுத்து நடைபெற்ற பத்திரிக்கை நிருபர்கள் கூட்டத்தில் இரு அணி வீரர்களையும் பத்திரிக்கைத் தொடர்பாளர் 'ஜி' அறிவித்தார்.
அணி விபரம் பின்வருமாறு
வெள்ளை அணி
1. அபி அப்பா( அணித்தலைவர்)
2.ஜொள்ளு பாண்டி
3. தேவ் ( விக்கெட் கீப்பர்)
4.கோபி
4.மின்னுது மின்னல்
6.நாமக்கல் சிபி

சிவப்பு அணி
1. கைப்புள்ள ( அணித்தலைவர்)
2. லக்கிலுக்
3.இளா ( விக்கெட் கீப்பர்)
4. ரவி
5. மங்களூர் சிவா
6. செல்லா
நடுவர்களாக நமது மதிப்பிற்குரிய இரண்டு வலைஞர்கள்(?) செயல்படுவார்கள்.

மேலும் இதுபற்றி 'ஜி' கூறும் போது Va.Vaa. Sangam, மற்றும் Pa.Paa.Sangam இரண்டும் இதற்கு முழு ஆதரவளிக்கிறது என்றும், அச்சங்கங்களின் நிர்வாகிகளும், உறுப்பினர்களும் இதில் கலந்து கொல்(?)வார்கள் என்றும் தெரிவித்தார். மேலும் பிரதான விருந்தினர்களாக அபி பாப்பாவும், டைகரும் கலந்து கொள்கின்றனர்.
blogspot ல் முதன் முறையாக இதன் நேர்முக, மறைமுக வர்ணனை நமது http://kalavani.blogspot.com/ல் வரும் எனவும் தெரிவிக்கப்பட்டுள்ளது.

60.அசத்தலான பதிவர் உலக கிரிக்கெட் போட்டி

2007-10-12T16:07:00.001+03:00

அகில உலக ப்ளாக்குகளில் தமிழ் ப்ளாக்குகளே முன்னிலையில் உள்ளன. அப்படிப்பட்ட தமிழ் ப்ளாக்குகளில் முதன்முறையாக வித்யா கலைவாணி விளையாட்டுக் குழுமம் வழங்கும் ஆறுக்கு ஆறு எனப்படும் புது விதமான கிரிக்கெட் ஆட்டம் இந்த ப்ளாக்கில் நடைபெற உள்ளது. எது மாதிரியும் இல்லாத புது மாதிரியான இந்த ஆட்டத்தில் அகில உலக தமிழ் மணத்தைச் சேர்ந்த பதிவர்கள் பங்கு பெறுகின்றனர். அனைவ்ரும் ஆதரவு தரும்படிஅன்புடன் கேட்டுக் கொல்(?)கிறோம்.
அன்புடன்
வித்யா கலைவாணி விளையாட்டுக் குழுமம்

மேற்க்கண்ட விளம்பரத்தை உங்களது ப்ளாக்கில் விளம்பரமாக இட்டால் உங்களது ஒரு பதிவுக்கு ஐந்து வீதம் அனானியாக பின்னூட்டம் இடப்படும். அவ்வாறு இட்டால் இங்கே பின்னூட்டமாக தகவல் தெரிவிக்கவும். நன்றி

59.ரமழான் வாழ்த்துக்களும் அதற்கு சம்மந்தமில்லாத சந்தேகங்களும்!!!

2007-10-10T21:06:00.000+03:00

ரமழான் வாழ்த்துக்களும் அதற்கு சம்மந்தமில்லாத சந்தேகங்களும்!!!
இது ரமழான் மாதம் முடியக் கூடிய தருணம். நாளையோ, நாளை மறுநாளோ முஸ்லிம்களுக்கு திருநாளாக இருக்கலாம். இந்த நல்ல நேரத்தில் இஸ்லாமிய சகோதர சகோதரிகள் அனைவருக்கும் என் உள்ளங்கனிந்த பெருநாள் நல்வாழ்த்துக்கள். ஈத் முபாரக்.
எங்களது ஊரில் முஸ்லிம்களும் கணிசமாக வாழ்கின்றனர். எனக்குத் தெரிந்து 6 பள்ளிவாசல்கள் உள்ளன. என்க்கு முஸ்லிம் தோழிகளும் அதிகம். நோன்பு, ஹஜ் பெருநாட்களில் யார் வீட்டில் சென்று சாப்பிடுவது என்று எனது தோழிகளுடன் மந்திராலோசனை நடக்கும். இறுதியில் வழக்கம் போல நல்ல சாப்பாடு கிடைக்கும் இடத்தில் நுழைந்து விடுவோம்.
அதற்காக மற்றவர்களுடைய மனச புண் படுத்தக் கூடாது இல்லையா? அதனால எல்லாத்தையும் பார்சல் கட்டிருவோம். ஒரே ஜாலி தான். அதுவும் நோன்பு பெருநாள் அன்று முஸ்லிம்கள் எங்க வீட்டு வழியாத்தான் தொழும் திடலுக்கு போவார்கள். வீட்டு வாசலில் நின்று வேடிக்கை பார்ப்போம். சிறு வயதில் வீட்டு வாசலில் தண்ணீர் வைத்து எல்லோருக்கும் கொடுப்போம்.
இப்போது என்னுடைய இந்த பதிவின் நோக்கத்திற்கு வருவோம். அப்போது ஆண்கள் அனைவரும் தொழுகைக்கு செல்வார்கள். பெண்கள் வீட்டில் இருப்பார்கள். எனது தோழிகளுடம் கேட்டால் நாங்கள் பள்ளிக்கோ, பெருநாள் தொழும் இடத்திற்கோ செல்லக் கூடாது என்பார்கள்.
நான் துபாய் வந்த பிறகு அங்கு பெண்கள் தொழுகைக்கு பள்ளிக்கு செல்கின்றனர். எனது பக்கத்து fப்ளாட்டில் இருந்த சூடான் பெண் தினமும் இரவுத் தொழுகைக்கு பள்ளிக்கு செல்வார். அதே போல் பெருநாள் தொழும் இடத்தில் பெண்களுக்கு தனி இடம் உண்டு. சவுதியிலும் இதே நிலைதான். இந்தியாவில் மட்டும் மாற்றம்.
இது குறித்து எனது அடுத்த fப்ளாட் பலஸ்தீனப் பெண்ணிடம் கேட்டேன். நன்றாக ஆங்கிலம் பேசக் கூடிய அவர் " இது எங்கள் நபி வழி. எனவே இதைப் பின்பற்ற வேண்டும்" என்று கூறினார். மேலும் ஹதீஸ் எனச் சொல்லப் படும் நபி மொழியையும் அரபியில் இருந்து ஆங்கிலத்தில் மொழி பெயர்த்துக் கூறினார். ஆனாலும் அதை சரியாக தமிழில் மொழி பெயர்க்க முடியாத்தால் கீழே உள்ளதை எனது கணவரின் தமிழ் நண்பர் மூலம் பெற்றேன்.

உம்மு அதிய்யா (ரலி) கூறினார்கள் பெருநாளில் (தொழும் திடலுக்கு) நாங்கள் புறப்பட வேண்டும் என்றும் கூடாரத்திலுள்ள கன்னிப் பெண்களையும், மாத விடாய் ஏற்ப்பட்டுள்ள பெண்களையும், புறப்படச் செய்ய வேண்டும் எனவும், நாங்கள் கட்டளையிடப்பட்டோம். பெண்கள் ஆண்களுக்குப் பின்னால் இருப்பார்கள். ஆண்களின் தக்பீருடன் அவர்களும் தக்பீர் கூறுவார்கள். ஆண்களின் துஆவுடன் அவர்களும் துஆ செய்வார்கள். புஹாரி 971

மாதவிடாய் ஏற்ப்பட்டுள்ள பெண்கள் கூட தொழும் இடத்திற்கு வர வேண்டும் என்று தெளிவாக உள்ள போது இந்தியாவில் பெண்களின் இந்த உரிமையை ஏன் தடுக்கின்றனர்?. இது ஒரு குற்றச் சாட்டு அல்ல. எனது சந்தேகம். இஸ்லாமிய சகோதரர்கள் யாராவது பதில் சொல்லலாமே?

58.ஆதி திராவிட விமானப் பணிப்பெண்கள்

2007-10-10T05:39:00.001+03:00

இந்தியாவில் ஆண்டாண்டு காலமாக ஒடுக்கப் பட்டிருந்த ஆதி திராவிட , பழங்குடியின மக்களின் மேம்பாட்டிற்கு இந்திய அரசும், தமிழக அரசும் பல நலத்திட்ட உதவிகளை செய்து வருகிறது. இதற்காக தமிழகத்தில் ஒரு அமைச்சகமே செயல்பட்டு வருகிறது. அதன் மூலம் தமிழகம் முழுதும் இருந்து
100 மாணவிகள் தேர்ந்தெடுக்கப் பட்டு அவர்களுக்கு விமானப் பணிப்பெண் பயிற்சி அளிக்கப் படுகிறது. அவர்களை தமிழக முதல்வர் கலைஞரின் ஆலோசனைப்படி ஆதி திராவிட நலத்துறை அமைச்சர் சென்று பார்வையிட்டு கலந்துறையாடினார்.